ഹൃദയാഘാതം മൂലം കൊല്ലം സ്വദേശി ഖമീസ്‌ മുശൈത്തിൽ മരണപ്പെട്ടു

ഖമീസ് മുശൈത്ത്: ഹൃദയാഘാതത്തെതുടർന്ന് കൊല്ലം സ്വദേശി ഖമീസ്‌ മുശൈത്തിൽ മരണപ്പെട്ടു. പള്ളിമുക്ക് തട്ടാമല തോപ്പുവയലിൽ ഷംസുദ്ദീൻ (60) ആണ് മരിച്ചത്. ഖമീസ് മുശൈത്ത് ബല്ലസ്മാർ ജനറൽ ആശുപത്രിയിൽ വെച്ചായിരുന്നു മരണം.

നേരത്തെ ഇദ്ദേഹത്തിന് കോവിഡ് ബാധിച്ചിരുന്നു. പിന്നീട് ഫലം നെഗറ്റീവ് ആയെങ്കിലും ഖമീസ് മുശൈത്ത് ജനറൽ ആശുപത്രിയിലും ശേഷം അസീർ മെഡിക്കൽ കോളജിലും തുടർ ചികിൽസക്കായി ബല്ലസ്മാർ ജനറൽ ആശുപത്രിയിലേക്കും മാറ്റുകയായിരുന്നു.

ഖമീസ് മുശൈത്തിൽ ടാക്സി ഡ്രൈവറായി ജോലി ചെയ്തു വരികയായിരുന്നു. പിതാവ്: അബ്ദുൽ കരീം. മാതാവ്: ഫാത്തിമ. ഭാര്യ: റസീന. മക്കൾ: ജസ്‌ന (21), മുഹമ്മദ്‌ ജസീം (14).