കോവിഡ് ബാധിച്ച് കോഴിക്കോട് സ്വദേശി തബൂക്കിൽ മരിച്ചു

തബൂക്ക്: കോവിഡ് ചികിത്സയിലായിരുന്ന കോഴിക്കോട് സ്വദേശി മരിച്ചു. കല്ലായി സ്വദേശി മിനിക്കണ്ടകം വീട്ടിൽ അഹമ്മദ് അലി പാലക്കൽ (62) ആണ് മരിച്ചത്. കോവിഡ് ബാധിച്ച് ഒരാഴ്ചയായി തബൂക്ക് കിങ് ഫഹദ് സ്പെഷ്യലിസ്റ്റ് ആശുപത്രിയിൽ ചികിത്സയിലായിരുന്നു.

തബൂക്ക് അഹൂയയിൽ മിനി ഷോപ്പ് ജീവനക്കാരനായിരുന്നു. 30 വർഷത്തോളമായി സൗദിയിൽ പ്രവാസിയാണ്. പിതാവ്: ഹസ്സൻ കോയ എളമ്പിലാട്ട്, മാതാവ്: ഐഷാബി, ഭാര്യ: സുഹറ, മകൻ: നിഹാൽ.

നടപടിക്രമങ്ങൾക്ക് ശേഷം മൃതദേഹം തബൂക്കിൽ ഖബറടക്കും. നിയമനടപടികൾ പൂർത്തീകരിക്കാൻ തബൂക്കിലെ കോൺസുലേറ്റ് സി.സി.ഡബ്ലിയു അംഗങ്ങളും കെ.എം.സി.സി നേതാക്കളും രംഗത്തുണ്ട്.