കിസ്​വയുടെ നൂൽ കോർക്കല​ും ജനാദിരിയയിൽ കാണാം

റിയാദ്​: ‘കിസ്​വ’ക്ക്​ നൂൽ കോർക്കാൻ സൗദി മതകാര്യ സഹ മന്ത്രി ഡോ. തൗഫീഖ്​ അൽസുദൈരിയുമെത്തി. ജനാദിരിയയിലെ ഇരുഹറം കാര്യാലയ പവലിയൻ സന്ദർശന വേളയിലാണ്​ ഇൗ വർഷം ദുൽഹജ്ജ്​ ഒമ്പതിന്​ കഅ്​ബയെ പുതപ്പിക്കുന്ന കിസ്​വക്ക്​ നൂൽ കോർക്കുന്നതിൽ പങ്കാളിയാകാൻ മതകാര്യ സഹമന്ത്രിയെത്തിയത്​. പവലിയനിലെത്തിയ സഹമന്ത്രിയെ ഇരുഹറം കാര്യാലയ പബ്ലിക്​ റിലേഷൻ മേധാവി അഹ്​മദ്​ അൽമൻസൂരിയും സൂപർവൈസർമാരും ചേർന്നു സ്വീകരിച്ചു. ഇരുഹറം കെട്ടിട വികസന ഘട്ടങ്ങളും തീർഥാടകർക്ക്​ നൽകിവരുന്ന സേവനങ്ങളും വിശദീകരിച്ചു. പ്രദർശന സ്​റ്റാളുകൾ അദ്ദേഹം കണ്ടു.