അനുമതിയില്ലാത്ത  വാഹനങ്ങൾക്ക്​ മക്കയിൽ നിയന്ത്രണം

ജിദ്ദ: ഹജ്ജ്​ അടുത്തതോടെ മക്കയിലേക്ക്​ അനുമതിയില്ലാത്ത വാഹനങ്ങളുടെ പ്രവേശനത്തിന്​ നിയന്ത്രണങ്ങൾ ഏർപ്പെടുത്തി തുടങ്ങി. ജൂലൈ ഒമ്പതുമുതൽ 20 വരെ മൊത്തം 72,037 പേർക്കാണ്​ മക്കയിലേക്ക്​ പ്രവേശനം തടഞ്ഞത്​. 30,449 വാഹനങ്ങളും മടക്കിഅയച്ചു. 
മക്കയിലുള്ള ഇഖാമ, ഹജ്ജിനുള്ള തസ്​രീഹ്​, തൊഴിൽ രേഖ എന്നിവപോലെ മക്ക നഗരത്തിൽ പ്രവേശിക്കാൻ അനുമതിയുള്ള കൃത്യമായ തിരിച്ചറിയൽ രേഖയുള്ളവർക്ക്​ മാത്രമേ പ്രവേശനമുണ്ടാകൂ.