​'ദി ​ലൈ​ൻ' വി​സ്മ​യ ന​ഗ​ര​ത്തെ​ക്കു​റി​ച്ച് അ​റി​യാ​ൻ അ​വ​സ​രം

ജി​ദ്ദ: സൗ​ദി കി​രീ​ടാ​വ​കാ​ശി പ്ര​ഖ്യാ​പി​ച്ച 'ദ ​ലൈ​ൻ' എ​ന്ന അ​ത്ഭു​ത ന​ഗ​ര​ത്തെ​ക്കു​റി​ച്ച് പൊ​തു​ജ​ന​ങ്ങ​ൾ​ക്ക് മ​ന​സ്സി​ലാ​ക്കാ​ൻ നി​യോം സൗ​ജ​ന്യ പ്ര​ദ​ർ​ശ​നം സം​ഘ​ടി​പ്പി​ക്കു​ന്നു. ആ​ഗ​സ്റ്റ് ഒ​ന്നു മു​ത​ൽ 14 വ​രെ ജി​ദ്ദ​യി​ലാ​ണ് ആ​ദ്യ പ്ര​ദ​ർ​ശ​നം.

തു​ട​ർ​ന്ന് കി​ഴ​ക്ക​ൻ പ്ര​വി​ശ്യ​യി​ലും റി​യാ​ദി​ലും പ്ര​ദ​ർ​ശ​ന​ങ്ങ​ളു​ണ്ടാ​കും. സൗ​ദി​യു​ടെ ചി​ത്രം മാ​റ്റി​വ​ര​ക്കു​ന്ന അ​ത്ഭു​ത ന​ഗ​രി​യാ​ണ് കി​രീ​ടാ​വ​കാ​ശി ക​ഴി​ഞ്ഞ ദി​വ​സം പ്ര​ഖ്യാ​പി​ച്ച നി​യോ​മി​ലെ 'ദ ​ലൈ​ൻ'. അ​ര​ല​ക്ഷം കോ​ടി മു​ത​ൽ​മു​ട​ക്കു​ള്ള പ​ദ്ധ​തി​യു​ടെ പ്ര​ഖ്യാ​പ​നം ആ​ഗോ​ള​ത​ല​ത്തി​ൽ ത​ന്നെ ശ്ര​ദ്ധേ​യ​മാ​യ​താ​ണ്. സ്വ​പ്ന​പ​ദ്ധ​തി​യു​ടെ ആ​ദ്യ ഘ​ട്ടം 2024ൽ ​പൂ​ർ​ത്തി​യാ​കും. 170 കി​ലോ​മീ​റ്റ​ർ നീ​ള​ത്തി​ലും 200 മീ​റ്റ​ർ വീ​തി​യി​ലും 500 മീ​റ്റ​ർ ഉ​യ​ര​ത്തി​ലു​മാ​ണ് ന​ഗ​ര​ത്തി​ന്റെ നി​ർ​മാ​ണം. 90 ല​ക്ഷം പേ​ർ​ക്ക് താ​മ​സി​ക്കാ​വു​ന്ന ന​ഗ​ര​ത്തി​ന്‍റെ നി​ർ​മാ​ണം 2030ഓ​ടെ പൂ​ർ​ത്തി​യാ​കും. മു​ക​ളി​ൽ​നി​ന്ന് താ​ഴോ​ട്ട് തൂ​ങ്ങി​നി​ൽ​ക്കും വി​ധ​മാ​ണ് വീ​ടു​ക​ളു​ടെ നി​ർ​മാ​ണം. ജി​ദ്ദ​യി​ൽ സൂ​പ്പ​ർ ഡോ​മി​ൽ ആ​ഗ​സ്റ്റ് ഒ​ന്നു മു​ത​ൽ 14 വ​രെ ന​ട​ക്കു​ന്ന പ്ര​ദ​ർ​ശ​ന​ത്തി​ൽ ദ ​ലൈ​നി​ലെ വി​സ്മ​യ​ങ്ങ​ൾ കാ​ണാം. ശേ​ഷം കി​ഴ​ക്ക​ൻ പ്ര​വി​ശ്യ​യി​ലും റി​യാ​ദി​ലും എ​ക്സി​ബി​ഷ​ൻ സം​ഘ​ടി​പ്പി​ക്കും.

പ്ര​ദ​ർ​ശ​ന​ത്തി​നെ​ത്തു​ന്ന​വ​ർ​ക്ക് നൂ​ത​ന ന​ഗ​ര​ത്തി​ന്റെ വി​ശ​ദ​മാ​യ രൂ​പ​ക​ൽ​പ​ന​യും വാ​സ്തു​വി​ദ്യ, എ​ൻ​ജി​നീ​യ​റി​ങ് വൈ​ദ​ഗ്ധ്യ​വും മ​ന​സ്സി​ലാ​ക്കാ​ൻ അ​വ​സ​ര​മു​ണ്ട്. പ്ര​വേ​ശ​നം സൗ​ജ​ന്യ​മാ​ണ്. ഇം​ഗ്ലീ​ഷി​ലും അ​റ​ബി​യി​ലും വി​വ​ര​ണ​ങ്ങ​ൾ ന​ൽ​കാ​ൻ ഗൈ​ഡു​ക​ളു​ണ്ടാ​കും.

ഒ​രു മ​ണി​ക്കൂ​ർ വീ​ത​മാ​ണ് പ്ര​ദ​ർ​ശ​ന​ത്തി​ന്റെ ദൈ​ർ​ഘ്യം. രാ​വി​ലെ 10 മു​ത​ൽ രാ​ത്രി 11 വ​രെ എ​ക്സി​ബി​ഷ​ൻ തു​ട​രും. ടി​ക്ക​റ്റു​ക​ൾ സൗ​ജ​ന്യ​മാ​ണെ​ങ്കി​ലും 'ഹ​ല യ​ല്ല' എ​ന്ന മൊ​ബൈ​ൽ ആ​പ്ലി​ക്കേ​ഷ​ൻ വ​ഴി തീ​യ​തി​യും സ​മ​യ​വും മു​ൻ​കൂ​ട്ടി ബു​ക്ക് ചെ​യ്യേ​ണ്ട​താ​ണ്.