മദീന ബസ് ​ദുരന്തത്തിൽ ഏഴ്​ ഇന്ത്യക്കാർ മരിച്ചതായി സ്​ഥിരീകരണം

ജിദ്ദ: മദീന ബസ് ​ദുരന്തത്തിൽ ഏഴ്​ ഇന്ത്യക്കാർ മരിച്ചതായും ദമ്പതികൾക്ക്​ പരിക്കേറ്റതായും ജിദ്ദ ഇന്ത്യൻ കോൺസ ുലേറ്റ്​ സ്​ഥിരീകരിച്ചു. ബിഹാർ സ്വദേശി മുഹമ്മദ്​ അഷ്​റഫ്​ അൻസാരി, ഉത്തർപ്രദേശ്​ സ്വദേശികളായ ഫിറോസ്​ അലി, അഫ ്​താബ്​ അലി, നൗഷാദ്​ അലി, സഹീർ ഖാൻ, ബിലാൽ, വെസ്​റ്റ്​ ബംഗാൾ സ്വദേശി മുഹമ്മദ്​ മുഖ്​താർ അലി ഗാസി എന്നിവരാണ്​ ദുരന്തത്തിൽ മരിച്ച ഇന്ത്യക്കാർ.

മഹാരാഷ്​ട്ര സ്വദേശികളായ മാതിൻ ഗുലാം വാലീ, ഭാര്യ സിബ നിസാം ബീഗം എന്നിവർക്കാണ്​ പൊള്ളലേറ്റത്​. മദീന കിങ്​ ഫഹദ്​ ആശുപത്രയിലാണ്​ ദമ്പതികളുള്ളത്​. 39 പേർ സഞ്ചരിച്ച ബസ്​ എസ്​കവേറ്ററുമായി കൂട്ടിയിടിച്ച്​ തൽക്ഷണം കത്തിയതിനെ തുടർന്ന്​ 36 പേർ വെന്തു മരിച്ചിരുന്നു. മൂന്ന്​ പേരാണ്​ സംഭവത്തിൽ രക്ഷപ്പെട്ടത്​.

ഇതിൽ രണ്ട്​ പേർ മഹാരാഷ്​ട്ര സ്വദേശികളായ ദമ്പതികളാണ്​. ഒാക്​ടോബർ 17ാനായിരുന്നു മദീനയിൽ നിന്ന്​ 170 കിലോമീറ്റർ അകലെ ഹിജ്​റ റോഡിൽ ദാരുണമായ ദുരന്തം ഉണ്ടായത്​. റിയാദിൽ നിന്ന്​ ഉംറ തീർഥാടനത്തിന്​ പുറപ്പെട്ട സംഘം മദീന സന്ദർശനം കഴിഞ്ഞ്​ മക്കയിലേക്ക്​ തിരിച്ചതായിരുന്നു. രാത്രി ഏഴ്​ മണിയോടെയായിരുന്നു അപകടം. കുട്ടിയിടി നടന്നയുടൻ ബസ്​ ആളിക്കത്തുകയായിരുന്നു.