ചികിത്സയിലായിരുന്ന കൊല്ലം സ്വദേശി അബഹയിൽ മരിച്ചു

അബഹ: ന്യുമോണിയ ബാധിച്ച് ചികിത്സയിലായിരുന്ന കൊല്ലം സ്വദേശി അബഹയിൽ മരിച്ചു. പള്ളിമുക്ക് നസീർ (61) ആണ് മരിച്ചത്. കഴിഞ്ഞ ദിവസമാണ് ന്യുമോണിയ ബാധിച്ച് ഖമീസ് ജനറൽ ആശുപത്രിയിൽ പ്രവേശിപ്പിച്ചത്.

രണ്ട് ദിവസമായി വെന്‍റിലേറ്ററിലായിരുന്ന ഇദ്ദേഹം ശനിയാഴ്ചയാണ് മരിച്ചത്. സൗദിയുടെ വിവിധ പ്രദേശങ്ങളിലായി 12 വർഷത്തോളം പ്രവാസിയായ ഇദ്ദേഹം ഒന്നര വർഷമായി ഖമീസിൽ ജോലി ചെയ്തുവരികയായിരുന്നു. ഭാര്യ: ആമിന. മക്കൾ: ഫാത്തിമ, സെയ്ദ് അലി. മരണ വിവരമറിഞ്ഞു സഹോദരിയുടെ മകൻ ഷഫീഖ്, ഭാര്യ സഹോദരൻ അൻസാരി എന്നിവർ ഖമീസിൽ എത്തിയിട്ടുണ്ട്.