ടെല്ലേഴ്​സൺ സൽമാൻ രാജാവിനെ കണ്ടു

റിയാദ്​: കഴിഞ്ഞ ദിവസം റിയാദിലെത്തിയ യു.എസ്​ സ്​റ്റേറ്റ്​ സെക്രട്ടറി റെക്​സ്​ ടെല്ലേഴ്​സൺ സൽമാൻ രാജാവുമായി കൂടിക്കാഴ്​ച നടത്തി.  തലസ്​ഥാനത്തെ യമാമ കൊട്ടാരത്തിലായിരുന്നു ചർച്ച. മേഖലയിലെ പുതിയ സംഭവ വികാസങ്ങളും ഉഭയകക്ഷി ബന്ധവും ചർച്ചയായി. അമേരിക്കയിലെ സൗദി സ്​ഥാനപതി അമീർ ഖാലിദ്​ ബിൻ സൽമാൻ, വിദേശകാര്യമന്ത്രി ആദിൽ ജുബൈർ, റിയാദ്​ അമേരിക്കൻ എംബസിയിലെ ഉപസ്​ഥാനപതി ക്രിസ്​റ്റഫർ ഹെൻസൽ എന്നിവർ ചർച്ചയിൽ പ​െങ്കടുത്തു.