െഗയിൽ പദ്ധതിയിൽ അവ്യക്​തത, കൊച്ചിയിൽ നടപ്പാക്കിയതിൽ അതൃപ്തി -കുഞ്ഞാലിക്കുട്ടി

ജിദ്ദ:​ െഗയിൽ പദ്ധതിയിൽ അവ്യക്​തതകൾ ബാക്കിയുണ്ടെന്ന്​ മുൻ വ്യവസായമന്ത്രിയും ലോക് സഭാമെമ്പറുമായ പി.​കെ കുഞ്ഞാലിക്കുട്ടി. കൊച്ചിയിൽ പദ്ധതി നടപ്പാക്കിയത്​ തൃപ്​തികരമായ രീതിയിലല്ലായിരുന്നു. അന്നേ അവ്യക്​തതയുണ്ടായിരുന്നു. അവിടെ എം.എൽ.എ മാർ ഏല്ലാവരും ഒരുപാട്​ സഹകരിച്ചാണ്​ പദ്ധതി നടപ്പിലാക്കിയത്​. എന്നിട്ടും തൃപതികരമായിരുന്നില്ല ഗെയിലി​​െൻറ പ്രവർത്തനം. ജനവാസ കേന്ദ്രത്തിൽ കൂടി പൈപ്​ലൈൻ പോവാൻ പറ്റില്ല എന്ന്​ തന്നെയാണ്​ അന്നത്തെയും ഇന്ന​ത്തെയും ത​​െൻറയും പാർട്ടിയുടെയും നിലപാടെന്നും കുഞ്ഞാലിക്കുട്ടി പറഞ്ഞു. ഉംറ നിർവഹിക്കാനെത്തിയ അദ്ദേഹം ‘ഗൾഫ്​ മാധ്യമ’ത്തോട്​ സംസാരിക്കുകയായിരുന്നു. 

താൻ വ്യവസായ മന്ത്രിയായിരുന്ന കാലത്ത്​ ​ ജനവാസകേന്ദ്രങ്ങളിലൂടെയുള്ള  പൈപ്​ലൈൻ റൂട്ട്​ ഒഴിവാക്കിത്തരണമെന്ന്​  ഗെയിൽ കത്ത്​ നൽകിയിട്ടും നടപടി സ്വീകരിച്ചില്ലെന്ന ആരോപണം അദ്ദേഹം നിഷേധിച്ചു. അങ്ങിനെ ഒരു കത്ത്​ ലഭിച്ചതായി അറിയില്ല. അതൊക്കെ ഗയിൽ പറയുന്ന കാര്യങ്ങളല്ലേ. അവർക്ക്​ അതങ്ങ്​ ചെയ്​താൽ മതിയായിരുന്നല്ലോ. എന്തു വിലകൊടുത്തും ഗെയിൽ പദ്ധതി നടപ്പിലാക്കണം എന്ന സമീപനം ഞങ്ങൾക്കില്ലായിരുന്നു. അതേ സമയം പദ്ധതിക്ക്​ എതിരല്ലായിരുന്നു.

സർക്കാറി​​െൻറ വാശിക്ക്​  മുന്നിൽ ജനങ്ങൾ തോൽക്കുന്ന അവസ്​ഥയിൽ എന്തുകൊണ്ട്​ മുസ്​ലീം ലീഗോ യു.ഡി.എഫോ സമരം ഏറ്റെടുക്കുന്നില്ലെന്ന ചോദ്യത്തിന്​ ഇൗ വിഷയത്തിൽ ഏറ്റവും പുതിയ സംഭവവികാസങ്ങൾ അറിയില്ലെന്നായിരുന്നു മറുപടി. നാട്ടിൽ ചെന്ന ശേഷം കൂട്ടായ ചർച്ചയിലൂടെ തീരുമാനമെടുക്കുമെന്നും അദ്ദേഹം പറഞ്ഞു. 

അഴിമതിയുടെ എല്ലാ തെളിവുകളും പുറത്തു വന്ന സാഹചര്യത്തിൽ തോമസ്​ ചാണ്ടിയെ ഇനിയും സംരക്ഷിച്ചു കൂടാ എന്ന്​  കുഞ്ഞാലിക്കുട്ടി അഭിപ്രായപ്പെട്ടു. അദ്ദേഹം രാജി വെക്കേണ്ട സമയം അതിക്രമിച്ചിരിക്കുന്നു.  സോളാർ കമീഷൻ റിപ്പോർട്ട്​ നിയമസഭയിൽ വന്നാൽ ഒന്നും സംഭവിക്കാൻ പോകുന്നില്ലെന്ന്​ അദ്ദേഹം പ്രതികരിച്ചു. എന്ത്​ നിയമോപദേശം ഉണ്ടായിട്ടും കാര്യമില്ല. ആരാണ്​ പരാതിയുമായി വന്നത്​ എന്ന്​ ജനങ്ങൾക്ക്​ നല്ല പോലെ അറിയാം. ഇടതുമുന്നണിക്ക്​ പറ്റിയ ഏറ്റവും വലിയ മണ്ടത്തരങ്ങളിലൊന്നായി സോളാറി​​െൻറ പേരിൽ ഉമ്മൻചാണ്ടിക്കെതിരെയുള്ള നീക്കം മാറും. അതൊരു ‘വീക്​ വിക്കറ്റാ’യി മാറും.  ദേശീയതലത്തിൽ ബി.ജെ.പിക്കെതിരെ മതേതര കക്ഷികളുടെ കൂട്ടായ്​മ മുൻകാലത്തേക്കാൾ വ്യവസ്​ഥാപിതമായി മുന്നോട്ട്​ പോവുന്നുണ്ട്​. ഗുജറാത്തിലടക്കം വളരെ കൗശലത്തോടു കൂടിയുള്ള നീക്കമാണ്​ നടക്കുന്നത്​. പലപ്പോഴും കൂട്ടായ്​മയിൽ കൂടാത്ത ഏക മതേതരപാർട്ടി സി.പി.എം മാത്രമാണ്​. ബാക്കിയെല്ലാവരുടെയും വോട്ട്​ ഏകീകരിക്കുക എന്ന വലിയ യജഞം നടക്കുന്നുണ്ട്​. വിജയിക്കുമെന്ന്​ തന്നെയാണ്​ പ്രതീക്ഷയെന്നും അദ്ദേഹം പറഞ്ഞു.