റ​മ​ദാ​നി​ലെ അ​വ​സാ​ന ജു​മു​അ; ഭ​ക്ത​ജ​ന​സാ​ഗ​ര​മാ​യി​ പു​ണ്യ​ഗേ​ഹ​ങ്ങ​ൾ

മ​ക്ക: ഈ ​റ​മ​ദാ​നി​ലെ അ​വ​സാ​ന ജു​മു​അ ന​മ​സ്‌​കാ​ര​ത്തി​ൽ പു​ണ്യ​ഗേ​ഹ​ങ്ങ​ളാ​യ ഇ​രു​ഹ​റ​മു​ക​ളും ഭ​ക്ത​ജ​ന​നി​ബി​ഡ​മാ​യി. ജു​മു​അ ന​മ​സ്​​കാ​ര​ത്തി​ൽ ല​ക്ഷ​ങ്ങ​ളാ​ണ്​ പ​​ങ്കെ​ടു​ത്ത​ത്. അ​ഭൂ​ത​പൂ​ർ​വ തി​ര​ക്കാ​ണ്​​​ അ​നു​ഭ​വ​പ്പെ​ട്ട​ത്​. തി​ര​ക്ക്​ നി​യ​ന്ത്രി​ക്കാ​ൻ വി​വി​ധ വ​കു​പ്പു​ക​ൾ​ക്ക്​ കീ​ഴി​ൽ ആ​വ​ശ്യ​മാ​യ ഒ​രു​ക്കം നേ​ര​ത്തേ പൂ​ർ​ത്തി​യാ​ക്കി​യി​രു​ന്നു. അ​തി​രാ​വി​ലെ മു​ത​ൽ മ​ക്ക​യു​ടെ പ​രി​സ​ര പ്ര​ദേ​ശ​ങ്ങ​ളി​ൽ​നി​ന്ന്​ ഹ​റ​മി​ലേ​ക്ക്​ ആ​ളു​ക​ളു​ടെ പ്ര​വാ​ഹം തു​ട​ങ്ങി​യി​രു​ന്നു. പ​തി​വി​ലും നേ​ര​ത്തേ ഹ​റ​മി​ന​ക​വും പു​റ​ത്തെ മു​റ്റ​ങ്ങ​ളും നി​റ​ഞ്ഞു​ക​വി​ഞ്ഞു. അ​ണി​ക​ൾ പ​രി​സ​ര​ത്തെ റോ​ഡു​ക​ളി​ലേ​ക്ക്​ നീ​ണ്ടു. തി​ര​ക്കൊ​ഴി​വാ​ക്കാ​ൻ മു​ഴു​വ​ൻ ക​വാ​ട​ങ്ങ​ളും തു​റ​ന്നി​രു​ന്നു.

വൈ​കി വ​ന്ന​വ​രെ അ​ടു​ത്തി​ടെ നി​ർ​മാ​ണം പൂ​ർ​ത്തി​യാ​ക്കി​യ പു​തി​യ കെ​ട്ടി​ട​ത്തി​ലേ​ക്ക്​ സു​ര​ക്ഷ വി​ഭാ​ഗം തി​രി​ച്ചു​വി​ട്ടു. ബാ​രി​ക്കേ​ഡു​ക​ൾ സ്ഥാ​പി​ച്ച്​ സ​ഞ്ചാ​രം വ്യ​വ​സ്ഥാ​പി​ത​മാ​ക്കി. ഇ​തി​ന് സു​ര​ക്ഷ​വി​ഭാ​ഗം കൂ​ടു​ത​ൽ സേ​ന​യെ മു​റ്റ​ങ്ങ​ളി​ൽ നി​യോ​ഗി​ച്ചി​രു​ന്നു. റോ​ഡു​ക​ളി​​ലെ തി​ര​ക്കൊ​ഴി​വാ​ക്കാ​ൻ സ്വ​കാ​ര്യ വാ​ഹ​ന​ങ്ങ​ളെ നി​ശ്ചി​ത പാ​ർ​ക്കി​ങ്​ സ്ഥ​ല​ങ്ങ​ളി​ലേ​ക്ക്​ തി​രി​ച്ചു​വി​ട്ടു. പാ​ർ​ക്കി​ങ്​ കേ​ന്ദ്ര​ങ്ങ​ളി​ൽ​നി​ന്ന്​ ഹ​റ​മി​ലേ​ക്കും തി​രി​ച്ചും കൂ​ടു​ത​ൽ ബ​സ്​ സ​ർ​വി​സു​ക​ൾ അ​ധി​കൃ​ത​ർ ഏ​ർ​പ്പെ​ടു​ത്തി​യി​രു​ന്നു. റ​മ​ദാ​നി​ലെ നാ​ലാ​മ​ത്തെ​യും അ​വ​സാ​ന​ത്തെ​യും ജു​മു​അ ന​മ​സ്‌​കാ​ര​ത്തി​നെ​ത്തു​ന്ന​വ​ർ​ക്ക്​ ഭ​ക്തി​നി​ർ​ഭ​ര​മാ​യ അ​ന്ത​രീ​ക്ഷം ഒ​രു​ക്കു​ന്ന​തി​ന് ഇ​രു​ഹ​റം പ​രി​പാ​ല​ന അ​തോ​റി​റ്റി വേ​ണ്ട ത​യാ​റെ​ടു​പ്പു​ക​ൾ ന​ട​ത്തി​യി​രു​ന്നു. അ​തോ​റി​റ്റി​ക്ക്​ കീ​ഴി​ലെ മു​ഴു​വ​ൻ വ​കു​പ്പു​ക​ളും സേ​വ​ന​രം​ഗ​ത്ത്​ നി​റ​ഞ്ഞു​നി​ന്നു. സു​ര​ക്ഷ, ട്രാ​ഫി​ക്​ രം​ഗ​ത്ത്​ കൂ​ടു​ത​ൽ പേ​രെ പൊ​തു​സു​ര​ക്ഷ വി​ഭാ​ഗം അ​ണി​നി​ര​ത്തി. ആ​രോ​ഗ്യ​ സേ​വ​ന​ത്തി​ന്​ റെ​ഡ്​​ക്ര​സ​ൻ​റും സ​ന്ന​ദ്ധ പ്ര​വ​ർ​ത്ത​ക​രു​മ​ട​ക്കം നി​ര​വ​ധി പേ​ർ രം​ഗ​ത്തു​ണ്ടാ​യി​രു​ന്നു.

