ലൈ​ല​ത്തു​ൽ ഖ​ദ്​​ർ; പ്രാ​ർ​ഥ​ന​യി​ല​ലി​ഞ്ഞ്​ മ​ക്ക ഒ​ഴു​കി​യെ​ത്തി​യ​ത്​ 25 ല​ക്ഷ​ത്തോ​ളം

മ​ക്ക: ആ​യി​രം മാ​സ​ങ്ങ​ളേ​ക്കാ​ൾ ഉ​ത്ത​മ​രാ​വാ​യ ലൈ​ല​ത്തു​ൽ ഖ​ദ്റി​ന്റെ പ്ര​തീ​ക്ഷ​യി​ൽ പ്രാ​ർ​ഥ​നാ​നി​ർ​ഭ​ര​മാ​യി ഇ​ര​മ്പി​യാ​ർ​ത്തു മ​ക്ക​യി​ൽ ഭ​ക്ത​ജ​ന​സാ​ഗ​രം. പ്ര​ഭാ​തോ​ദ​യം വ​രെ ശാ​ന്തി​യും സ​മാ​ധാ​ന​വും നി​റ​ഞ്ഞു​നി​ൽ​ക്കു​ന്ന പു​ണ്യ​ങ്ങ​ളു​ടെ വ​സ​ന്ത​രാ​വും ​റ​മ​ദാ​നി​ലെ അ​വ​സാ​ന വെ​ള്ളി​യാ​ഴ്​​ച​യും ഒ​രു​മി​ച്ചു​വ​ന്ന​പ്പോ​ൾ മ​സ്​​ജി​ദു​ൽ ഹ​റാ​മി​ലേ​ക്ക് ലോ​ക​ത്തി​​ന്റെ നാ​നാ​ദി​ക്കു​ക​ളി​ൽ​നി​ന്ന്​​ ഒ​ഴു​കി​യെ​ത്തി​യ​ത് 25ല​ക്ഷ​ത്തോ​ളം വി​ശ്വാ​സി​ക​ൾ. അ​ല്ലാ​ഹു​വി​​ന്റെ ക​ൽ​പ​ന​പ്ര​കാ​രം ആ​കാ​ശ​ത്തു​നി​ന്നും മാ​ലാ​ഖ​മാ​ർ ഭൂ​മി​യി​ൽ അ​വ​ത​രി​ക്കു​ന്ന ​ശ്രേ​ഷ്ഠ രാ​ത്രി​യി​ലെ അ​നു​ഗ്ര​ഹ​ത്തി​​ന്റെ യാ​മ​ങ്ങ​ളി​ൽ അ​ണി​ചേ​ർ​ന്ന​വ​രു​ടെ വ​രി​ക​ൾ ഹ​റം പ​ള്ളി​യു​ടെ പ​രി​ധി​യും ക​ഴി​ഞ്ഞ് പു​റ​ത്തേ​ക്ക്​ ഒ​ഴു​കി​പ്പ​ര​ന്നു. അ​വ​രു​ടെ മ​ന​സ്സും ശ​രീ​ര​വും പാ​പ​മോ​ച​ന​ത്തി​നാ​യു​ള്ള പ്രാ​ർ​ഥ​ന​യി​ല​ലി​ഞ്ഞു.

ഫ​ല​സ്തീ​ൻ ജ​ന​ത​ക്കും ലോ​ക​മു​സ്‍ലിം​ക​ൾ​ക്കും വേ​ണ്ടി​യു​ള്ള ഇ​മാം ഡോ. ​അ​ബ്​​ദു​റ​ഹ്മാ​ൻ അ​ൽ സു​ദൈ​സി​​ന്റെ ക​ണ്ണീ​ര​ണി​ഞ്ഞ പ്രാ​ർ​ഥ​ന​ക​ൾ ല​ക്ഷ​ക്ക​ണ​ക്കി​ന് ഹൃ​ദ​യ​ങ്ങ​ൾ വി​ങ്ങ​ലോ​ടെ ഏ​റ്റു​ചൊ​ല്ലി. ഗ​സ്സ​യി​ലേ​ത​ട​ക്കം മു​റി​വേ​റ്റ മ​നു​ശ്യ​രാ​ശി​ക്കാ​യി മ​ന​സ്സു​രു​കി പ്രാ​ർ​ഥി​ക്കു​ക​യാ​യി​രു​ന്നു​ ഹ​റ​മി​നെ പു​ൽ​കി​നി​ന്ന രാ​ക്കാ​റ്റു​പോ​ലും.​ വി​ശ്വാ​സ​ത്തി​​ന്റെ വ​ഴി​ക​ൾ ക​റ​ക​ള​ഞ്ഞ ആ​രാ​ധ​ന​യി​ലൂ​ടെ ധ​ന്യ​മാ​ക്കി​യ​തി​​ന്റെ ആ​ത്മ​സാ​യൂ​ജ്യം നേ​ടി​യാ​ണ് സ​ർ​വ​ശ​ക്ത​നി​ൽ​നി​ന്ന് കാ​രു​ണ്യ​വും അ​നു​ഗ്ര​ഹ​വും പാ​പ​മോ​ച​ന​വും തേ​ടി​യു​ള്ള പ്രാ​ർ​ഥ​ന​ക​ൾ അ​ല​യ​ടി​ച്ച രാ​വി​നോ​ട് വി​ശ്വാ​സി സാ​ഗ​രം വി​ട പ​റ​ഞ്ഞ​ത്.

