കൊല്ലം സ്വദേശിയായ സാമൂഹിക പ്രവർത്തകൻ റിയാദിൽ മരിച്ചു

 റിയാദ്​: മസ്​തിഷ്​കാഘാതത്തെ തുടർന്ന്​​ റിയാദിൽ ആശുപത്രിയിലായിരുന്ന മലയാളി സാമൂഹിക പ്രവർത്തകൻ മരിച്ചു. പ്രവാസി റീഹാബിലിറ്റേഷൻ സ​െൻറർ (പി.ആർ.സി) സ്ഥാപക ഭാരവാഹികളിലൊരാളായിരുന്ന കൊല്ലം ആശ്രമം സ്വദേശി വി.കെ അനിൽകുമാറാണ്​ (46) റിയാദ്​ നാഷനൽ ആശുപത്രിയിൽ മരിച്ചത്​. മൂന്നു​ മാസം മുമ്പ്​ ഹാഇലിൽ വെച്ച്​ ഹൃദയാഘാതമുണ്ടായി അവിടുത്തെ ആശുപത്രിയിൽ ശസ്​ത്ര​ക്രിയക്ക്​ വിധേയനായിരുന്നു. ഒരു മാസത്തിന്​ ശേഷം നാട്ടിൽ പോയി തിരുവനന്തപുരത്തെ കിംസ്​ ആശുപത്രിയിൽ വിദഗ്​ധ ചികിത്സ തേടി. രണ്ടുമാസത്തിന്​ ശേഷം ഇൗ മാസം 13നാണ്​ റിയാദിൽ തിരിച്ചെത്തിയത്​. 16ന്​ വൈകീട്ട്​ മലസിലെ ഒറ്റക്ക്​ താമസിക്കുന്ന മുറിയിൽ ഛർദ്ദിച്ച്​ അബോധാവസ്ഥയിൽ കിടക്കുകയായിരുന്നു. ഏറെ നേരം വിളിച്ചിട്ടും ഫോണെടുക്കാഞ്ഞതിനെ തുടർന്ന്​ നാട്ടിൽ നിന്ന്​ ഭാര്യ റിയാദിലെ സുഹൃത്തുക്കളെ വിളിച്ച്​ വിവരം അറിയിച്ചു. ഉടൻ അവരെത്തി റിയാദ്​ നാഷനൽ ആശുപത്രിയിൽ പ്രവേശിപ്പിച്ചു. അന്ന്​ മുതൽ 10 ദിവസവും അബോധാവസ്ഥയിൽ തന്നെയായിരുന്നു.   തലച്ചോറിൽ രക്തം കട്ടപിടിച്ചിരുന്നതിനാൽ അടിയന്തര ശസ്​ത്രക്രിയക്ക്​ വിധേയനാക്കിയിരുന്നു. നേരത്തെ തന്നെ മസ്​തിഷ്​ക മരണം സംഭവിച്ചതായാണ്​ നിഗമനം. ചൊവ്വാഴ്​ച രാത്രിയിലാണ്​ മരണം സ്ഥിരീകരിച്ചത്​. മൃതദേഹം നാട്ടിൽ കൊണ്ടുപോകുന്നതിനുള്ള ശ്രമം ആരംഭിച്ചിട്ടുണ്ട്​. 25 വർഷമായി റിയാദിലുള്ള അനിൽ ആദ്യം 15 വർഷം അസിസ്​റ്റ്​ ടെക്​നോളജി എന്ന പ്രമുഖ സോഫ്​റ്റ്​ വെയർ കമ്പനിയിലായിരുന്നു. ശേഷം സ്വന്തമായി ടൈം സ്​റ്റാർ കൺസ്​ട്രക്ഷൻസ്​ എന്ന കമ്പനി നടത്തിവരികയായിരുന്നു. അതി​​െൻറ ആവശ്യാർഥം ഹാഇലിൽ പോയപ്പോഴാണ്​ അവിടെ വെച്ച്​ ഹൃദയാഘാതമുണ്ടായത്​.  10 വർഷം മുമ്പ്​ കുടുംബം റിയാദിൽ ഒപ്പമുണ്ടായിരുന്നു. പാരിപ്പള്ളി വിജയ ഭവനിൽ പരതേനായ കൊച്ചുഗോവിന്ദ കുറുപ്പി​​െൻറയും വിജയ്​ ദേവി അമ്മയുടെയും മകനാണ്​. ശ്രീ ലേഖയാണ്​ ഭാര്യ. ഡൽഹി ആൾ ഇന്ത്യാ മെഡിക്കൽ സയൻസസിൽ ഫോറൻസിക്​ സയൻസിൽ രണ്ടാം വർഷ വിദ്യാർഥിനിയായ ശ്രുതിയും എട്ടാം ക്ലാസ്​ വിദ്യാർഥിനി ഗായത്രിയുമാണ്​ മക്കൾ. ഡോ. അജിത്​, അജിത എന്നിവർ സഹോദരങ്ങളാണ്​.  റിയാദിലെ സാമൂഹിക പ്രവർത്തകന രംഗത്ത്​ സജീവമായിരുന്ന അനിൽ ആദ്യം റിയാദ്​ ഇന്ത്യൻ അസോസിയേഷനിൽ അംഗമായിരുന്നു.