അറ്റകുറ്റപ്പണി: ത്വാഇഫ് അൽഹദാ ചുരംറോഡ് അടയ്​ക്കുന്നു

ത്വാഇഫ്: അറ്റകുറ്റപ്പണികൾക്കായി ജിദ്ദ-ത്വാഇഫ്​ റോഡിലെ അൽഹദാ ചുരം തിങ്കളാഴ്​ച മുതൽ മൂന്ന്​ ദിവസത്തേക്ക്​ അടയ്​ക്കും. ഇരു ദിശകളിലേക്കുമുള്ള ഗതാഗതം തടയുമെന്ന്​ റോഡ് സുരക്ഷക്കായുള്ള പ്രത്യേക സേന അറിയിച്ചു.

ബുധനാഴ്ച വരെയാണ്​ അടച്ചിടൽ. വാഹനങ്ങളുടെയും യാത്രക്കാരുടെയും സുരക്ഷ ഉറപ്പാക്കാൻ മൂന്ന്​ ദിവസവും രാവിലെ ഒമ്പത്​ മുതൽ വൈകീട്ട്​ ആറു വരെയാണ്​ അടച്ചിടലെന്ന് സേനാവൃത്തങ്ങൾ വ്യക്തമാക്കി.