സ്​തനാർബുദ ബോധവത്​കരണത്തിന്​ പരിസ്​ഥിതി സൗഹൃദ കാമ്പയിനുമായി ലുലു

റിയാദ്​: സ്​തനാർബുദ വോധത്​കരണത്തിന്​ പരിസ്ഥിതി സൗഹൃദ കാമ്പയിൻ സംഘടിപ്പിച്ച്​ ലുലു ഹൈപർമാർക്കറ്റി​െൻറ സൗദി ശാഖകൾ. ഒക്​ടോബർ ലോക സ്​തനാർബുദ ബോധവത്​കരണ മാസമായി ആചരിക്കുന്ന പശ്ചാത്തലത്തിലാണ്​ തങ്ങളുടെ ഉപഭോക്താക്കളെ കൂടി ഇരട്ട ലക്ഷ്യങ്ങളുള്ള ജീവകാരുണ്യ, പരിസ്​ഥിതി സംരക്ഷണ കാമ്പയി​നിൽ പങ്കാളികളാക്കി 'പച്ച വാങ്ങുക റോസിനെ സപ്പോർട്ട്​ ചെയ്യുക' (പിങ്ക്​ നൗ) എന്ന തികച്ചും വ്യത്യസ്​തമായ പരിപാടി ലുലു ആവിഷ്​കരിച്ച്​ നടപ്പാക്കുന്നത്​. സൗദി അറേബ്യയിലെ സഹ്​റ ബ്രസ്​റ്റ്​ കാൻസർ അസോസിയേഷനുമായി സഹകരിച്ചാണ്​ കാമ്പയിൻ.​ ലുലു ബ്രാഞ്ചുകളിൽ ഉപഭോക്താക്കൾക്ക്​ റീ യൂസബിൾ ബാഗ്​ കൊടുക്കു​ േമ്പാൾ ലഭിക്കുന്നതിൽ നിന്ന്​ ഒരു റിയാൽ വീതം അസോസിയേഷ​െൻറ ബ്രസ്​റ്റ്​ കാൻസർ ബോധത്​കരണ പരിപാടിക്ക്​ സംഭാവനയായി നൽകും.

ഇതോടൊപ്പം പ്ലാസ്​റ്റിക്​ നിർമാർജനവും കാമ്പയിൻ ലക്ഷ്യം വെക്കുന്നു​. വാങ്ങുന്ന സാധനങ്ങൾ ഇട്ടുകൊണ്ടുപോകാൻ ഉപഭോക്താവിന്​ പ്ലാസ്​റ്റിക്​ ബാഗിന്​ പകരം പുനരുപയോഗ ക്ഷമതയുള്ളതും പരിസ്​ഥിതിക്ക്​ അനുയോജ്യവുമായ ബാഗാണ്​ നൽകുന്നത്​. ഇൗ തുക സഹ്​റ അസോസിയേഷ​െൻറ സ്​തനാർബുദ ബോധവത്​കരണ, ചികിത്സ പദ്ധതികളിലേക്ക്​ സംഭാവനയായി എത്തും. കാമ്പയി​െൻറ ഉദ്​ഘാടനം ഒാൺലൈനായി നടന്ന ചടങ്ങിൽ സഹ്​റ അസോസിയേഷൻ ഉപാധ്യക്ഷ സഉൗദ്​ ബിൻ ആമിർ ഉദ്​ഘാടനം ചെയ്​തു. അസോസിയേഷൻ സി.ഇ.ഒ ഹനാദി അൽഒതാ, ലുലു സൗദി ഡയറക്​ടർ ഷഹീം മുഹമ്മദ്​ എന്നിവർ ചടങ്ങിൽ സംബന്ധിച്ചു.

സ്​നാർബുദ ബാധിതരുടെ എണ്ണത്തിൽ ലോക രാജ്യങ്ങളുടെ പട്ടികയിൽ സൗദി അറേബ്യ ഒന്നാം സ്ഥാനത്താണെന്ന്​ ഏറ്റവും പുതിയ റിപ്പോർട്ട്​ കാണിക്കുന്നുണ്ടെന്നും രാജ്യത്തെ ആകെ വനിതകളുടെ 30 ശതമാനത്തിനും രോഗബാധയുണ്ടെന്നാണ്​ ഇത്​ വ്യക്തമാക്കുന്നതെന്നും ഷെഹീം മുഹമ്മദ്​ പറഞ്ഞു. സഹ്​റ അ​േസാസിയേഷനുമായി ചേർന്ന്​ സ്​തനാർബുദ ബോധവത്​കരണവും ഒപ്പം പരിസ്ഥിതി സംരക്ഷണവും ലക്ഷ്യമിട്ടുള്ള കാമ്പയിൻ തുടർച്ചയായി മൂന്നാം വർഷമാണ്​ ലുലു സംഘടിപ്പിക്കുന്നതെന്നും അദ്ദേഹം കൂട്ടിച്ചേർത്തു. 'പിങ്ക്​ നൗ' കാമ്പയിൻ സൗദിയിലെ എല്ലാ ലുലു ശാഖകളിലും ഇൗ മാസം 31 വരെ തുടരും.