ഇ​രു​ഹ​റം കാ​ര്യാ​ല​യ​ത്തി​​ന്റെ നേ​തൃ​ത്വ​ത്തി​ൽ അ​തി​രാ​വി​ലെ മു​ത​ൽ ആ​ളു​ക​ളു​ടെ ഒ​ഴു​ക്കി​നെ ഉ​ൾ​ക്കൊ​ള്ളാ​നു​ള്ള ന​ട​പ​ടി​ക്ര​മ​ങ്ങ​ൾ പൂ​ർ​ത്തി​യാ​ക്കി​യി​രു​ന്നു. ഹ​റം പ​ള്ളി​യി​ലെ പ്രാ​ർ​ഥ​ന​യി​ട​ങ്ങ​ൾ, പ​രി​സ​ര പ്ര​ദേ​ശ​ങ്ങ​ൾ, ഗേ​റ്റു​ക​ൾ, ഇ​ട​നാ​ഴി​ക​ൾ എ​ല്ലാം കു​റ്റ​മ​റ്റ രീ​തി​യി​ൽ ഒ​രു​ക്കി​യി​രു​ന്നു. ഖു​ർ​ആ​ൻ പാ​രാ​യ​ണ​ത്താ​ലും പ്രാ​ർ​ഥ​ന​ക​ളാ​ലും മ​ക്ക ന​ഗ​രം ഭ​ക്തി​സാ​​ന്ദ്ര​മാ​യി​രു​ന്നു. വി​ശ്വാ​സി​ക​ൾ നേ​രം പു​ല​രു​വോ​ളം ഹ​റ​മി​ലും പ​രി​സ​ര​ങ്ങ​ളി​ലും പ്രാ​ർ​ഥ​ന​യി​ൽ മു​ഴു​കി. മ​ക്ക​യി​ലെ പാ​ർ​ക്കി​ങ് കേ​ന്ദ്ര​ങ്ങ​ൾ നി​റ​ഞ്ഞു​ക​വി​ഞ്ഞു. വി​ശ്വാ​സി​ക​ളെ പ​ള്ളി​യി​ലെ​ത്തി​ക്കാ​ൻ കൂ​ടു​ത​ൽ ബ​സ് സ​ർ​വി​സു​ക​ൾ ഏ​ർ​പ്പെ​ടു​ത്തി.

ഇ​രു ഹ​റം കാ​ര്യാ​ല​യം, സി​വി​ൽ ഡി​ഫ​ൻ​സ്, ട്രാ​ഫി​ക് വ​കു​പ്പ്, പൊ​ലീ​സ്, റെ​ഡ്ക്ര​സ​ൻ​റ്, ആ​രോ​ഗ്യ, മു​നി​സി​പ്പാ​ലി​റ്റി വ​കു​പ്പു​ക​ൾ എ​ന്നി​വ​ക്ക് കീ​ഴി​ൽ പ​തി​വി​ലും കൂ​ടു​ത​ൽ ആ​ളു​ക​ളെ സേ​വ​ന​ത്തി​നാ​യി നി​യ​മി​ച്ചി​രു​ന്നു. വി​വി​ധ വ​കു​പ്പു​ക​ളെ സ​ഹാ​യി​ക്കാ​ൻ ഹ​റ​മി​​ന്റെ പ​ല ഭാ​ഗ​ങ്ങ​ളി​ൽ സ്‌​കൗ​ട്ട് വി​ഭാ​ഗ​ത്തി​ലെ​യും മ​റ്റും വ​ള​ൻ​റി​യ​ർ​മാ​രും രം​ഗ​ത്തു​ണ്ടാ​യി​രു​ന്നു. അ​നു​ഗ്ര​ഹീ​ത രാ​ത്രി​യി​ൽ തീ​ർ​ഥാ​ട​ക​രു​ടെ​യും വി​ശ്വാ​സി​ക​ളു​ടെ​യും സു​ര​ക്ഷ ഉ​റ​പ്പു​വ​രു​ത്താ​ൻ എ​ല്ലാ​വി​ധ സം​വി​ധാ​ന​ങ്ങ​ളും ഒ​രു​ക്കി​യ​ത് കു​റ്റ​മ​റ്റ നി​ല​യി​ലാ​യി​രു​ന്നു​വെ​ന്ന് ട്രാ​ഫി​ക് വ​കു​പ്പി​​ന്റെ ഔ​ദ്യോ​ഗി​ക വ​ക്താ​വ് കേ​ണ​ൽ മ​ൻ​സൂ​ർ അ​ൽ ശു​ക്ര ചൂ​ണ്ടി​ക്കാ​ട്ടി. 15000ത്തോ​ളം സു​ര​ക്ഷ ഉ​ദ്യോ​ഗ​സ്ഥ​രാ​ണ് സേ​വ​ന നി​ര​ത​രാ​യ​ത്. റ​മ​ദാ​നി​ലെ പാ​പ​മോ​ച​ന​ത്തി​​ന്റെ അ​വ​സാ​ന നാ​ളു​ക​ളും വി​ട​വാ​ങ്ങാ​നി​രി​ക്കെ ഹ​റ​മി​ലെ​ത്തി​യ വി​ശ്വാ​സി​ക​ളി​ൽ പ​ല​രും പ്രാ​ർ​ഥ​ന​ക​ളു​മാ​യി മ​ക്ക​യി​ൽ ത​ന്നെ തു​ട​രാ​നാ​ണ് ആ​ഗ്ര​ഹി​ക്കു​ന്ന​ത്.

