ഒളവട്ടൂർ സ്വദേശി റിയാദിൽ മരിച്ചു

റിയാദ്: മലയാളി യുവാവ് റിയാദിൽ മരിച്ചു. മലപ്പുറം കൊണ്ടോട്ടി ഒളവട്ടൂർ സ്വദേശി പൂളക്കൽ പരേതനായ മുഹമ്മദിന്റെ മകൻ മുഹമ്മദ് റാഫി (37) ആണ് മരിച്ചത്. റിയാദ് ബദീഅയിൽ ബഖാല നടത്തുകയായിരുന്നു. ഉമ്മ: ആമിന. ഭാര്യ: നസീറ ചെറുവായൂർ. മക്കൾ: നിദ ഷെറിൻ, ഫിദ ഷെറിൻ, ആദം മുഹമ്മദ്. സഹോദരൻ: യാസിർ.

മൃതദേഹം നാട്ടിൽകൊണ്ടുപോകും. അതിനാവശ്യമായ നടപടി ക്രമങ്ങളുമായി റിയാദ് കെ.എം.സി.സി മലപ്പുറം ജില്ലാ വെൽഫെയർ വിങ് ചെയർമാൻ റഫീഖ് പുല്ലൂർ, ജനറൽ കൺവീനർ ഷറഫ് പുളിക്കൽ, ഇസ്ഹാഖ് താനൂർ, ജാഫർ വീമ്പൂർ എന്നിവർ രംഗത്തുണ്ട്.