അന്താരാഷ്ട്ര ശ്രദ്ധയിൽ മദാഇൻ സ്വാലിഹിലെ 'അത്‍ലബ് പർവതം'

യാം​ബു: അ​ന്താ​രാ​ഷ്ട്ര മാ​ധ്യ​മ​ങ്ങ​ളി​ൽ ഇ​ടം​പി​ടി​ച്ച് മ​ദാ​ഇ​ൻ സ്വാ​ലി​ഹി​ലെ 'അ​ത്‍ല​ബ് പ​ർ​വ​തം'. സൗ​ദി അ​റേ​ബ്യ​യി​ൽ​നി​ന്ന് യു​നെ​സ്‌​കോ ലോ​ക പൈ​തൃ​ക പ​ട്ടി​ക​യി​ൽ ഉ​ൾ​പ്പെ​ട്ട സു​പ്ര​ധാ​ന ച​രി​ത്ര, പൈ​തൃ​ക കേ​ന്ദ്ര​മാ​ണ് മ​ദാ​ഇ​ൻ സ്വാ​ലി​ഹ്. അ​തി​ലെ പ്ര​ധാ​ന​പ്പെ​ട്ട പ​ർ​വ​ത​മാ​ണ് 'അ​ത്‍ല​ബ്'. സി.​എ​ൻ.​എ​ൻ അ​ത്‍ല​ബ് പ​ർ​വ​ത​ത്തി​ന്റെ സ​ചി​ത്ര റി​പ്പോ​ർ​ട്ടാ​ണ് ക​ഴി​ഞ്ഞ ദി​വ​സം പ്ര​സി​ദ്ധീ​ക​രി​ച്ച​ത്. സൗ​ദി ഫോ​ട്ടോ​ഗ്രാ​ഫ​ർ മു​ഹ​മ്മ​ദ് അ​ൽ ജു​റൈ​ബി എ​ടു​ത്ത ഫോ​ട്ടോ​ക​ളാ​ണ് ഉ​പ​യോ​ഗി​ച്ചി​രി​ക്കു​ന്ന​ത്. മ​ദാ​ഇ​ൻ സ്വാ​ലി​ഹി​ന്റെ ച​രി​ത്ര​വും വി​ശ​ദ​മാ​യി പ്ര​തി​പാ​ദി​ച്ചി​ട്ടു​ണ്ട്.

ഒ​രു കാ​ല​ത്ത് പ്ര​താ​പ​ത്തി​ന്റെ ഉ​ന്ന​ത ശ്രേ​ണി​യി​ൽ വി​രാ​ജി​ക്കു​ക​യും പി​ന്നീ​ട് ച​രി​ത്ര​ത്തി​ന്റെ ഭാ​ഗ​മാ​യി നാ​മാ​വ​ശേ​ഷ​മാ​കു​ക​യും ചെ​യ്ത ച​രി​ത്ര​ത്തി​ൽ ഇ​ടം പി​ടി​ച്ച പ്ര​ദേ​ശം മ​ദീ​ന​യു​ടെ വ​ട​ക്കു​ഭാ​ഗ​ത്ത് 400 കി​ലോ​മീ​റ്റ​ർ അ​ക​ലെ അ​ൽ ഉ​ല ഗ​വ​ർ​ണ​റേ​റ്റ് പ​രി​ധി​യി​ലാ​ണ്. അ​ൽ ഉ​ല ടൗ​ണി​ൽ​നി​ന്ന് 23 കി​ലോ​മീ​റ്റ​ർ സ​ഞ്ച​രി​ക്ക​ണം മ​ദാ​ഇ​ൻ സ്വാ​ലി​ഹി​ൽ എ​ത്താ​ൻ. 14.6 ച​തു​ര​ശ്ര കി​ലോ​മീ​റ്റ​ർ വി​സ്‌​തീ​ർ​ണ​മു​ള്ള മ​ദാ​ഇ​ൻ സ്വാ​ലി​ഹ് പ്ര​ദേ​ശ​ത്ത് ശി​ലാ​യു​ഗ​ത്തി​ലെ മ​നു​ഷ്യ​വാ​സ​ത്തി​ന്റെ ശേ​ഷി​പ്പു​ക​ളു​ണ്ട്. ര​ണ്ടാം നൂ​റ്റാ​ണ്ടി​ൽ 'ന​ബാ​ത്തി ജ​ന​ത' മ​ദാ​ഇ​ൻ സ്വാ​ലി​ഹ് കീ​ഴ​ട​ക്കി​യ​താ​യും അ​വി​ട​ത്തെ ഭീ​മാ​കാ​ര​മാ​യ പാ​റ​ക​ൾ തു​ര​ന്ന് ആ​രാ​ധ​നാ​ല​യ​ങ്ങ​ളും ശ​വ​കു​ടീ​ര​ങ്ങ​ളും നി​ർ​മി​ച്ച​താ​യും ച​രി​ത്രം രേ​ഖ​പ്പെ​ടു​ത്തു​ന്നു.