മ​ക്ക ഹ​റ​മി​ലെ ജു​മു​അ ന​മ​സ്‌​കാ​ര​ത്തി​ന് ഇ​രു​ഹ​റം മ​ത​കാ​ര്യ മേ​ധാ​വി ഡോ. ​അ​ബ്​​ദു​റ​ഹ്​​മാ​ൻ അ​ൽ സു​ദൈ​സ് നേ​തൃ​ത്വം ന​ൽ​കി. മു​ഹ​മ്മ​ദ്​ ന​ബി​യു​ടെ സ​മൂ​ഹ​ത്തി​ന്​ ല​ഭി​ച്ച ദൈ​വ​ത്തി​​ന്റെ കാ​രു​ണ്യ​മാ​ണ്​ ഈ ​അ​നു​ഗ്ര​ഹീ​ത മാ​സ​മെ​ന്നും അ​തി​ന്റെ ശ്രേ​ഷ്​​ഠ​ത ലൈ​ല​ത്തു​ൽ ഖ​ദ്​​ർ ആ​ണെ​ന്നും ജു​മു​അ പ്ര​സം​ഗ​ത്തി​ൽ അ​ദ്ദേ​ഹം പ​റ​ഞ്ഞു. പു​ണ്യ​ത്തി​ലും പ​ദ​വി​യി​ലും അ​ത് ലോ​ക​ത്തി​ലെ മ​റ്റേ​തൊ​രു രാ​ത്രി​ക്കും സ​മാ​ന​മ​ല്ല. അ​തി​നാ​ൽ ​ശേ​ഷി​ക്കു​ന്ന ര​ണ്ട് രാ​ത്രി​ക​ളി​ൽ വി​ശ്വാ​സി​ക​ൾ അ​തി​നെ അ​ന്വേ​ഷി​ക്ക​​ട്ടെ​യെ​ന്നും അ​ദ്ദേ​ഹം കൂ​ട്ടി​ച്ചേ​ർ​ത്തു. പ​ശ്ചാ​ത്ത​പി​ച്ചും പാ​പ​മോ​ച​നം തേ​ടി​യും ദൈ​വ​ത്തി​ന്റെ പ്രീ​തി നേ​ടി ഇ​ഷ്​​ട​ദാ​സ​ന്മാ​രാ​യി മാ​റ​ണ​മെ​ന്നും അ​ദ്ദേ​ഹം ആ​ഹ്വാ​നം ചെ​യ്​​തു. റ​മ​ദാ​നി​​ൽ ഓ​രോ​രു​ത്ത​ർ​ക്കു​മു​ണ്ടാ​യ വി​ട​വു​ക​ളും കു​റ​വു​ക​ളും പോ​രാ​യ്മ​ക​ളും നി​ക​ത്തി, പ്ര​തി​ഫ​ല​വും ന​ന്മ​യും വ​ർ​ധി​പ്പി​ക്കു​ക​യും ചെ​യ്യു​ന്ന മ​ഹ​ത്താ​യ പ്ര​വ​ർ​ത്ത​ന​മാ​ണ്​ ഫി​ത​ർ സ​ക്കാ​ത്. അ​ത്​ കൊ​ടു​ത്തു​വീ​ടാ​ൻ എ​ല്ലാ​വ​രും ശ്ര​ദ്ധി​ക്ക​ണ​മെ​ന്നും ഹ​റം ഇ​മാം ആ​വ​ശ്യ​പ്പെ​ട്ടു.