ജിദ്ദയിലെ ലുലുവി​െൻറ ആദ്യ ലോട്ട് സ്​റ്റോർ അൽ റവാബിയിൽ തുറന്നു

ജിദ്ദ: ലുലുവി​െൻറ വാല്യൂ ഷോപ്പിങ്ങ് കൺസ്പെറ്റ് സ്​റ്റോറായ ‘ലോട്ട്’ ശൃംഖല സൗദി അറേബ്യയിൽ വിപുലമാക്കുന്നതി​െൻറ ഭാ​ഗമായി ജിദ്ദയിലെ ആദ്യ ലോട്ട് സ്​റ്റോർ പ്രവർത്തനം ആരംഭിച്ചു. അൽ റവാബിയിലെ ലുലു ഹൈപ്പർമാർക്കറ്റിലാണ് പുതിയ ലോട്ട് സ്​റ്റോർ തുറന്നത്. കുറഞ്ഞ നിരക്കിൽ മികച്ച ഉത്പന്നങ്ങൾ ഉപഭോക്താക്കൾക്ക് ലഭ്യമാക്കുകയാണ് ലോട്ട് സ്​റ്റോറിലൂടെ ലുലു.

കൂടുതൽ ഉത്പന്നങ്ങൾക്കും 22 റിയാലിൽ താഴെ മാത്രമാണ് വില. 38,000 സ്ക്വയർ ഫീറ്റിലുള്ള ലോട്ട് സ്​റ്റോറിൽ, വീട്ടുപകരണങ്ങൾ, കിച്ചൻവെയർ, ഫാഷൻ ഉത്പന്നങ്ങൾ, ബ്യൂട്ടി പ്രൊഡ്ക്ട്സ് അടക്കം വിപുലമായ ശേഖരമാണ് ഒരുക്കിയിട്ടുള്ളത്. സൗദിയിലെ പ്രാദേശിക ഉത്പന്നങ്ങൾക്കൊപ്പം ആഗോള ഉത്പന്നങ്ങളുടെ വൈവിധ്യമാർന്ന ശേഖരവും ലഭ്യമാക്കിയിട്ടുണ്ട്. മികച്ച പാർക്കിങ്​ സൗകര്യവും ഒരുക്കിയിട്ടുണ്ട്. നിലവിൽ ഹഫർ അൽ ബതിൻ, അൽ അഹ്സ, സെയ്ഹത്, റിയാദിലെ മലസ്, റുസെയ്ഫ എന്നിവിടങ്ങളിൽ ലുലു ലോട്ട് സ്​റ്റോറുകൾ പ്രവർത്തിക്കുന്നുണ്ട്. ഉപഭോക്താക്കൾക്കായി ബജറ്റ് ഫ്രണ്ട്​ലി ഷോപ്പിങ്ങ് കൂടുതൽ വിപുലമാക്കുന്നതി​െൻറ ഭാ​ഗമായാണ് ലോട്ട് സ്​റ്റോറുകൾ ലുലു സജീവമാക്കുന്നത്.