Top
Begin typing your search above and press return to search.
exit_to_app
exit_to_app
Homechevron_rightGulfchevron_rightSaudi Arabiachevron_rightലുലുവിൽ സൗദി മാമ്പഴ...

ലുലുവിൽ സൗദി മാമ്പഴ ഉത്സവത്തിന്​ തുടക്കം

text_fields
bookmark_border
lulu mango fest
cancel
camera_alt

സൗദിയിലെ ലുലു ഹൈപ്പർ മാർക്കറ്റിൽ തദ്ദേശീയ മാമ്പഴങ്ങളുടെ മേള ആരംഭിച്ചപ്പോൾ

റിയാദ്​: ലുലു ഹൈപ്പർമാർക്കറ്റ്​ ശാഖകളിൽ സൗദി മാമ്പഴ വാരോത്സവത്തിന് തുടക്കം. ഒരാഴ്​ച നീളുന്ന മേളയിൽ സൗദി അറേബ്യയുടെ വിവിധ ഭാഗങ്ങളിൽ വിളഞ്ഞ 20 ഇനം മാമ്പഴങ്ങൾ അണിനിരന്നിട്ടുണ്ട്​.

ആഭ്യന്തര തലത്തിൽ വിളവെടുത്ത മാമ്പഴങ്ങൾക്കായി ഇത്തരമൊരു മേള ആദ്യമായാണ്​ സംഘടിപ്പിക്കുന്നത്​. വിൽപ്പന മേളയിൽ പ്രത്യേക വിലക്കിഴിവും വലിയ ആനുകൂല്യങ്ങളും പ്രഖ്യാപിച്ചിട്ടുണ്ട്​.

സൗദി മാമ്പഴയിനങ്ങളുടെ രുചി വൈവിധ്യം സ്വന്തമാക്കാനുള്ള മഹാ അവസരത്തോടൊപ്പം ഇറക്കുമതി ചെയ്​ത പ്രത്യേകം തെരഞ്ഞെടുക്കപ്പെട്ട മാമ്പഴ ഇനങ്ങൾക്ക് ആകർഷക വിലക്കിഴിവുകളും ഏർപ്പെടുത്തിയിട്ടുണ്ട്​. ​

അമേരിക്കി, ഗലന്ത്​, ഹിന്ദി, സിബ്​ദ അഹ്​മർ, സിബ്​ദ പാകിസ്​താനി, ടോമ്മി, ബിർബിർ, ബോംബെ, ഗൈത്​, കുരി, ഫോൺസ്​, സമക്​ അഖ്​ദർ, സമക്​ സുഡാനി, സെലസാഷൻ, സെനാര, സിബ്​ദ, സിബ്​ദ സിന്നാര, ഗ്രീൻ മാംഗോ, സുഡാനി, സിൽ മാംഗോ തുടങ്ങിയ പേരുകളിൽ കീർത്തികേട്ട രുചി, ​വർണ വൈവിധ്യങ്ങളാൽ നാവിൽ വെള്ളമൂറിക്കുന്ന മാമ്പഴങ്ങളാണ്​ മേളയിലുള്ളത്​.

സൗദി കാർഷിക വകുപ്പ്​ ഉപമന്ത്രി എൻജി. അഹമ്മദ്​ അൽഅയാദ്​, കോഓപറേറ്റീവ്​ സൊസൈറ്റീസ്​ കൗൺസിൽ ചെയർമാൻ, ഡോ. അബ്​ദുല്ല കദ്​മാൻ, ജനറൽ മാനേജർ എൻജി. സുലൈമാൻ അൽജുറ്റൈലി എന്നിവർ റിയാദ്​ യർമുഖിലെ അദ്​യാഫ്​ മാളിലുള്ള ലുലു ഹൈപർമാർക്കറ്റിലെ മാമ്പഴ മേള സന്ദർശിച്ചു.

Show Full Article
TAGS:mango fest lulu 
News Summary - Launch of the Saudi Mango Festival in Lulu
Next Story