ദേ​ശാ​ട​ന​പ​ക്ഷി​ക​ളു​ടെ ഇ​ഷ്ട​താ​വ​ള​മാ​യി കി​ങ് സ​ൽ​മാ​ൻ റോ​യ​ൽ സം​ര​ക്ഷി​ത വ​നം

യാം​ബു: സൗ​ദി അ​റേ​ബ്യ​യു​ടെ വ​ട​ക്ക​ൻ മേ​ഖ​ല​യി​ലെ പ്ര​കൃ​തി സം​ര​ക്ഷി​ത പ്ര​ദേ​ശ​മാ​യ കി​ങ് സ​ൽ​മാ​ൻ റോ​യ​ൽ റി​സ​ർ​വ് വ​നം അ​പൂ​ർ​വ ദേ​ശാ​ട​ന​പ​ക്ഷി​ക​ളു​ടെ ഇ​ഷ്ട​കേ​ന്ദ്ര​മാ​യി മാ​റു​ന്നു. വം​ശ​നാ​ശ ഭീ​ഷ​ണി നേ​രി​ടു​ന്ന അ​പൂ​ർ​വ ദേ​ശാ​ട​ന​പ​ക്ഷി​ക​ള​ട​ക്കം ശൈ​ത്യ​കാ​ല​ത്ത്​ ഈ ​സം​ര​ക്ഷി​ത വ​ന​ത്തി​ലെ​ത്തു​ന്നു. അ​പൂ​ർ​വ​മാ​യി കാ​ണു​ന്ന ‘ഗ്രേ ​ഹെ​റോ​ൺ(​ചാ​ര​മു​ണ്ടി)’ പ​ക്ഷി​യു​ടെ സാ​ന്നി​ധ്യം ക​ഴി​ഞ്ഞ ദി​വ​സം ഇ​വി​ടെ റി​പ്പോ​ർ​ട്ട് ചെ​യ്ത​താ​യി അ​ധി​കൃ​ത​ർ അ​റി​യി​ച്ചു.

ശീ​ത​കാ​ല​ത്ത് മാ​ത്രം എ​ത്തു​ന്ന ഗ്രേ ​ഹെ​റോ​ണി​ന്റെ നീ​ളം 98 സെ​ന്റി​മീ​റ്റ​റാ​ണെ​ങ്കി​ലും അ​തി​​ന്റെ ചി​റ​കു​ക​ൾ 195 സെ​ന്റി​മീ​റ്റ​റോ​ളം വി​ട​ർ​ത്താ​ൻ ക​ഴി​യും. പൊ​തു​വെ ഇ​വ​യു​ടെ ഭാ​രം 2070 ഗ്രാം ​വ​രെ​യാ​യി​രി​ക്കും. വ​ലി​യ കാ​ലു​ക​ളും വ​ലി​യ ക​ഴു​ത്തു​മു​ള്ള വ​ലു​പ്പ​മേ​റി​യ​തും എ​ന്നാ​ൽ ഇ​ട​ത്ത​രം വ​ലു​പ്പ​മു​ള്ള​തു​മാ​യ ഹെ​റോ​ണു​ക​ൾ പ്രാ​ദേ​ശി​ക വം​ശ​നാ​ശ ഭീ​ഷ​ണി നേ​രി​ടു​ന്ന പ​ക്ഷി​ക​ളി​ൽ ഒ​ന്നാ​ണ്.

ഈ ​സം​ര​ക്ഷി​ത വ​ന​ത്തി​ലേ​ക്ക് ശീ​ത​കാ​ല​ത്ത് നൂ​റു​ക​ണ​ക്കി​ന് ദേ​ശാ​ട​ന​പ​ക്ഷി​ക​ൾ എ​ത്താ​റു​ണ്ട്. പ്ര​കൃ​തി​ദ​ത്ത സ​ങ്കേ​ത​വും അ​തി​​ന്റെ സ​ന്തു​ലി​ത​മാ​യ പ​രി​സ്ഥി​തി​യും വൈ​വി​ധ്യ​മാ​ർ​ന്ന ഭൂ​പ്ര​ദേ​ശ​വും ആ​വാ​സ വ്യ​വ​സ്ഥ​യു​മൊ​ക്കെ ഇ​വി​ടേ​ക്ക് ദേ​ശാ​ട​ന​പ​ക്ഷി​ക​ളെ ആ​ക​ർ​ഷി​ക്കു​ന്ന മു​ഖ്യ​ഘ​ട​ക​ങ്ങ​ളാ​ണ്. 290 ഇ​നം പ​ക്ഷി​ക​ൾ ഇ​വി​ടെ​യു​ണ്ടെ​ന്നാ​ണ് ക​ണ​ക്കു​ക​ൾ വ്യ​ക്ത​മാ​ക്കു​ന്ന​ത്.

