കിങ്​ സൽമാൻ സെൻററിന്​  257 പദ്ധതികൾ; യമനിൽ 166

ജിദ്ദ: കിങ്​ സൽമാൻ ​ഹ്യൂമാനിറ്റേറിയൻ എയ്​ഡ്​ ആൻഡ്​ റിലീഫ്​ സ​െൻററിന്​ കീഴിൽ 257 പദ്ധതികൾ നടപ്പാക്കിയതായി ജനറൽ സൂപ്പർവൈസർ അബ്​ദുല്ല അൽ റബീഅ. ഇതിൽ 166 പദ്ധതികളും യമനിലാണ്​. യമനിലെ ഏതാണ്ടെല്ലാ ഗവർണറേറ്റുകളിലും കിങ്​ സൽമാൻ സ​െൻററി​​െൻറ സഹായഹസ്​തം എത്തിയിട്ടുണ്ടെന്നും പ്രാദേശിക സംവിധാനങ്ങളുടെയും യു.എൻ സംഘടനകളുടെയും സഹായത്തോടെയാണ്​ നടപ്പാക്കിയതെന്നും മോസ്​കോയിൽ റഷ്യൻ വാർത്താഏജൻസി ആസ്​ഥാനത്ത്​ നടത്തിയ അബ്​ദുല്ല അൽ റബീഅ വാർത്തസമ്മേളനത്തിൽ പറഞ്ഞു. 

മൊത്തം 895 ദശലക്ഷം ഡോളറി​​െൻറ പദ്ധതികളാണ്​ 2015 ൽ സ്​ഥാപിതമായതു മുതൽ കിങ്​ സൽമാൻ സ​െൻറർ നടപ്പാക്കിവരുന്നത്​. 119 പ്രാദേശിക, രാജ്യാന്തര കൂട്ടായ്​മകളുടെ സഹായം ഇതിനുണ്ട്​. നാലു ഭൂഖണ്ഡങ്ങളിലെ 39 രാജ്യങ്ങളിൽ സ​െൻററി​​െൻറ സഹായം എത്തുന്നു. വൈദ്യ, ചികിത്സ രംഗം, പരിസ്​ഥിതി, വനിത, ശിശു ക്ഷേമം തുടങ്ങിയ മേഖലകളിലാണ്​ യമനിൽ പ്രധാനമായും ശ്രദ്ധയൂന്നുന്നത്​. മാനുഷിക, സന്നദ്ധ, വ്യാവസായിക പ്രവർത്തനങ്ങൾക്കായി യമനിലെ എല്ലാ തുറമുഖങ്ങളും തുറന്നിരിക്കുകയാണ്​. ഹൂതി നിയന്ത്രിക്കുന്ന മേഖലകളിൽ വരെ സഹായം എത്തിക്ക​ുന്നുണ്ട്​. 

സന്നദ്ധ പ്രവർത്തനങ്ങളിൽ ഹൂതികൾ സൃഷ്​ടിക്കുന്ന തടസങ്ങൾ കിങ്​ സൽമാൻ സ​െൻററിനെ നിരുത്സാഹപ്പെടുത്തുന്നില്ല. താഇസ്​ പോലുള്ള നഗരങ്ങളിൽ സ്​ത്രീകളും കുട്ടികളും അടക്കം ആയിരക്കണക്കിന്​ സാധാരണക്കാർ ഹൂതികളുടെ പിടിയിൽ കുടുങ്ങിക്കിടക്കുകയാണ്​. ഇൗ വിഷയം രാജ്യാന്തര സമൂഹം ശ്രദ്ധിക്കണം. യമനിൽ അടുത്തിടെ പടർന്നുപിടിച്ച കോളറക്കെതിരായ പ്രതിരോധ നടപടികൾക്കാണ്​ ഇപ്പോൾ ശ്രമിക്കുന്നത്​. കിങ്​ സൽമാൻ സ​െൻററി​​െൻറ നേതൃത്വത്തിലുള്ള പ്രവർത്തനങ്ങൾ കാരണം രോഗമുക്​തി നിരക്ക്​  99.7 ആക്കി ഉയർത്താനായിട്ടുണ്ടെന്നും അദ്ദേഹം കൂട്ടിച്ചേർത്തു.