കൗഷിക്കി​െൻറ കാമറയുടെ മാന്ത്രികകാഴ്ചകൾ

ദമ്മാം: നിരന്തരമായ സാധന തോൽപിക്കാത്ത പിമിതികളില്ലെന്ന ചൊല്ലിനെ അന്വർഥമാക്കുകയാണ്​ കൗഷിക്​​ വിജയൻ എന്ന ഫേ ാ​േട്ടാഗ്രാഫർ. മരുഭൂമിയുടെ ഉൗഷരതയിൽ നിന്ന്​ ഒപ്പിയെടുക്കാൻ എന്താണുള്ളതെന്ന ചോദ്യങ്ങൾക്ക്​ മറുപടിയാണ്​ പത് തനംതിട്ട ഇലവുംതിട്ട, ഗായത്രിയിൽ കൗഷിക്കി​​​െൻറ കാമറ കാണിച്ചുതരുന്ന അപൂർവ കാഴ്​ചകൾ. നിരന്തരമായ സാധനയിലൂ​െട വൈ ൽഡ്​ ഫോ​േട്ടാഗ്രാഫി രംഗത്ത്​ ഇടം കണ്ടെത്തിയ ഇദ്ദേഹത്തി​​​െൻറ ഒരു ചിത്രം ഇപ്പോൾ ലോകമാധ്യമങ്ങളിലൂടെ ആഗോള ശ്രദ്ധ നേടിയിരിക്കുകയാണ്​. രണ്ട്​ വർഷം മുമ്പ്​ ഒരു അവധിക്കാലത്ത്​ കേരളത്തിൽ നിന്ന്​ പകർത്തിയ ‘മലയണ്ണാ’​​​െൻ റ ചിത്രം ‘ഇൻസ്​റ്റ ഗ്രാമിൽ’ പോസ്​റ്റ്​​ ചെയ്​തതാണ്​ വഴിത്തിരിവായത്​. ബ്രിട്ടനിലെ ഒരു ന്യൂസ്​ ഏജൻസി കൗഷിക്കി നെ ബന്ധപ്പെട്ട്​ ഇൗ ചിത്രം വാങ്ങുകയായിരുന്നു. തുടർന്ന്​ അമേരിക്കയിലെ ഫോക്​സ്​ ന്യൂസ്​, നാഷനൽ ജിയോ ഗ്രാഫിക്​ തുടങ്ങിയ പ്രമുഖ ന്യൂസ്​ ​പോർട്ടലുകളുൾപ്പടെ അമ്പതിലേറെ രാജ്യങ്ങളിലെ ഒാൺലൈൻ ന്യൂസ്​ ​ൈസറ്റുകകൾ ഇൗ ചിത്രം പ്രസിദ്ധീകരിച്ചു. ഇപ്പോൾ കൗഷിക്കി​​​െൻറ ചിത്രങ്ങൾ ​​വൈൽഡ്​ ഫോ​േട്ടാഗ്രാഫിയിൽ തരംഗമായി മാറിയിരിക്കുകയാണ്​.

ദമ്മാമിലെ സാമിൽ സ്​റ്റീൽ കമ്പനിയിൽ ഫിനാൻസ്​ വിഭാഗത്തിൽ ഉദ്യോഗസ്​ഥനായ കൗഷിക്കിന്​ ബാല്യം മുതലേ ഫോ​േട്ടാഗ്രാഫിയിലായിരുന്നു​ കമ്പം. എങ്കിലും 11 വർഷം​ മുമ്പ്​ പ്രവാസിയായി സ്വന്തമായി വരുമാനമായിട്ട്​ മാത്രമാണ്​ ഒരു കാമറ സ്വന്തമാക്കാനായത്​. വാരാന്ത്യ അവധി ദിവസങ്ങളിൽ പുലർച്ചെ മൂന്നിന്​ ഉണർന്ന്​ കാമറയുമായി ദമ്മാമി​​​െൻറ തെരുവിലേക്കിറങ്ങും. ആളൊഴിഞ്ഞ കടൽത്തീരത്തുകൂടി സഞ്ചരിച്ച്​ ചിത്രങ്ങൾ എടുക്കുന്നത് പതിവാക്കി. സൂര്യോദയകാഴ്​ചകളുമായി ബന്ധപ്പെട്ട്​ പല പരീക്ഷണ ചിത്രങ്ങൾ എടുത്തു. എടുത്ത ചിത്രങ്ങൾ താരതമ്യം ചെയ്തു തെറ്റുകളും കുറ്റങ്ങളും സ്വയം മനസിലാക്കാൻ ശ്രമിച്ചു. ​ഋഭുഭേദമില്ലാതെ എല്ലാ ആഴ്ചയിലെയും അവധി ദിവസങ്ങൾ ഫോട്ടോഗ്രാഫിയിലെ സ്വയം പരിശീലനത്തിനായി മാറ്റിവച്ചു. കാലംപോകെ ഫലമുണ്ടായിത്തുടങ്ങി. കൗഷിക്​ വിജയ​​​െൻറ കാമറയിൽ പതിഞ്ഞ അപൂർവ ചിത്രങ്ങൾ കണ്ട്​ കാലങ്ങളായി സൗദിയിൽ ഉള്ളവർ പോലും അത്ഭുതം കൂറി.