പ്ര​കൃ​തി​യു​ടെ ക​ര​വി​രു​തി​ൽ തീ​ർ​ത്ത ശി​ൽ​പ​ഭം​ഗി​യും അ​വി​ടെ​നി​ന്ന് ക​ണ്ടെ​ത്തി​യ പു​രാ​വ​സ്തു​ക്ക​ളും പാ​റ​ക​ളി​ൽ തീ​ർ​ത്ത കൊ​ത്തു​പ​ണി​ക​ളും ശി​ലാ​രേ​ഖ​ക​ളും സ​ന്ദ​ർ​ശ​ക​രെ ഹ​ഠാ​ദാ​ക​ർ​ഷി​ക്കു​ന്നു. പ്ര​ദേ​ശ​ത്തെ 'അ​ത്‍ല​ബ്' പ​ർ​വ​ത​ത്തി​ന്റെ ഏ​റ്റ​വും വ​ലി​യ ആ​ക​ർ​ഷ​ണം പാ​റ​യി​ൽ കൊ​ത്തി​യെ​ടു​ത്ത 'ദി​വാ​ൻ' എ​ന്ന് നാ​മ​ക​ര​ണം ചെ​യ്ത വ​ലി​യ ഹാ​ളാ​ണ്.

രാ​ജ​കീ​യ വി​രു​ന്നു​ക​ൾ​ക്കും യോ​ഗ​ങ്ങ​ൾ​ക്കും ഒ​ത്തു​ചേ​ര​ലു​ക​ൾ​ക്കും വേ​ണ്ടി​യു​ള്ള​താ​യി​രി​ക്ക​ണം ഇ​തെ​ന്നാ​ണ് ച​രി​ത്ര നി​ഗ​മ​നം.

10 മീ​റ്റ​ർ വീ​തി​യും 12 മീ​റ്റ​ർ നീ​ള​വും എ​ട്ടു മീ​റ്റ​ർ ഉ​യ​ര​വു​മു​ള്ള ച​തു​രാ​കൃ​തി​യി​ലു​ള്ള ഇ​വി​ട​ത്തെ മു​റി​ക്ക് എ​ട്ടു മീ​റ്റ​ർ നീ​ള​വും ഏ​ഴു മീ​റ്റ​ർ വീ​തി​യും അ​ഞ്ചു മീ​റ്റ​ർ ഉ​യ​ര​വു​മു​ള്ള ഒ​രു പ്ര​വേ​ശ​ന ക​വാ​ട​മു​ണ്ട്. സ​മ്പ​ന്ന​മാ​യ പൗ​രാ​ണി​ക ച​രി​ത്രം കു​ടി​കൊ​ള്ളു​ന്ന പ്ര​ദേ​ശ​ത്തി​ന്റെ ച​രി​ത്ര​പ​ര​മാ​യ പ്രാ​ധാ​ന്യം മ​ന​സ്സി​ലാ​ക്കി​യാ​ണ് നൂ​റു​ക​ണ​ക്കി​ന് സ​ന്ദ​ർ​ശ​ക​ർ ദി​വ​സ​വും ഇ​വി​ടെ എ​ത്തു​ന്ന​ത്.

ആ​ധു​നി​ക സാ​ങ്കേ​തി​ക സൗ​ക​ര്യ​ങ്ങ​ളും ഉ​പ​ക​ര​ണ​ങ്ങ​ളും ഇ​ല്ലാ​ത്ത ഒ​രു കാ​ല​ത്ത് ക​ഠി​ന​മാ​യ പാ​റ​ക​ൾ തു​ര​ന്ന് ഇ​വി​ട​ത്തെ നി​ർ​മി​തി​ക​ൾ എ​ങ്ങ​നെ​യു​ണ്ടാ​ക്കി എ​ന്ന​താ​ണ് വി​സ്മ​യം തീ​ർ​ക്കു​ന്ന​തെ​ന്ന് സി.​എ​ൻ.​എ​ൻ ലേ​ഖ​ന​ത്തി​ൽ പ​റ​യു​ന്നു.

'അ​ത്‍ല​ബ്' പ​ർ​വ​ത​ത്തി​ൽ പ്രാ​ചീ​ന മ​താ​ചാ​ര​ങ്ങ​ളു​മാ​യി ബ​ന്ധ​പ്പെ​ട്ട നി​ര​വ​ധി കൊ​ത്തു​പ​ണി​ക​ളു​ണ്ട്. പ​ർ​വ​ത​നി​ര​യു​ടെ ന​ടു​വി​ലൂ​ടെ അ​രു​വി ഒ​ഴു​കി​യി​രു​ന്ന​താ​യി അ​നു​മാ​നി​ക്കു​ന്നു. പ​ർ​വ​ത​ത്തി​ന്റെ വ​ശ​ങ്ങ​ളി​ലെ പാ​റ​ക​ളി​ൽ ക​ഴു​ക​ന്മാ​രു​ടെ​യും പ​രു​ന്തു​ക​ളു​ടെ​യും ചി​ത്ര​രൂ​പ​ങ്ങ​ൾ കൊ​ത്തി​വെ​ച്ചി​ട്ടു​ണ്ട്. പൗ​രാ​ണി​ക നാ​ഗ​രി​ക​ത​ക​ളി​ൽ ഏ​റെ പ​ഴ​ക്ക​മു​ള്ള മ​ദാ​ഇ​ൻ സ്വാ​ലി​ഹ് ആ​ദ്യ​കാ​ല​ത്ത് അ​ൽ ഹി​ജ്ർ എ​ന്ന പേ​രി​ലാ​ണ് അ​റി​യ​പ്പെ​ട്ടി​രു​ന്ന​ത്.