മോദി സർക്കാറി​െൻറ തെ​േക്ക ഇന്ത്യയോടുള്ള അവഗണനക്കെതിരായ മറുപടിയാണ്​ രാഹുലി​െൻറ മത്സരം: പി.കെ ഫിറോസ്​

ദമ്മാം: രാഹുലി​​െൻറ വയനാട്ടിലെ സ്​ഥാനാർഥിത്വം സംഘ്​പരിവാർ രാഷ്​ട്രീയം അധികം വേരുപിടിക്കാത്ത തെക്കേ ഇന്ത്യ ൻ സംസ്​ഥാനങ്ങളോട്​ കഴിഞ്ഞ അഞ്ച്​ വർഷം മോദി സർക്കാർ കാണിച്ച ചിറ്റമ്മ നയത്തിനെതിരെയുള്ള പ്രതിഷേധം കൂടിയാ​െണ ന്ന്​ യൂത്ത്​​ ലീഗ്​ സംസ്​ഥാന ​ജനറൽ സെക്രട്ടറി പി.കെ ഫിറോസ്. കെ.എം.സി.സി മലപ്പുറം ജില്ലാകമ്മിറ്റി ​േലാക്​സഭ തെ രഞ്ഞെടുപ്പ്​ കാമ്പയിനിൽ പ​െങ്കടുക്കാനെത്തിയ അദ്ദേഹം ‘ഗൾഫ്​ മാധ്യമ’വുമായി സംസാരിക്കുകയായിരുന്നു. ഇന്ത്യ രണ ്ടല്ല ഒന്നാ​െണന്ന സന്ദേശമാണ്​ രാഹുൽ തെക്കേ ഇന്ത്യയിൽ എത്തു​േമ്പാൾ ഉയരുന്നത്​. കഴിഞ്ഞ കാലങ്ങളിൽ സംഘ്​പരിവാർ രാഷ്​ട്രീയം രാജ്യത്തെ വിഘടിപ്പിച്ചുകൊണ്ടിരിക്കുകയാണ്​. ന്യൂനപക്ഷങ്ങളെ വേട്ടയാടിയ ഭരണത്തിൽ നിന്ന്​ ന്യൂനപക്ഷങ്ങളെ ചേർത്തുപിടിക്കാനുള്ള കോൺഗ്രസി​​െൻറ വിശാല മനസ്​​ കൂടിയാണ്​ ന്യൂനപക്ഷങ്ങൾക്ക്​ ഭൂരിപക്ഷമുള്ള വയനാട്ടിലെ മത്സരം.

നിലവിൽ ഇടതു രാഷ്​ട്രീയവും സംഘി രാഷ്​ട്രീയവും തമ്മിലുള്ള വ്യത്യാസം മനസിലാക്കാൻ കഴിയാത്ത സാഹചര്യമുണ്ട്​. ഡി.സി.സി പ്രസിഡൻറായ ടി. സിദ്ദീഖ്​ മത്സരിച്ചാൽ കുഴപ്പമില്ലാത്തിടത്ത്​ എ.​െഎ.സി.സി പ്രസിഡൻറ്​ മത്സരിച്ചാൽ എന്താണ്​ കുഴപ്പമെന്നും ഫിറോസ്​ ചോദിച്ചു. അമേത്തിയിൽ വികസനമെത്തിയില്ലെന്നാണ്​ ഇപ്പോഴത്തെ പരാതി. പക്ഷെ അമേത്തിയിൽ രാഹുൽ കൊണ്ടുവന്ന വികസനങ്ങളെ എണ്ണിപ്പറഞ്ഞുകൊണ്ടായിരിക്കും വയനാട്ടിൽ വോട്ടുചോദിക്കുക. അഴിമതിക്കെതിരെ താൻ നടത്തിയ പോരാട്ടം ഉളുപ്പില്ലാത്തവർക്കെതിരായി പോയതുകൊണ്ടാണ്​ മന്ത്രി രാജിവെക്കാതിരുന്നത്​. പക്ഷെ ജനാധിപത്യ വ്യവസ്​ഥിതിയിൽ ഇതിനെ ജനങ്ങളുടെ മുന്നിലെത്തിക്കുക എന്ന ദൗത്യം നിർവഹിക്കാൻ കഴിഞ്ഞിട്ടു​െണ്ടന്നും യു.ഡി എഫ്​ നൽകിയ പിന്തുണയാണ്​ അതിന്​ സഹായിച്ചതെന്നും അദ്ദേഹം പറഞ്ഞു.

