രണ്ടാമത്​ 'ത്വവാഫ്​ സൗദിയ 2022' സൈക്ലിങ്​ മത്സരത്തിന്​ തുടക്കം

ജി​ദ്ദ: ര​ണ്ടാ​മ​ത്​ 'ത്വ​വാ​ഫ്​ സൗ​ദി​യ 2022' സൈ​ക്ലി​ങ്​ മ​ത്സ​രം സൗ​ദി അ​റേ​ബ്യ​യു​ടെ വ​ട​ക്ക​ൻ ​​മേ​ഖ​ല​യി​ലെ പൗ​രാ​ണി​ക കേ​ന്ദ്ര​മാ​യ അ​ൽ​ഉ​ലാ​യി​ൽ ആ​രം​ഭി​ച്ചു. സൗ​ദി ​സൈ​ക്ലി​ങ്​ ഫെ​ഡ​റേ​ഷ‍െൻറ സ​ഹ​ക​ണ​ത്തോ​ടെ​യും യൂ​നി​യ​ൻ സൈ​ക്ലി​സ്റ്റ്​ ഇ​ന്‍റ​ർ​നാ​ഷ​ന​ൽ (യു.​സി.​​ഐ)​യു​ടെ കു​ട​ക്കീ​ഴി​ലും കാ​യി​ക മ​ന്ത്രാ​ല​യ​മാ​ണ്​ മ​ത്സ​രം സം​ഘ​ടി​പ്പി​ക്കു​ന്ന​ത്. ഉ​ദ്​​ഘാ​ട​ന​ച്ച​ട​ങ്ങി​ൽ സൗ​ദി ഉ​പ കാ​യി​ക മ​ന്ത്രി ബ​ദ​ർ ബി​ൻ അ​ബ്​​ദു​റ​ഹ്​​മാ​ൻ അ​ൽ​ഖാ​ദി സ​ന്നി​ഹി​ത​നാ​യി​രു​ന്നു. ക്വാ​ളി​റ്റി ഓ​ഫ് ലൈ​ഫ് പ്രോ​ഗ്രാ​മി‍െൻറ ഭാ​ഗ​മാ​യു​ള്ള 'സൗ​ദി ത്വ​വാ​ഫ്​ 2022' സൈ​ക്ലി​ങ്​ മ​ത്സ​രം ഫെ​ബ്രു​വ​രി അ​ഞ്ച്​ വ​രെ നീ​ണ്ടു​നി​ൽ​ക്കും. 831 കി​ലോ​മീ​റ്റ​ർ വ​രെ​യു​ള്ള മ​ത്സ​ര​ത്തി​ൽ 15 അ​ന്താ​രാ​ഷ്​​ട്ര ടീ​മു​ക​ളാ​ണ്​ പ​​ങ്കെ​ടു​ക്കു​ന്ന​ത്. അ​ൽ​ഉ​ലാ​യി​ലെ ഏ​റ്റ​വും പ്ര​മു​ഖ വി​നോ​ദ കേ​ന്ദ്ര​ങ്ങ​ളി​ലൊ​ന്നാ​യ 'ആ​ന മ​ല'​യു​ടെ (ജ​ബ​ലു​ൽ ഫീ​ൽ) മു​ന്നി​ലാ​ണ്​ ഉ​ദ്​​ഘാ​ട​ന​ച്ച​ട​ങ്ങ്​ ന​ട​ന്ന​ത്. മ​റ്റ്​ ഒ​ട്ട​ന​വ​ധി കാ​യി​ക ഇ​ന​ങ്ങ​ളും മ​ത്സ​ര​ത്തോ​ടൊ​പ്പം ന​ട​ക്കും. സൗ​ദി സൈ​ക്കി​ൾ ഫെ​ഡ​റേ​ഷ​ൻ സം​ഘ​ടി​പ്പി​ക്കു​ന്ന പൊ​തു​വി​ഭാ​ഗം, വ​നി​ത​ക​ൾ, യു​വാ​ക്ക​ൾ, കു​ട്ടി​ക​ൾ എ​ന്നീ വി​ഭാ​ഗ​ങ്ങ​ളാ​യി തി​രി​ച്ചു​ള്ള ഓ​ട്ട​മ​ത്സ​ര​വും ഇ​തോ​ടൊ​പ്പം ന​ട​ക്കും.