കെ.എം.സി.സി മൂന്നാം ഘട്ടത്തിൽ 2,500 ഭക്ഷണ കിറ്റുകൾ വിതരണം ചെയ്യും
text_fieldsദമ്മാം: കെ.എം.സി.സി സൗദി കിഴക്കൻ പ്രവിശ്യ കമ്മിറ്റി മൂന്നാം ഘട്ടമായി 2,500 ഭക്ഷണ കിറ്റുകൾ വിതരണം ചെയ്യും. നാഷനൽ കമ്മിറ്റി കോവിഡ് ഹെൽപ് െഡസ്ക് റമദാൻ റിലീഫിെൻറ ഭാഗമായി കീഴ്ഘടകങ്ങൾക്ക് നൽകുന്നതിെൻറ ഭാഗമാണിത്. കിഴക്കൻ പ്രവിശ്യയിലെ 10 സെൻട്രൽ കമ്മിറ്റികൾക്ക് മൂന്നാം ഘട്ട വിതരണത്തിനായി ഭക്ഷണ കിറ്റ് പാക്ക് ചെയ്യാനാവശ്യമായ വിഭവങ്ങൾ ജനറൽ സെക്രട്ടറി കാദർ ചെങ്കള പ്രവിശ്യ പ്രസിഡൻറ് മുഹമ്മദ് കുട്ടി കോഡൂരിന് കൈമാറി. മാർച്ച്, ഏപ്രിൽ മാസങ്ങളിൽ രണ്ട് ഘട്ടങ്ങളിലായി 2790 കിറ്റുകൾ വിതരണം ചെയ്തിരുന്നു.
സൗദിയുടെ വിവിധ പ്രവിശ്യകളിൽ പ്രവർത്തിക്കുന്ന 40 സെൻട്രൽ കമ്മിറ്റികൾക്ക് 60 ടൺ അരിയും മറ്റു വിഭവങ്ങളും നാഷനൽ കമ്മിറ്റിയുടെ വിഹിതമായി ഒരാഴ്ചകൊണ്ട് വിതരണം ചെയ്യുമെന്ന് സൗദി കെ.എം.സി.സി ജനറൽ സെക്രട്ടറി കാദർ ചെങ്കള വാർത്താകുറിപ്പിൽ അറിയിച്ചു.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.