റഷ്യന്‍ ഊർജ മന്ത്രിയെ സല്‍മാന്‍ രാജാവ്​ സ്വീകരിച്ചു

റിയാദ്: ഒൗദ്യോഗിക സന്ദര്‍ശനത്തിനായി വ്യാഴാഴ്ച റിയാദിലെത്തിയ റഷ്യന്‍ ഊർജ മന്ത്രി അലക്സാണ്ടര്‍ നോവാകിനെ സല്‍മാന്‍ രാജാവ് ത​​െൻറ കൊട്ടാരത്തില്‍ സ്വീകരിച്ചു. തലസ്ഥാനത്തെ അല്‍യമാമ കൊട്ടാരത്തില്‍  നടന്ന കൂടിക്കാഴ്ചയില്‍ പെട്രോളിയം മേഖലയിലെ സഹകരണത്തിന് പുറമെ മേഖലയിലും അന്താരാഷ്​ട്ര തലത്തലുമുള്ള സുപ്രധാന വിഷയങ്ങളും ചര്‍ച്ച ചെയ്തു. 

സൗദി മന്ത്രിസഭാംഗവും മുന്‍ ധനകാര്യ മന്ത്രിയുമായി ഡോ. ഇബ്രാഹീം അല്‍അസ്സാഫ്, വാണിജ്യ, നിക്ഷേപ മന്ത്രി ഡോ. മാജിദ് അല്‍ഖസ്ബി, വിദേശകാര്യ മന്ത്രി ആദില്‍ ബിന്‍ അഹമദ് അല്‍ജുബൈര്‍, സൗദി ജനറല്‍ ഇന്‍വസ്​റ്റ്​മ​െൻറ്​ അതോറിറ്റി മേധാവി ഇബ്രാഹീം ബിന്‍ അബ്​ദുറഹ്​മാന്‍ അല്‍ഉമര്‍, സൗദിയിലെ റഷ്യന്‍ അംബാസഡര്‍ സര്‍ജീ കോസ്ലോവ് തുടങ്ങിയവരും കൂടിക്കാഴ്ചയില്‍ സംബന്ധിച്ചു.