സൽമാൻ രാജാവ്​ പ്രവാചകനഗരിയിൽ

മദീന: സൗദി ഭരണാധികാരി സൽമാൻ രാജാവ്​ പ്രവാചകനഗരിയിലെത്തി. റിയാദിൽ നിന്ന്​ മദീനയിലെ അമീർ മുഹമ്മദ്​ ബിൻ അബ്​ദുൽ അസീസ്​ അന്താരാഷ്​ട്ര വിമാനത്താവളത്തിലെത്തിയ രാജാവി​നെ മേഖല ഗവർണർ അമീർ ഫൈസൽ ബിൻ സൽമാൻ  സ്വീകരിച്ചു.

മദീന ഡെപ്യൂട്ടി ഗവർണർ അമീർ സഉൗദ്​ ബിൻ ഖാലിദ്​ ബിൻ ഫൈസൽ, ആഭ്യന്തര മന്ത്രി അമീർ അബ്​ദുൽ അസീസ്​ ബിൻ സഉൗദ്​ ബിൻ നാഇഫ്​, അമീർ ഫഹദ്​ ബിൻ അബ്​ദുല്ല , അമീർ അഹ്​മ്മദ്​ ബിൻ ഫൈസൽ ബിൻ സൽമാൻ, മേഖല മേയർ എൻജിനീയർ മുഹമ്മദ്​ അൽഅംരി, മദീന മേഖല സേന മേധാവി കേണൽ അബ്​ദുല്ല അൽകഹ്​താനി, മേഖല പൊലീസ്​ മേധാവി കേണൽ അബ്​ദുൽ ഹാദി ശഹ്​റാനി, ഗവർണറേറ്റ്​ അണ്ടർ സെക്രട്ടറി വുഹൈബ്​ സഹ്​ലി എന്നിവർ സൽമാൻ രാജാവിനെ സ്വീകരിക്കാൻ മാനത്താവളത്തിലെത്തിയിരുന്നു. മദീനയിലെത്തിയ ഉടനെ സൽമാൻ രാജാവ്​ മസ്​ജിദുന്നബവി സന്ദർശനം നടത്തി. 

ഇരുഹറം കാര്യാലയ മേധാവി ഡോ. അബ്​ദുറഹ്​മാൻ അൽസുദൈസ്​, മസ്​ജിദുന്നബവി കാര്യ അണ്ടർ സെക്രട്ടറി ഡോ. അലി ബിൻ സുലൈമാൻ, മസ്​ജിദുന്നബവി സേന മേധാവി ജനറൽ അബ്​ദുറഹ്​മാൻ അൽമുശ്​ഹിൻ, ഇമാമുമാർ  എന്നിവർ  രാജാവിനെ സ്വീകരിച്ചു.  
മുസ്​ഹഫി​​െൻറ അപൂർവ കോപി ഉപഹാരമായി സൽമാൻ രാജാവിനു നൽകി.