കിങ്​ സൽമാൻ റിലീഫ്​ കേന്ദ്രം  ഗോൾഫ്​ വണ്ടികൾ നൽകി

ജിദ്ദ: കിങ്​ സൽമാൻ റിലീഫ്​ കേന്ദ്രത്തി​​െൻറ വക യമനിലെ ഏദൻ അന്താരാഷ്​​്ട്ര വിമാനത്താവളത്തിന്​ രണ്ട്​ ഗോൾഫ്​ വണ്ടികൾ. രോഗികളും പ്രായം കൂടിയവരും അവശരുമായവർക്ക്​​ വിമാനത്താവളത്തിനുള്ളിലെ യാത്ര എളുപ്പമാക്കുന്നതിനാണിത്​. ഏദൻ വിമാനത്താവള മേധാവി അബ്​ദുറഖീബ്​ അൽഉംറി ഗോൾഫ്​ വണ്ടികൾ ഏറ്റുവാങ്ങി. യമൻ ജനതക്കായി വിവിധ മേഖലകളിൽ കിങ്​ സൽമാൻ റിലീഫ്​ സ​െൻറർ ചെയ്​തുവരുന്ന പ്രവർത്തനങ്ങൾക്ക്​ അദ്ദേഹം നന്ദി പറഞ്ഞു. രോഗികളും വികലാംഗരുമായ ആളുകൾക്ക്​ ടെർമിനലിൽ നിന്ന്​ വിമാനത്തിലേക്കും തിരിച്ചുമുള്ള യാത്ര ​ ഗോൾഫ്​ വണ്ടികൾ എളുപ്പമാക്കുമെന്നും ഏദൻ വിമാനത്താവള മേധാവി പറഞ്ഞു.