ഇടതു സർക്കാർ പ്രതീക്ഷയുടെ തുരുത്ത് –സ്വാമി സന്ദീപാനന്ദഗിരി
text_fieldsകിഴക്കൻ പ്രവിശ്യ എൽ.ഡി.എഫ് ആലപ്പുഴ ജില്ല കമ്മിറ്റി സംഘടിപ്പിച്ച ഓൺലൈൻ തെരഞ്ഞെടുപ്പ് കൺവെൻഷനിൽ നിന്ന്
ദമ്മാം: പൗരത്വംപോലും ചോദ്യംചെയ്യപ്പെടുന്ന വർത്തമാന ഇന്ത്യയിൽ പൗരത്വനിയമം നടപ്പാക്കില്ലെന്ന് പ്രഖ്യാപിക്കുന്ന ഇടതുപക്ഷ സർക്കാർ, മതേതരത്വം പിന്തുടരുന്ന എല്ലാ വിഭാഗം ജനങ്ങൾക്കും പ്രതീക്ഷയുടെ തുരുത്തായി മാറിയിരിക്കുന്നുവെന്ന് സ്വാമി സന്ദീപാനന്ദഗിരി പറഞ്ഞു. കിഴക്കൻ പ്രവിശ്യ ഇടതുമുന്നണി ആലപ്പുഴ ജില്ല കമ്മിറ്റി സംഘടിപ്പിച്ച ഓൺലൈൻ തെരഞ്ഞെടുപ്പ് കൺവെൻഷൻ ഉദ്ഘാടനം ചെയ്യുകയായിരുന്നു അദ്ദേഹം. ആലപ്പുഴ ജില്ലയിലെ ഇടതുപക്ഷ നേതാക്കളും പ്രവർത്തകരും പങ്കെടുത്തു. കൺവെൻഷനിൽ പ്രവാസി ക്ഷേമനിധി ഡയറക്ടർ ബോർഡ് അംഗം ജോർജ് വർഗീസ് അധ്യക്ഷത വഹിച്ചു. ജീവകാരുണ്യപ്രവർത്തകൻ ഷാജി മതിലകം ആശംസയർപ്പിച്ചു. അനിൽ സ്വാഗതവും അൻവർ ആലപ്പുഴ നന്ദിയും പറഞ്ഞു.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.

