പ്രവാസികളുടെ തിരിച്ചു പോക്ക്​: മുസ്​ലീം ലീഗ്​ അജണ്ടയാക്കും -കുഞ്ഞാലിക്കുട്ടി

ജിദ്ദ: പ്രവാസികളുടെ തിരിച്ചുപോക്ക്​ മ​െമ്പന്നെത്തേക്കാളും ഗൗരവത്തിലെടുക്കേണ്ടതുണ്ടെന്നും മുസ്​ലീം ലീഗ്​ ഇൗ വിഷയം അജണ്ടയാക്കി പദ്ധതികൾ ആസൂത്രണം ചെയ്യുമെന്നും പി.കെ കുഞ്ഞാലിക്കുട്ടി എം.പി. ഇതു സംബന്ധിച്ച്​ പാർലമ​െൻറിൽ വിഷയമുന്നയിക്കുമെന്നും അ​േദ്ദഹം പറഞ്ഞു. ജിദ്ദയിൽ ഇന്ത്യൻ മീഡിയാഫോറം സംഘടിപ്പിച്ച ‘മീറ്റ്​ ദ പ്രസി’ൽ സംസാരിക്കുകയായിരുന്നു കുഞ്ഞാലിക്കുട്ടി. എല്ലാ രാഷ്​​്ട്രീയപാർട്ടികളും സർക്കാറും ഇൗ വിഷയം അടിയന്തരമായി ചർച്ച ചെയ്​ത്​ പരിഹാരം കാണണം.  

പ്രവാസികളുടെ തിരിച്ചുപോക്കിനെ കുറിച്ച്​ നേരത്തെ പറയാറുണ്ടായിരുന്നെങ്കിലും അന്ന്​ ഗൾഫിൽ ചില പ്രതീക്ഷകൾ അവശേഷിച്ചിരുന്നു. നിലവിലെ സാഹചര്യം അതല്ലെന്ന്​ ബോധ്യപ്പെട്ടതായി കുഞ്ഞാലിക്കുട്ടി പറഞ്ഞു. ചെറുപ്പക്കാരുടെ മുമ്പിൽ വലിയ വെല്ലുവിളിയായി ഇത്​ മാറിയിട്ടുണ്ട്​. അവർക്ക്​ നാട്ടിൽ അവസരമൊരുക്കണം. 

ദേശീയ വനിതാകമീഷൻ  സുപ്രീംകോടതിയിലെ കേസിനെ സ്വാധീനിക്കുന്ന തരത്തിൽ ഹാദിയ വിഷയത്തിൽ ഇടപെട്ടിരിക്കയാണ്​. 
കേരളത്തിൽ ഹാദിയയെ കാണാൻ കോടതിയുടെ അനുമതി വേണമെന്ന്​ പറഞ്ഞ് സംസ്​ഥാന വനിതാ കമീഷൻ നിസ്സംഗത പാലിച്ചിരിക്കു​േമ്പാഴാണ്​ ഇത്​ സംഭവിച്ചത്​.​  ഇതു സംബന്ധിച്ച്​ സംസ്​ഥാന സർക്കാറും മറുപടി പറയേണ്ടതുണ്ട്​. മീറ്റ്​ ദ പ്രസിൽ മീഡിയ ഫോറം പ്രസിഡൻറ്​ പി.എം മായിൻകുട്ടി അധ്യക്ഷത വഹിച്ചു. സെക്രട്ടറി സാദിഖലി തുവ്വൂർ നന്ദി പറഞ്ഞു.