ലോക മാധ്യമങ്ങൾ ഏറ്റെടുത്ത മലയണ്ണാ​​െൻറ ചിത്രം

സൗദിയുടെ കടൽത്തീരങ്ങളിൽ പറന്നിറങ്ങുന്ന ദേശാടനക്കിളികൾ പ്രഭാതത്തി​​​െൻറ ചെഞ്ചായ ചക്രവാളത്തി​​​െൻറ പശ്ചാത്തലത്തിൽ കൗഷിക്കി​​​െൻറ കാമറക്ക്​ വിരുന്നായി. ജലാശയത്തിൽ നിന്ന്​ കൊത്തിയെടുത്ത മീൻ വിഴുങ്ങുന്നതിന്​ മുമ്പ്​ ഒരു പക്ഷി അത്​ മുകളിലേക്കെറിഞ്ഞ്​​​ സൗകര്യാർഥം ചുണ്ടിൽ കൊരുക്കുന്നതിനിടയിലുള്ള​ അർദ്ധ നിമിഷത്തിലെ അപൂർവ ദൃശ്യം കൗഷിക്കി​​െൻറ കാമറ പിടിച്ചെടുത്ത​ു.

മാസങ്ങളാണ്​ ഇൗയൊരു കാഴ്​ചയെ പകർത്താൻ കൗഷിക്​​ മാറ്റിവെച്ചത്​. ദേശാടാനക്കിളികളെക്കുറിച്ച്​ ഇൻറർനെറ്റിൽ പഠിച്ചറിഞ്ഞ അറിവുകളുമായി അൽഖോബാറിലെ ലുലുവിനടുത്തുള്ള ചെറിയ ജലാശയത്തിനരുകിൽ​ ആറ്​ മണിക്കുറിലധികം കാത്തിരുന്നാണ്​ ചിത്രം പകർത്തിയത്​. പക്ഷികളു​െട ശ്രദ്ധയിൽ പെടാതെ നിലത്തിരുന്ന്​ നിരങ്ങി നീങ്ങി അടു​െത്തത്തി അവസരങ്ങൾക്ക്​ കാത്തിരുന്നാണ്​ ഇത്​ പകർത്തിയത്​. കടൽപക്ഷി പറന്നുയരു​േമ്പാൾ ദിവ്യവെളിച്ചം പോലെ പുറകിൽ നിന്ന്​ പ്രഭവിരിയുന്ന ചിത്രമെടുക്കാൻ രണ്ട്​ വർഷമാണ്​ കാത്തിരിക്കേണ്ടി വന്നത്​. മഴയും പച്ചപ്പും ഉള്ള നാട്ടിലേക്കുള്ള അവധിക്കാലം പുതിയ പുതിയ ചിത്രങ്ങൾ എടുക്കാനുള്ള അവസരമായും​ ഉപയോഗിച്ചു​.

വീട്ടുമുറ്റത്തു നിൽക്കുന്ന പൂക്കളും ചെടികളും തുടങ്ങി കാണുന്നതെല്ലാം കാമറയിൽ പകർത്തിത്തുടങ്ങി. എത്തിനിന്നത്​ കാട്ടിലെ മനോഹര ദൃശ്യങ്ങളിലാണ്​. ഒരു വർഷം മുമ്പ്​ ഇങ്ങനെയൊരു യാത്രക്കിടയിൽ കാമറയിൽ പതിഞ്ഞ മലയണ്ണാനാണ്​ ഇന്ന്​ ഫോ​േട്ടാഗ്രഫി ജീവിതം തന്നെ മാറ്റിമറിച്ചത്​. വൈൽഡ് ലൈഫ് ഫോട്ടോഗ്രഫിയിലേക്ക്​ തിരിഞ്ഞപ്പോൾ പ്രകൃതിയെ കൂടുതൽ പഠിക്കാനും സ്‌നേഹിക്കാനും തുടങ്ങിയതായി കൗഷിക്​ പറയുന്നു.

കാട്ടിലൂടെയുള്ള യാത്രകൾ പുതിയ അനുഭവങ്ങൾ സമ്മാനിച്ചു. പ്രകൃതി ഒരുക്കിവെച്ചിരിക്കുന്നത്​ എത്ര സുന്ദരമായ കാഴ്​ചകളാണ്.​ നമുക്കത്​ കാണാൻ കണ്ണ്​ വേണമെന്ന്​ മാത്രമേയുള്ളു എന്നും അദ്ദേഹം​ കൂട്ടിച്ചേർക്കുന്നു. ഭാര്യ സരിതയും മക്കളായ കെവിനും കെസിയയും നൽകുന്ന പിന്തുണയാണ്​ തനിക്ക്​ ഇൗ രംഗത്ത്​ കൂടുതൽ കരുത്തേകുന്നതെന്ന്​ കൗഷിക്​​ പറയുന്നു.