തൊഴിൽ മന്ത്രാലയത്തി​െൻറ ഇടപെടലും വിഫലം ശമ്പളവും ആനുകൂല്യങ്ങളും കിട്ടാതെ തൊഴിലാളികൾ പട്ടിണിയിൽ

ദമ്മാം: മാസങ്ങൾ നീണ്ട നിയമ പോരാട്ടങ്ങൾക്കൊടുവിൽ കിഴക്കൻ പ്രവിശ്യ തൊഴിൽ സാമൂഹിക വികസന മന്ത്രാലയ ശാഖയും ല േബർ കോടതിയും ഇടപെട്ട്​ ഉണ്ടാക്കിയ കരാറും ലംഘിക്കപ്പെട്ടതോടെ ആശ്രയമില്ലാതായ തൊഴിലാളികൾ പട്ടിണിയിൽ. സിഹാ ത്തിലെ ഭ​ദ്രാണി കേന്ദ്രമായി പ്രവർത്തിക്കുന്ന കെട്ടിട, റോഡ്​ നിർമാണ കമ്പനിയിലെ തൊഴിലാളികൾ ഒന്നര വർഷത്തിലധികമായി ജോലിയോ ശമ്പളമോ ഇല്ലാത്തതിനാൽ നിയമ പോരാട്ടം തുടരുന്ന വാർത്ത നേരത്തെ ‘ഗൾഫ്​ മാധ്യമം’ പ്രസിദ്ധീകരിച്ചിരുന്നു. ഇതിലെ 17 മലയാളികൾ ഉൽപെടെ 29 പേരുടെ കേസാണ്​ ഇന്ത്യൻ എംബസിയുടെ ഇടപെടലിനെ തുടർന്ന്​ അൽ ഖോബാർ തൊഴിൽ കോടതിയും തൊഴിൽ സാമൂഹിക വികസന മന്ത്രാലയ ശാഖയും ഇടപെട്ട്​ പരിഹാരത്തിന്​ മുതിർന്നത്​. രണ്ടാഴ്​ച മുമ്പ്​ രാത്രി ഏഴ്​ മണിയോടെ പ്രത്യേകമായി ചേർന്ന കോടതിയിലേക്ക്​ കമ്പനി പ്രതിനിധികളെ വിളിച്ചു വരുത്തിയിരുന്നു. 20 മുതൽ 36 വർഷത്തിലധികം കമ്പനിയിൽ തുടരുന്ന തൊഴിലാളികളാണിവരിൽ അധികവും.

10 മാസത്തിലധികം ശമ്പള കുടിശ്ശികയും സേവനാനന്തര ആനുകൂല്യങ്ങളുമായി ഒരു ലക്ഷത്തിലധികം റിയാൽ കിട്ടാനുള്ളവരും ഇക്കൂട്ടത്തിലുണ്ട്​. കമ്പനി പ്രതിനിധികളുമായി നടത്തിയ ചർച്ചയിൽ ഇവർക്ക്​ ലഭിക്കാനുള്ള 15 ലക്ഷം റിയാൽ ​ഫെബ്രുവരി മുതൽ എല്ലാ മാസവും 20ാം തിയതി മൂന്ന്​ ഗഡുക്കളായി ​കൊടുത്തു തീർക്കാം എന്ന്​ കരാർ ഉണ്ടാക്കുകയായിരുന്നു. ഇതിനുശേഷം സ്വകാര്യ മേഖലയിലെ തൊഴിലാളികളുടെ പരാതികൾക്ക്​ പരിഹാരം കാണുന്നതിന്​ ലേബർ ഒാഫീസുകൾ സത്വര നടപടികൾ സ്വീകരിക്കുന്നതായി കിഴക്കൻ പ്രവി​ശ്യ തൊഴിൽ സാമൂഹിക വികസന മന്ത്രാലയ മേധാവി അബ്​ദുൽ റഹ്​മാൻ അൽ മുഖസിൽ പ്രസ്​താവന നടത്തുകയും ചെയ്​തിരുന്നു. എന്നാൽ ഏറെ പ്രതീക്ഷയോടെ ഫെബ്രുവരി 20 ന്​ പണം സ്വീകരിക്കാനെത്തിയ തൊഴിലാളികളുടെ മുന്നിൽ കമ്പനി അധികൃതർ ​ൈകമലർത്തി. വീണ്ടും ലേബർ കോടതിയെ സമീപിച്ചെങ്കിലും ഉയർന്ന ​േകാടതിയിൽ പരാതി നൽകാനാണ്​ ലഭിച്ച നിർദേശം. അതു പ്രകാരം വീണ്ടും കേസ്​ നൽകി കാത്തിരിക്കുകയാണ്​ തൊഴിലാളികൾ. കമ്പനി പാപ്പരായി എന്നാണ്​ ലഭിക്കുന്ന വിശദീകരണം. കണ്ണൂർ, തിരുവന്തപുരം, കൊല്ലം, തൃശൂർ തുടങ്ങിയ ജില്ലകളിൽ നിന്നുള്ളവരാണ്​ മലയാളികൾ.

കമ്പനിയുടെ മൂന്ന്​ ക്യാമ്പുകളിലായി 200 ലധികം തൊഴിലാളികൾ ​വിവിധ കോടതികളിൽ കേസിലാണ്​. ഇതിൽ ഫിലിപ്പീൻ സ്വദേശികൾക്ക്​ അവരുടെ എംബസിയുടെ ഭാഗത്തു നിന്ന്​ മികച്ച രീതിയിൽ സഹായങ്ങൾ ലഭിക്കുന്നുണ്ടെന്ന്​ ഇവർ പറഞ്ഞു. എംബസി പ്രതിനിധി സെയ്​ദ്​ ആണ്​ തൊഴിലാളികൾക്ക്​ വേണ്ടി കോടതിയിൽ ഹാജരായത്​. ഇദ്ദേഹം അവധിയിലായതും കേസി​​െൻറ തുടർ പ്രവർത്തനങ്ങളെ ബാധിച്ചിട്ടുണ്ട്​. കമ്പിനിക്ക്​ പുതിയ കരാറുകൾ ലഭിക്കാത്തതും പുതിയ സാഹചര്യത്തിൽ രൂപപ്പെട്ട ബാധ്യതകളും കനത്ത ആഘാതമാവുകയായിരുന്നു. അതോടെ തൊഴിലാളികളുടെ താമസ രേഖ പുതുക്കാനോ, ശമ്പള കുടിശ്ശിക നൽകാനോ സാധിച്ചില്ല. ഇതോടെ തൊഴിലാളികൾക്ക്​ നാട്ടിൽ പോകാനോ, ആവശ്യമായ ചികിൽസ തേടാനോ പോലും പറ്റാത്ത അവസ്​ഥയിലായി. നവോദയ സേവന വിഭാഗം പ്രതിനിധി നൗഷാദി​​െൻറ നേതൃത്വത്തിൽ ചില ക്യാമ്പുകളിൽ തൊഴിലാളികൾക്ക്​ ഭക്ഷണമെത്തിച്ചു നൽകിയിരുന്നു. എന്നാൽ കേസ്​ നീണ്ടു പോകുന്നതോടെ ഇവരുടെ നിലനിൽപ്​ വീണ്ടും ചോദ്യമാവുകയാണ്​.