ലുലു സൗദിയിലെത്തിയിട്ട് ഒരു വ്യാഴവട്ടം

ദമ്മാം: പ്രമുഖ ഹൈപ്പർ മാർക്കറ്റ്, സൂപ്പർ മാർക്കറ്റ് ശൃംഖലയായ ലുലു സൗദിയിലെത്തിയിട്ട് ഒരു വ്യാഴവട്ടം പൂർത്തിയാകുന്നു. സൗദിയിലെ പ്രവാസ സമൂഹത്തിേൻറതുൾ​െപ്പടെ ഷോപ്പിങ്ങിന് വേറിട്ട അനുഭവതലങ്ങൾ പ്രദാനം ചെയ്ത ലുലു ഗ്രൂപ് അതിവേഗമാണ് സൗദിയിൽ സ്വീകരിക്കപ്പെട്ടത്.

2009 നവംബർ 11നാണ് അൽ ഖോബാറിൽ ലുലു ഗ്രൂപ്​ ചെയർമാൻ എം.എ. യൂസുഫലി സൗദിയിലെ ആദ്യ ശാഖയുടെ ഉദ്ഘാടനം നിർവഹിച്ചത്. 10 ലക്ഷത്തിലധികം റിയാലിെൻറ സമ്മാനങ്ങളും അതിശയിപ്പിക്കുന്ന വിലക്കുറവുകളും പ്രഖ്യാപിച്ചുകൊണ്ടാണ് ലുലു സൗദി 12ാമത് വാർഷികം ആഘോഷിക്കുന്നത്. നവംബർ ഏഴ് മുതൽ 20 വരെയാണ് ആഘോഷ പരിപാടികളെന്ന്​ മാനേജ്​മെൻറ്​ വാർത്തസമ്മേളനത്തിൽ അറിയിച്ചു.

വിലപിടിപ്പുള്ള കാറുകൾ സഹിതമുള്ള പ്രമോഷനുകളാണ് വാർഷികാഘോഷങ്ങളുടെ ഭാഗമായി സാധാരണ നടക്കാറ്. എന്നാൽ, നിലവിലെ സാഹചര്യങ്ങൾ പരിഗണിച്ചാണ് സമ്മാനമായി കാഷ് വൗച്ചറുകൾ നൽകാൻ തീരുമാനിച്ചതെന്ന് ലുലു ഇൗസ്​റ്റേൺ പ്രൊവിൻസ് റീജനൽ മാനേജർ അബ്​ദുൽ ബഷീർ പറഞ്ഞു. അടുത്ത രണ്ട് വർഷത്തിനുള്ളിൽ സൗദിയിൽ പുതിയ 40 ഹൈപ്പർ മാർക്കറ്റുകൾ ആരംഭിക്കും. വാർത്തസമ്മേളനത്തിൽ ലുലു ഈസ്​റ്റേൺ റീജനൽ ഡയറക്ടർ അബ്​ദുൽ ബഷീർ, കമേഴ്​സ്യൽ മാനേജർ ഹാഷിം കാഞ്ഞങ്ങാട്, മാർക്കറ്റിങ്​ മാനേജർ മുഹമ്മദ് സച്ചിൻ, മാർക്കറ്റിങ്​ എക്​സിക്യൂട്ടിവ് ഇനാം അബ്​ദുല്ല അനാം എന്നിവർ പ​ങ്കെടുത്തു.