ക​യ​റ്റു​മ​തി​ക്കാ​യി കൂറ്റൻ ക​പ്പ​ലെ​ത്തി: ച​ര​ക്കു​കൈ​മാ​റ്റ​ത്തി​ൽ മു​ന്നേ​റ്റ​വു​മാ​യി യാം​ബു വാ​ണി​ജ്യ​തു​റ​മു​ഖം

യാം​ബു: യാം​ബു കി​ങ് ഫ​ഹ​ദ് വ്യ​വ​സാ​യി​ക​തു​റ​മു​ഖം ച​ര​ക്കു​കൈ​മാ​റ്റ​ത്തി​ൽ വ​ൻ നേ​ട്ട​ങ്ങ​ൾ നേ​ടി പു​രോ​ഗ​തി​യി​ൽ. വി​വി​ധ പ​ദ്ധ​തി​ക​ളും നേ​ട്ട​ങ്ങ​ളും കൈ​വ​രി​ക്കു​ക​വ​ഴി യാം​ബു പോ​ർ​ട്ട് മി​ക​വു​പു​ല​ർ​ത്തി മു​ന്നേ​റു​ക​യാ​ണെ​ന്ന് സൗ​ദി പ്ര​സ് ഏ​ജ​ൻ​സി റി​പ്പോ​ർ​ട്ട് ചെ​യ്തു.

സൗ​ദി ഗ്രൈ​ൻ​സ് ഓ​ർ​ഗ​നൈ​സേ​ഷ​െൻറ (സാ​ഗോ) പി​ന്തു​ണ​യോ​ടെ ഗോ​ത​മ്പ് ക​യ​റ്റു​മ​തി​ക്കാ​യി 54,000 ട​ൺ ശേ​ഷി​യു​ള്ള 'ഫ്രീ​ഡം ലൈ​ൻ' എ​ന്ന പേ​രി​ലു​ള്ള വ​ൻ ക​പ്പ​ൽ ഇ​തി​നാ​യി ക​ഴി​ഞ്ഞ ദി​വ​സം പോ​ർ​ട്ടി​ലെ​ത്തി​യ​ത് വ​ലി​യ നേ​ട്ട​മാ​യി വി​ല​യി​രു​ത്തു​ന്നു. 1,20,000 ട​ൺ ശേ​ഷി​യു​ള്ള 'സി​ലോ​സ്' ധാ​ന്യ സം​സ്ക​ര​ണ പ​ദ്ധ​തി​യു​ടെ ഭാ​ഗ​മാ​യാ​ണ് ആ​ധു​നി​ക സം​വി​ധാ​ന​ങ്ങ​ളു​ള്ള ക​പ്പ​ൽ പോ​ർ​ട്ടി​ൽ സ​ജ്ജ​മാ​യി​രി​ക്കു​ന്ന​ത്.

യാം​ബു വാ​ണി​ജ്യ​തു​റ​മു​ഖ​ത്തെ വി​വി​ധ പ​ദ്ധ​തി​ക​ളു​ടെ വി​ജ​യ​ത്തി​നാ​യി ജ​ന​റ​ൽ പോ​ർ​ട്ട് അ​തോ​റി​റ്റി ഇ​തി​ന​കം വേ​റി​ട്ട പ​രി​ഷ്ക​ര​ണ​ങ്ങ​ൾ വ​രു​ത്തി​യ​ത് വ​ൻ കു​തി​പ്പി​ന് ആ​ക്കം​കൂ​ടി​യി​ട്ടു​ണ്ട്. രാ​ജ്യ​ത്തെ താ​മ​സ​ക്കാ​ർ​ക്ക് സ​മീ​കൃ​ത ഭ​ക്ഷ്യ​സു​ര​ക്ഷ കൈ​വ​രി​ക്കു​ന്ന​തി​നാ​യി ധാ​ന്യ​വി​ത​ര​ണ പ​ദ്ധ​തി​ക​ളു​ടെ വി​വി​ധ രീ​തി​ക​ളാ​ണ് പോ​ർ​ട്ടി​ൽ ന​ട​പ്പി​ലാ​ക്കി​യ​ത്. മ​ദീ​ന, അ​ൽ ഖ​സീം മേ​ഖ​ല​യി​ലേ​ക്ക് ആ​വ​ശ്യ​മാ​യ ഭ​ക്ഷ്യ​വി​ത​ര​ണ സാ​ധ​ന​ങ്ങ​ളു​ടെ വി​ത​ര​ണം യാം​ബു തു​റ​മു​ഖം വ​ഴി​യാ​ണ് ന​ട​ക്കു​ന്ന​ത്. രാ​ജ്യ​ത്തെ പ്ര​ധാ​ന വാ​ണി​ജ്യ​തു​റ​മു​ഖ​മാ​യി യാം​ബു തു​റ​മു​ഖം മാ​റി​യി​ട്ടു​ണ്ട്.

