പൈതൃകജിദ്ദക്ക്​ ഇത്​ പുതുജീവൻ; വികസനം കുതിക്കും

ജിദ്ദ: പാരമ്പര്യത്തിലൂന്നിയുള്ള പൈതൃകവികസനത്തിനാകും ഹിസ്​റ്റോറിക്കൽ ജിദ്ദ മേഖല ഇനി സാക്ഷ്യം വഹിക്കുക. കിരീടാവകാശി അമീർ മുഹമ്മദ്​ ബിൻ സൽമാ​​​െൻറ ശിപാർശയെ തുടർന്നാണ്​ രാജവിജ്​ഞാപനത്തിൽ പൈതൃകജിദ്ദക്കായി പ്രത്യേക വകുപ്പ്​ രൂപവത്​കരിച്ചത്​. സാംസ്​കാരിക മ​ന്ത്രാലയത്തിന്​ കീഴിൽ ഹിസ്​റ്റോറിക്കൽ ഒാൾഡ്​ ജിദ്ദ പ്രോജക്​ട്​ മാനേജ്​മ​​െൻറ്​ എന്നാകും ഇൗ സംവിധാനം അറിയപ്പെടുക. പദ്ധതിക്കായി പ്രത്യേക ബജറ്റും ഇനി അനുവദിക്കപ്പെടും. 

രാജ്യത്തി​​​െൻറ നഗരവികസനത്തി​​​െൻറ അനുപമ മാതൃകകളിലൊന്ന്​ നിലനിൽക്കുന്ന പൈതൃക ജിദ്ദ മേഖല നവീകരിച്ച്​ സംരക്ഷിക്കു​കയെന്നതാണ്​ ഇതി​​​െൻറ ലക്ഷ്യം. നിലവിൽ സൗദി അറേബ്യയിൽ നിന്നുള്ള നാലു യുനെസ്​കോ ലോക പൈതൃക സ്​ഥാനങ്ങളിൽ ഒന്നാണ്​ ഇൗ പ്രദേശം. ഇസ്​ലാമിന്​ മു​േമ്പ തുടങ്ങുന്നതാണ്​ ഇൗ പ്രദേശത്തി​​​െൻറ ചരിത്രം.

ഖലീഫ ഉസ്​മാൻ ബിൻ അഫ്​ഫാ​​​െൻറ ഭരണകാലം ഇവിടത്തെ ചരിത്രത്തിൽ ഒരുനാഴികക്കല്ലാണ്​. ഇവിട​െത്ത വികസനത്തിന്​ അദ്ദേഹത്തി​​​െൻറ കാലത്ത്​ നടപടികളുണ്ടായി. ഇന്നത്തെ ജിദ്ദ പട്ടണത്തി​​​െൻറ ആസ്​ഥാനം തന്നെ ഇവിടെ ആയിരുന്നു. 2014 ലാണ്​ യുനെസ്​കോ അംഗീകാരം കിട്ടിയത്​.