മദാഇൻ സ്വാലിഹിൽ നയതന്ത്ര സംഘം

അൽഉലാ: മദാഇൻ സ്വാലിഹ്​ സന്ദർശിക്കാൻ  നയതന്ത്ര ഉദ്യോഗസ്​ഥരെത്തി. വിദേശകാര്യ മന്ത്രാലയത്തിലെ ​​േപ്രാ​​േട്ടാകോൾകാര്യ അണ്ടർസെക്രട്ടറി അസാം ബിൻ അബ്​ദുൽ കരീം അൽഖയ്​നോ​ടൊപ്പമാണ്​ വിവിധ രാജ്യങ്ങളിലെ നയതന്ത്ര ഉദ്യോഗസ്​ഥരുടെ സംഘം ഇവിടെയെത്തിയത്​. യു​െനസ്​കോ പൈതൃകസ്​ഥാന പട്ടികയിൽ ഇടം തേടിയ, നൂറ്റാണ്ടുകൾ പഴക്കമുള്ള മദാഇൻ സ്വാലിഹ്​ സംഘം ചുറ്റിക്കണ്ടു. ചരിത്രവും സവിശേഷതകളും ടൂറിസം ഗൈഡ്​ ഖാലിദ്​ അൽഹർബി സംഘത്തിന്​ വിദശീകരിച്ചുകൊടുക്കുകയും ചെയ്​തു. അൽഉലക്കും ഹദിയക്കുമിടയിൽ റെയിൽവേ സ്​റ്റേഷൻ,  ട്രെയിൻ ബോഗികൾ, കുതിര വണ്ടികൾ, യാത്രാസംഘങ്ങൾ സഞ്ചരിച്ചിരുന്ന പാത, മ്യൂസിയം തുടങ്ങിയവയും സന്ദർശിച്ചു. ടൂറിസം വകുപ്പുമായി സഹകരിച്ചു വിദേശ കാര്യ മന്ത്രാലയമാണ്​ നയതന്ത്ര ഉദ്യോഗസ്​ഥർക്ക്​ ടൂർ ഒരുക്കിയത്​.