സൽമാൻ രാജാവിന്‍റെ വൈദ്യപരിശോധന വിജയകരം; ആശുപത്രി വിട്ടു

റിയാദ്​: സൗദി ഭരണാധികാരി സൽമാൻ രാജാവിന്​ നടത്തിയ വൈദ്യപരിശോധനകൾ വിജയകരമായിരുന്നുവെന്ന്​ റോയൽ കോർട്ട്​ വ്യക്തമാക്കി. ബുധനാഴ്​ച രാവിലെയാണ്​ ചില വൈദ്യപരിശോധനകൾക്കായി സൽമാൻ രാജാവിനെ റിയാദിലെ കിങ്​ ഫൈസൽ ആശുപത്രിയിൽ പ്രവേശിപ്പിച്ചത്​.

കാർഡിയാക് പേസ് മേക്കർ ബാറ്ററി മാറ്റി വെച്ചത് വിജയകരമായി നടന്നു. ഉച്ചയോടെ സൽമാൻ രാജാവ്​ ആശുപത്രി വിട്ടതായും ചികിത്സ ഷെഡ്യൂൾ അനുസരിച്ച്​ ഏതാനും ദിവസം വിശ്രമത്തിലായിരിക്കുമെന്നും റോയൽ കോർട്ട്​ പുറത്തിറക്കിയ പ്രസ്താവനയിൽ പറഞ്ഞു.