സംസം നവീകരണം ആക്ടിങ് ഗവർണർ സന്ദർശിച്ചു
text_fieldsമക്ക: മസ്ജിദുൽ ഹറാമിലെ സംസം നവീകരണ പദ്ധതി മക്ക മേഖല ആക്ടിങ് ഗവർണർ അമീർ അബ്ദുല്ല ബിൻ ബൻദർ സന്ദർശിച്ചു. പദ്ധതി നിർമാണ പുരോഗതി വിലയിരുത്തിയ അദ്ദേഹം ധന മന്ത്രാലയം, ഇരുഹറം കാര്യാലയം, ഹറം സുരക്ഷ ഉദ്യോഗസ്ഥർ എന്നിവർക്ക് നന്ദി രേഖപ്പെടുത്തി. ഇരുഹറം കാര്യാലയ മേധാവി ഡോ. അബ്ദുറഹ്മാൻ അൽസുദൈസ്, ഹജ്ജ് ഉംറ കാര്യ സഹമന്ത്രി അബ്ദുൽ ഫത്താഹ് മുശാത്, ഉമ്മുൽ ഖുറാ യൂനിവേഴ്സിറ്റി മേധാവി മഅ്തൂഖ് അസാസ് എന്നിവരും ആക്ടിങ് ഗവർണറെ അനുഗമിച്ചിരുനു. സംസം വിതരണം കൂടുതൽ വിപുലമാക്കുന്നതിനും കിണറിനു ചുറ്റുമുള്ള ഭാഗം അണുമുക്തമാക്കുന്നതിനുമായി കഴിഞ്ഞ നവംബറിലാണ് സംസം നവീകരണ പദ്ധതി ആരംഭിച്ചത്. റമദാനിന് മുമ്പ് പദ്ധതി പൂർത്തിയാക്കാനാണ് തീരുമാനം. 80 ശതമാനത്തിലധികം പൂർത്തിയായിട്ടുണ്ട്.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.