മ​ദീ​ന പ​ള്ളി​യി​ലും ജ​ന​സാ​ഗ​രം

• സ്വ​ദേ​ശി​ക​ളും താ​മ​സ​ക്കാ​രും സ​ന്ദ​ർ​ശ​ക​രു​മാ​യി ല​ക്ഷ​ങ്ങ​ൾ പ​ങ്കാ​ളി​ക​ളാ​യി

മ​ദീ​ന: ലൈ​ല​ത്തു​ൽ ഖ​ദ്‌​റി​നെ പ്ര​തീ​ക്ഷി​ച്ച്​ മ​സ്​​ജി​ദു​ന്ന​ബ​വി​യി​ലെ​ത്തി​യ​ത്​ വ​ൻ ജ​ന​ക്കൂ​ട്ടം. ഭ​ക്തി​സാ​ന്ദ്ര​വും സു​ര​ക്ഷി​ത​വു​മാ​യ അ​ന്ത​രീ​ക്ഷ​ത്തി​ൽ ന​ട​ന്ന ഇ​ശാ​അ്, ത​റാ​വീ​ഹ്​ ന​മ​സ്​​കാ​ര​ത്തി​ൽ സ്വ​ദേ​ശി​ക​ളും താ​മ​സ​ക്കാ​രും സ​ന്ദ​ർ​ശ​ക​രു​മാ​യി ല​ക്ഷ​ങ്ങ​ൾ പ​ങ്കാ​ളി​ക​ളാ​യി.​

വി​ശ്വാ​സി​ക​ളെ കൊ​ണ്ട് പ്ര​വാ​ച​ക പ​ള്ളി​യു​ടെ അ​ക​വും പു​റ​ത്തെ മു​റ്റ​ങ്ങ​ളും നേ​ര​ത്തേ​ത​ന്നെ നി​റ​ഞ്ഞി​രു​ന്നു. ജു​മു​അ​യും 27ാം രാ​വും ഒ​രു​മി​ച്ച്​ വ​ന്ന​തോ​ടെ അ​ഭൂ​ത​പൂ​ർ​വ​മാ​യ തി​ര​ക്കാ​ണ്​ പ​ള്ളി​യി​ൽ അ​നു​ഭ​വ​പ്പെ​ട്ട​ത്. വി​വി​ധ വ​കു​പ്പു​ക​ളു​മാ​യും ബ​ന്ധ​പ്പെ​ട്ട അ​ധി​കാ​രി​ക​ളു​മാ​യും ഏ​കോ​പി​പ്പി​ച്ച് മ​സ്​​ജി​ദു​ന്ന​ബ​വി പ​രി​പാ​ല​ന ജ​ന​റ​ൽ അ​തോ​റി​റ്റി എ​ല്ലാ ഒ​രു​ക്ക​വും മു​ൻ​കൂ​ട്ടി പൂ​ർ​ത്തി​യാ​ക്കി​യി​രു​ന്നു. സ​ന്ദ​ർ​ശ​ക​രു​ടെ സു​ര​ക്ഷി​ത​ത്വ​വും സൗ​ക​ര്യ​വും നി​ല​നി​ർ​ത്താ​ൻ എ​ല്ലാ ക്ര​മീ​ക​ര​ണ​ങ്ങ​ളും ഒ​രു​ക്കി.മ​ദീ​ന വി​ക​സ​ന അ​തോ​റി​റ്റി ന​ഗ​ര​ത്തി​ന്റെ വി​വി​ധ ഭാ​ഗ​ങ്ങ​ളി​ൽ​നി​ന്ന്​ മ​സ്​​ജി​ദു​ന്ന​ബ​വി​യി​ലേ​ക്കും തി​രി​ച്ചും ഷ​ട്ടി​ൽ ബ​സ്​ സ​ർ​വി​സു​ക​ൾ ഏ​ർ​പ്പെ​ടു​ത്തി​യ​ത്​ ആ​ളു​ക​ൾ​ക്ക് ആ​ശ്വാ​സ​മാ​യി.