കൊല്ലം സ്വദേശി റിയാദിൽ മരിച്ചു

റിയാദ്: മലയാളി സൗദി അറേബ്യയിൽ ഹൃദയാഘാതം മൂലം മരിച്ചു. റിയാദിൽ നിന്ന് 210 കിലോമീറ്ററകലെ അൽ ജലാജിൽ എന്ന സ്ഥലത്ത് കൊല്ലം ആലുംമൂട് സ്വദേശി ചക്കുവരക്കൽ ഹനീഫ കുഞ്ഞി​െൻറ മകൻ ഷാജഹാനാണ് (51) മരിച്ചത്.

അഞ്ചുവർഷമായി അൽ ജലാജിലിൽ തോട്ടം തൊഴിലാളിയായി ജോലി ചെയ്തുവരികയായിരുന്നു. മൃതദേഹം സൗദിയിൽ തന്നെ ഖബറടക്കാൻ റിയാദ് കെ.എം.സി.സി മലപ്പുറം ജില്ല വെൽഫെയർ വിങ് ചെയർമാൻ റഫീഖ് മഞ്ചേരിയുടെയും ഷാജഹാ​െൻറ സുഹൃത്തുക്കളുടെയും നേതൃത്വത്തിൽ ശ്രമം നടക്കുന്നു.