വാഹനാപകടം; കോഴിക്കോട് സ്വദേശി അൽ ഖസീമിൽ മരിച്ചു

ബുറൈദ: കോഴിക്കോട് ഉള്ള്യേരി പുത്തഞ്ചേരി സ്വദേശി ശ്യാംലാൽ (23) സൗദി അറേബ്യയിലെ അൽ ഖസീമിൽ ബുറൈദക്കടുത്ത് വാഹനാപകടത്തിൽ മരിച്ചു. ബുധനാഴ്ച രാവിലെ ഭക്ഷണം വാങ്ങി റോഡ് മുറിച്ചുകടക്കവേ സ്വദേശി പൗരന്‍റെ വാഹനം തട്ടിയാണ് അപകടം. മൃതദേഹം ഐൻ ഉൽ ജുവ ആശുപത്രി മോർച്ചറിയിൽ സൂക്ഷിച്ചിരിക്കുന്നു.

അവിവാഹിതനായ ശ്യാംലാൽ മൂന്ന് മാസം മുൻപാണ് സൗദിയിൽ എത്തിയത്. പിതാവ്: രാമൻ കുട്ടി. മാതാവ്: ശാന്ത. സഹോദരൻ: ശ്യാം ശരത്ത്.

ഖസീം പ്രവാസി സംഘം ജീവകാരുണ്യ വിഭാഗത്തിന്‍റെ നേതൃത്വത്തിൽ തുടർ നടപടിക്രമങ്ങൾ പൂർത്തിയായിവരുന്നു.