കെ.എം.സി.സി ഇടപെടൽ; യു.പി സ്വദേശിയുടെ മൃതദേഹം നാട്ടിലെത്തിച്ചു

ത്വാ​ഇ​ഫ്: ത്വാ​ഇ​ഫി​ന​ടു​ത്ത് അ​ശീ​റ​യി​ൽ പെ​ട്രോ​ൾ പ​മ്പി​ൽ കു​ഴ​ഞ്ഞു​വീ​ണു മ​രി​ച്ച ഉ​ത്ത​ർ​പ്ര​ദേ​ശ് മ​ഹ​രാ​ജ്ഗ​ൻ​ജ് സ്വ​ദേ​ശി പ​പ്പു​വി​ന്റെ (48) മൃ​ത​ദേ​ഹം ന​ട​പ​ടി​ക​ൾ പൂ​ർ​ത്തി​യാ​ക്കി നാ​ട്ടി​ല​യ​ച്ച് സം​സ്ക​രി​ച്ചു. അ​ൽ ഖു​റ​യാ​ത്തി​ൽ ഹെ​വി ഡ്രൈ​വ​റാ​യി ജോ​ലി ചെ​യ്തു​വ​ന്ന പ​പ്പു ജോ​ലി ന​ഷ്ട​പ്പെ​ട്ട​തി​നെ തു​ട​ർ​ന്നാ​ണ് കൃ​ഷി​യി​ട​ത്തി​ൽ ജോ​ലി ചെ​യ്യു​ന്ന നാ​ട്ടു​കാ​ര​നി​ൽ പ്ര​തീ​ക്ഷ അ​ർ​പ്പി​ച്ച് അ​ശീ​റ​യി​ൽ എ​ത്തി​യ​ത്. പ​പ്പു ഫൈ​ന​ൽ എ​ക്സി​റ്റ് വി​സ​യി​ലാ​ണെ​ന്ന​റി​ഞ്ഞ​തോ​ടെ അ​വി​ടെ​യും ജോ​ലി ല​ഭി​ച്ചി​ല്ല.

അ​ശീ​റ​യി​ൽ​നി​ന്ന് മ​ട​ങ്ങി പെ​ട്രോ​ൾ പ​മ്പി​ലെ​ത്തി വാ​ഹ​ന​മി​റ​ങ്ങി​യ ഉ​ട​ൻ കു​ഴ​ഞ്ഞു​വീ​ഴു​ക​യും മ​രി​ക്കു​ക​യു​മാ​യി​രു​ന്നു. തു​ട​ർ​ന്ന് മ​സ്റ​യി​ൽ ജോ​ലി​ചെ​യ്യു​ന്ന നാ​ട്ടു​കാ​ര​നെ​യും വാ​ഹ​ന ഡ്രൈ​വ​റെ​യും പെ​ട്രോ​ള്‍ പ​മ്പ് ജീ​വ​ന​ക്കാ​ര​നെ​യും പൊ​ലീ​സ് ക​സ്റ്റ​ഡി​യി​ല്‍ എ​ടു​ത്തെ​ങ്കി​ലും പോ​സ്റ്റ്‌​മോ​ര്‍ട്ട​ത്തി​ന് ശേ​ഷം സ്വാ​ഭാ​വി​ക​മ​ര​ണം സ്ഥി​രീ​ക​രി​ച്ച​തോ​ടെ വി​ട്ട​യ​ക്കു​ക​യാ​യി​രു​ന്നു.

മൃ​ത​ദേ​ഹം ഏ​റ്റെ​ടു​ക്കാ​നോ ന​ട​പ​ടി​ക്ര​മ​ങ്ങ​ൾ​ക്കോ ബ​ന്ധു​ക്ക​ളും നാ​ട്ടു​കാ​രും ഇ​ല്ലാ​തി​രു​ന്ന​തി​നാ​ൽ ജി​ദ്ദ ഇ​ന്ത്യ​ൻ കോ​ൺ​സു​ലേ​റ്റ് ക​മ്യൂ​ണി​റ്റി വെ​ൽ​ഫെ​യ​ർ അം​ഗ​വും ത്വാ​ഇ​ഫ് കെ.​എം.​സി.​സി സെ​ൻ​ട്ര​ൽ ക​മ്മി​റ്റി പ്ര​സി​ഡ​ന്റു​മാ​യ മു​ഹ​മ്മ​ദ് സ്വാ​ലി​ഹ് നാ​ല​ക​ത്തി​നാ​ണ് കോ​ൺ​സു​ല​ർ ന​മു​നാ​രാ​യ​ണ​ൻ മീ​ന ‘പ​വ​ർ ഓ​ഫ് അ​റ്റോ​ർ​ണി’ ന​ൽ​കി​യ​ത്.

സ്വാ​ലി​ഹ് നാ​ല​ക​ത്തി​​ന്റെ നേ​തൃ​ത്വ​ത്തി​ൽ ന​ട​പ​ടി​ക്ര​മ​ങ്ങ​ൾ പൂ​ർ​ത്തി​യാ​ക്കി മൃ​ത​ദേ​ഹം നാ​ട്ടി​ല​യ​ക്കു​ക​യും ക​ഴി​ഞ്ഞ ദി​വ​സം സം​സ്ക​രി​ക്കു​ക​യു​മാ​യി​രു​ന്നു. നാ​ട്ടി​ൽ അ​യ​ക്കു​ന്ന​തി​നും മ​റ്റു​മു​ള്ള മു​ഴു​വ​ൻ ചെ​ല​വു​ക​ളും ജി​ദ്ദ ഇ​ന്ത്യ​ന്‍ കോ​ൺ​സു​ലേ​റ്റാ​ണ് വ​ഹി​ച്ച​ത്.