കോഴിക്കോട് ജില്ല കെ.എം.സി.സി പ്രവാസി ഹെൽത്ത് ഇൻഷുറൻസിന് തുടക്കം കുറിച്ചു
text_fieldsജിദ്ദ കോഴിക്കോട് ജില്ല കെ.എം.സി.സി പ്രവാസി ഹെൽത്ത് ഇൻഷുറൻസ് കാമ്പയിൻ അഹമ്മദ് പാളയാട്ട് സൈനുൽ ആബിദീന് അപേക്ഷ ഫോറം നൽകി ഉദ്ഘാടനം ചെയ്യുന്നു
ജിദ്ദ: സൗദി നാഷനൽ കെ.എം.സി.സി ജിദ്ദ, കോഴിക്കോട് ജില്ല കമ്മിറ്റി മാക്സ് ബൂപ്പ ഇൻഷുറൻസ് കമ്പനിയുമായി സഹകരിച്ച് പ്രവാസി കുടുംബങ്ങൾക്കായി നാട്ടിൽ നടപ്പാക്കുന്ന ഹെൽത്ത് ഇൻഷുറൻസ് കാമ്പയിന് തുടക്കമായി.
ജിദ്ദ സെൻട്രൽ കമ്മിറ്റി പ്രസിഡൻറ് അഹമ്മദ് പാളയാട്ട് അപേക്ഷ ഫോറം സൈനുൽ ആബിദീന് നൽകി കാമ്പയിൻ ഉദ്ഘാടനം ചെയ്തു. ജില്ല വൈസ് പ്രസിഡൻറ് ഇബ്രാഹിം കൊല്ലി അധ്യക്ഷത വഹിച്ചു.
സൗദിയിൽ ഓരോ റീജനിലും നിലവിലുള്ള ജില്ല കമ്മിറ്റികൾ മുഖേനയാണ് കാമ്പയിൻ നടക്കുന്നത്. ജില്ല ഓർഗനൈസിങ് സെക്രട്ടറി ഹസ്സൻകോയ പെരുമണ്ണ പദ്ധതിയെ കുറിച്ച് വിശദീകരിച്ചു. സുബൈർ വാണിമേൽ, ഷബീർ അലി, ഒ.പി. സലാം, ഖാലിദ് പാളയാട്ട്, ലത്തീഫ് പൂനൂർ, കെ. സംജാദ്, ഷമീർ എലത്തൂർ തുടങ്ങിയവർ സംസാരിച്ചു.
ജില്ല ജനറൽ സെക്രട്ടറി സൈനുൽ ആബിദീൻ സ്വാഗതവും സെക്രട്ടറി ഹാരിസ് വടകര നന്ദിയും പറഞ്ഞു. തഹ്ദീർ ഖിറാഅത്ത് നടത്തി.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.

