ജിദ്ദ മക്ക എക്​സ്​പ്രസ്​ റോഡിൽ തിരക്കേറി: കർശന നിരീക്ഷണം

ജിദ്ദ:  ജിദ്ദ മക്ക എക്​സ്​പ്രസ്​ റോഡിലുടെ  മക്കയി​ലേക്ക്​ എത്തിയ വാഹനങ്ങളുടെ എണ്ണം ഏക​േദം 80000 ആയി​. റമദാനിലെ ആദ്യത്തെ അഞ്ച്​ ദിവസങ്ങളിലാണ്​ ഇത്രയും വാഹനങ്ങൾ മക്കയിലേക്ക്​ എത്തിയത്​. മക്കയിലേക്ക്​ എത്തുന്ന പ്രധാന  റോഡുകളിൽ ഏറ്റവും തിരക്കേറിയ റോഡാണിതെന്ന്​​ മക്ക മേഖല റോഡ്​ സുരക്ഷ ദൗത്യ സേന മേധാവി ജനറൽ ആയിദ്​ ശുറൈം പറഞ്ഞു. പിന്നീട്​  തിരക്ക്​ കൂടുതൽ മദീന മക്ക റോഡിലാണ്​. റമദാനായതോടെ മക്കയിലേക്കുള്ള റോഡുകളിലെല്ലാം തിരക്ക്​ കൂടിയതായും അദ്ദേഹം പറഞ്ഞു. വേഗത​ കുറക്കാൻ എക്​സ്​പ്രസ്​ റോഡുകളിൽ താത്​കാലിക ​ചെക്ക്​ പോയിൻറുകൾ ഒരുക്കിയിട്ടുണ്ട്​. അമിത വേഗതയിൽ വാഹനമോടിക്കുന്നത്​ നിരീക്ഷിക്കാൻ കേന്ദ്രങ്ങളുണ്ട്​. ഇവരെ പിടികൂടാൻ ഉദ്യോഗസ്​ഥരെ നിയോഗിച്ചിട്ടുണ്ട്​. ഭക്ഷ്യവസ്​തുക്കളുമായി പോകുന്ന ട്രക്കുകളും നിരീക്ഷിക്കുന്നുണ്ടെന്ന്​ റോഡ്​ സുരക്ഷ ദൗത്യ സേന മേധാവി പറഞ്ഞു.