വാറ്റ്​ നടപ്പാക്കൽ: ‘ലുലു’ മാതൃകാസ്​ഥാപനം

ദമ്മാം: വാറ്റ്​ (മൂല്യ വര്‍ധിത നികുതി) നടപ്പാക്കുന്ന സ്ഥാപനങ്ങളില്‍ മാതൃക സ്​ഥാപനമായി ലുലു ഗ്രൂപ്പി​നെ തെരഞ്ഞെടുത്തു. ലുലുവിൽ സമയബന്ധിതമായും സമഗ്രമായും വാറ്റ്​ നടപ്പാക്കിയതായി സകാത്ത് ആൻറ്​ ടാക്സ് അതോറിറ്റി വ്യക്​തമാക്കി. സ്​ഥാപനത്തിലെത്തിയ മന്ത്രാലയ പ്രതിനിധികള്‍ ഇതി​​​െൻറ നടപടിക്രമങ്ങള്‍ റെക്കോർഡ്​ ചെയ്​ത്​ വീഡിയോ ട്വിറ്ററില്‍ പോസ്​റ്റ്​ ചെയ്​തു. വീഡിയോ ഇതിനകം പതിനായിരക്കണക്കിന്​ പേരുടെ ശ്രദ്ധപിടിച്ചുപറ്റി. ലുലുവിന്​ പുറമെ രണ്ട് അറബ് വാണിജ്യ സ്ഥാപനങ്ങളേയും മന്ത്രാലയം തെരഞ്ഞെടുത്തിട്ടുണ്ട്. ലോകത്തി​​​െൻറ വിവിധ ഭാഗങ്ങളില്‍ നികുതി ഘടനാ സമ്പ്രദായത്തിലാണ് ലുലുവി​​​െൻറ വില്‍പന. ഇത് അതിവേഗത്തില്‍ നടപടികള്‍ പൂര്‍ത്തിയാക്കാന്‍ സ്ഥാപനത്തെ സഹായിച്ചിട്ടുണ്ടെന്ന്​ മാനേജ്​മ​​െൻറ്​ ​പ്രതിനിധികൾ അറിയിച്ചു.