സൗ​ദി​യു​ടെ ആ​കാ​ശ​ത്തി​ലൂ​ടെ പ്ര​തി​വ​ർ​ഷം 500 ദ​ശ​ല​ക്ഷ​ത്തി​ല​ധി​കം പ​ക്ഷി​ക​ൾ ദേ​ശാ​ട​നം ന​ട​ത്തു​ന്ന​താ​യി രാ​ജ്യ​ത്തെ പ​രി​സ്ഥി​തി, ജ​ലം, കൃ​ഷി മ​ന്ത്രാ​ല​യം നേ​ര​ത്തേ വെ​ളി​പ്പെ​ടു​ത്തി​യി​രു​ന്നു. ഭ​ക്ഷ​ണം തേ​ടി​യു​ള്ള സീ​സ​ണ​ൽ യാ​ത്ര​ക​ൾ​ക്കി​ട​യി​ൽ റി​സ​ർ​വ് വ​ന​ങ്ങ​ളി​ലും സൗ​ദി​യു​ടെ വി​വി​ധ ക​ട​ൽ തീ​ര​ങ്ങ​ളി​ലും മ​ല​നി​ര​ക​ളി​ലും ദേ​ശാ​ട​ന പ​ക്ഷി​ക​ൾ ത​മ്പ​ടി​ക്കാ​റു​ണ്ട്.

പ​ച്ച​പു​ത​ച്ച മ​രു​ഭൂ മ​ല​നി​ര​ക​ളി​ലും താ​ഴ്‌​വ​ര​ക​ളി​ലും ദേ​ശാ​ട​ന​പ​ക്ഷി​ക​ൾ വി​രു​ന്നെ​ത്തു​ന്ന അ​ഭൂ​ത​പൂ​ർ​വ​മാ​യ കാ​ഴ്ച​യാ​ണു​ള്ള​ത്. ദേ​ശാ​ട​ന​പ​ക്ഷി​ക​ൾ​ക്ക് അ​നു​യോ​ജ്യ​മാ​യ പ​രി​സ്ഥി​തി ഒ​രു​ക്കി ന​ൽ​കാ​ൻ പ​രി​സ്ഥി​തി മ​ന്ത്രാ​ല​യം ആ​വ​ശ്യ​മാ​യ ന​ട​പ​ടി​ക​ൾ സ്വീ​ക​രി​ക്കു​ക​യും അ​വ​യു​ടെ സം​ര​ക്ഷ​ണ​ത്തി​ന്​ കൂ​ടു​ത​ൽ ശ്ര​ദ്ധ ന​ൽ​കു​ക​യും ചെ​യ്യു​ന്നു​ണ്ട്. രാ​ജ്യ​ത്തെ പാ​രി​സ്ഥി​തി​ക മൂ​ല്യം ഉ​ൾ​ക്കൊ​ള്ളു​ന്ന വി​ധ​ത്തി​ലാ​ണ് വി​വി​ധ പ​ദ്ധ​തി​ക​ൾ അ​ധി​കൃ​ത​ർ ന​ട​പ്പാ​ക്കു​ന്ന​ത്.

ജൈ​വ വൈ​വി​ധ്യം സം​ര​ക്ഷി​ക്കു​ന്ന​തി​നും വം​ശ​നാ​ശ​ഭീ​ഷ​ണി നേ​രി​ടു​ന്ന വ​ന്യ​ജീ​വി​ക​ളെ അ​വ​യു​ടെ സ്വാ​ഭാ​വി​ക ആ​വാ​സ വ്യ​വ​സ്ഥ​ക​ളി​ലേ​ക്ക് പു​ന​ര​ധി​വ​സി​പ്പി​ക്കു​ന്ന​തി​നും വേ​ണ്ടി വൈ​വി​ധ്യ​മാ​ർ​ന്ന സം​വി​ധാ​ന​ങ്ങ​ളാ​ണ് റി​സ​ർ​വ് വ​ന​ത്തി​ൽ ഒ​രു​ക്കു​ന്ന​ത്. പ്ര​കൃ​തി​യു​ടെ ത​ന​ത് ആ​വാ​സ വ്യ​വ​സ്ഥ​യൊ​രു​ക്കി വ​ന്യ​ജീ​വി​ക​ളു​ടെ സം​ര​ക്ഷ​ണം പു​നഃ​സ്ഥാ​പി​ക്കു​ന്ന​തി​ന് കി​ങ് സ​ൽ​മാ​ൻ റോ​യ​ൽ റി​സ​ർ​വ് അ​തോ​റി​റ്റി വ​ലി​യ ശ്ര​മ​ങ്ങ​ൾ ന​ട​ത്തു​ന്നു.