ത​​െൻറ പ്രസംഗത്തിൽ വന്ന നാക്കു പിഴയെ സോഷയൽ മീഡിയ ട്രോളിന്​ വിധേയമാക്കിയത്​ താൻ ആസ്വദിക്കുകയാണ്​ ചെയ്​തത്​ എന്നദ്ദേഹം ഒരു ചോദ്യത്തിന്​ ഉത്തരമായി പറഞ്ഞു. ആവേശകരമായി പ്രസംഗിക്കു​േമ്പാൾ ഇത്തരം നാക്കുപിഴകൾ സ്വാഭാവികമാണ്​. തെറ്റ്​ ചൂണ്ടിക്കാണിച്ചപ്പോൾ ബാലിശമായ വാദങ്ങൾ ഉയർത്തി ന്യായീകരിക്കാൻ നിൽക്കാതെ തിരുത്തുകയും അംഗീകരിക്കുകയുമാണ്​ ചെയ്​തത്​. എന്നിട്ടും തൃപ്​തി വരാത്തവർ രാഷ്​ട്രീയ മൂല്യങ്ങളിൽ വിശ്വാസിക്കാത്തവരാണ്​. ജയം ആവർത്തിക്കപ്പെടുമെന്ന്​ വിറളിപിടിച്ച ആരോ മെനഞ്ഞെടുത്ത വ്യാജ ആരോപണം മാത്രമാണ്​ എം.കെ രാഘവനെതിരെ ഉയർന്നിട്ടുള്ളത്​. രണ്ട്​ പ്രാവശ്യവും സി.പി.എംകാരുടെ വോട്ട്​ കൂടി നേടികൊണ്ടാണ്​ രാഘവൻ കോഴിക്കോട്ട്​​ വിജയിച്ചത്​. ഇത്തരം ആരോപണങ്ങൾ അദ്ദേഹത്തി​​െൻറ വിജയത്തെ തടയിടുകയില്ലെന്നും ഫിറോസ്​ പ്രത്യാശ പ്രകടിപ്പിച്ചു. സർക്കാർ ചെലവിൽ നടത്തിയ കൂട്ടക്കൊലയായിരുന്നു പ്രളയകാലത്ത്​ കേരളത്തിൽ സംഭവിച്ചത്​. ബോധമുള്ളവരെ വേണം മന്ത്രിമാരാക്കാൻ.

ജനങ്ങളെ അസഭ്യം പറയുന്ന മുഖ്യമന്ത്രിയും മന്ത്രിമാരുമാണ്​ കേരളം ഭരിക്കുന്നത്​. എത്രയൊക്കെ നിഷേധിച്ചാലും ഇൗ കൊലപാതകത്തി​​െൻറ പപക്കറ കഴുകി കളയാൻ ഇടതു സർക്കാരിനാകില്ലെന്നും അദ്ദേഹം ആരോപിച്ചു. രാഹുൽ ഇന്ത്യയിൽ പുതിയൊരു രാഷ്​ട്രീയ സംസ്​കാരം ഉയർത്തുകയാണ്​. വെറുപ്പി​േൻറതും വിദ്വേഷത്തി​േൻറതുമല്ല. സ്​നേഹത്തി​േൻറയും സഹനത്തി​േൻറയും കൂട്ടിപ്പിടിക്കലി​േൻറതുമാണ്​. ഇനിയും ഇന്ത്യയിൽ ജനാധിപത്യം നിലനിൽക്കണോ എന്ന ചോദ്യമാണ്​ ഇൗ തെരഞ്ഞെടുപ്പ്​ ഉയർത്തുന്നത്​. രാഹുൽ ഗാന്ധി കേരളത്തിൽ മത്സരിക്കാനെത്തിയപ്പോഴാണ്​ ഇടതും ബി.ജെ.പിയും ഒന്നാണന്ന്​ മനസിലായതെന്നും ഫിറോസ്​ കൂട്ടിച്ചേർത്തു. ‘പ്രതീക്ഷ 2019’ എന്ന പേരിൽ നടന്ന പരിപാടി ഉദ്​ഘാനം ചെയ്​ത അദ്ദേഹം മണിക്കുറുകൾ നീണ്ട സൗദി സന്ദർശനത്തിനുശേഷം നാട്ടിലേക്ക്​ മടങ്ങി.