സൂ​യ​സ് ക​നാ​ലി​ന് തെ​ക്ക് 460 നോ​ട്ടി​ക്ക​ൽ മൈ​ലും ജി​ദ്ദ​യി​ലെ ഇ​സ്‌​ലാ​മി​ക് തു​റ​മു​ഖ​ത്തി​ന് വ​ട​ക്കു​പ​ടി​ഞ്ഞാ​റ് 168 നോ​ട്ടി​ക്ക​ൽ മൈ​ലും അ​ക​ലെ​യാ​ണ് യാം​ബു വാ​ണി​ജ്യ​തു​റ​മു​ഖം സ്ഥി​തി ചെ​യ്യു​ന്ന​ത്. യാം​ബു വ്യ​വ​സാ​യ തു​റ​മു​ഖ​ത്ത് ഇ​തി​ന​കം ഏ​ക​ദേ​ശം 4.2 കി​ലോ​മീ​റ്റ​ർ നീ​ള​ത്തി​ൽ 12 ബെ​ർ​ത്തു​ക​ൾ ഉ​ണ്ട്. ഇ​ത് കൂ​ടാ​തെ 180 മീ​റ്റ​ർ നീ​ള​വും 10 മീ​റ്റ​ർ ആ​ഴ​വു​മു​ള്ള ഒ​രു ടൂ​റി​സം ബെ​ർ​ത്തും യാ​ർ​ഡു​ക​ൾ​ക്ക് ഇ​ന്ധ​നം നി​റ​ക്കാ​ൻ ഒ​രു ബെ​ർ​ത്തും ഒ​രു ഫ്ലോ​ട്ടി​ങ് ബെ​ർ​ത്തും ഇ​വി​ടു​ണ്ട്.

13.5 ദ​ശ​ല​ക്ഷം ട​ണ്ണി​ല​ധി​കം ച​ര​ക്കു​കൈ​മാ​റ്റം ചെ​യ്യാ​ൻ​ശേ​ഷി​യു​ള്ള തു​റ​മു​ഖ​ത്തി​ന് 2000 യാ​ത്ര​ക്കാ​രെ ഉ​ൾ​ക്കൊ ള്ളാ​ൻ ശേ​ഷി​യു​ള്ള ഒ​രു പാ​സ​ഞ്ച​ർ ടെ​ർ​മി​ന​ലു​മു​ണ്ട്.

ഒ​രു പൊ​തു കാ​ർ​ഗോ ടെ​ർ​മി​ന​ൽ, 20,000 ട​ൺ ശേ​ഷി​യു​ള്ള ബ​ൾ​ക്ക് മെ​റ്റീ​രി​യ​ലു ക​ൾ സം​ഭ​രി​ക്കു​ന്ന​തി​നു​ള്ള ര​ണ്ട് സം​ഭ​ര​ണ സം​വി​ധാ​ന​ങ്ങ​ളും തു​റ മു​ഖ​ത്തി​െൻറ മി​ക​ച്ച പു​രോ​ഗ​തി​ക്ക് വ​ഴി​വെ​ക്കു​ന്നു.