മൊ​റോ​ക്കോ രാ​ജാ​വി​ന്​ സ​ൽ​മാ​ൻ രാ​ജാ​വും കി​രീ​ടാ​വ​കാ​ശി​യും അ​നു​ശോ​ച​ന സ​ന്ദേ​ശ​മ​യ​ച്ചു

ജി​ദ്ദ: നി​ര​വ​ധി​യാ​ളു​ക​ളു​ടെ ജീ​വ​ൻ അ​പ​ഹ​രി​ച്ചും സ്വ​ത്തു​നാ​ശ​ത്തി​നി​ട​യാ​ക്കി​യും മൊ​റോ​ക്കോ​യി​ലു​ണ്ടാ​യ ഭൂ​ക​മ്പ​ത്തി​ൽ സൗ​ദി അ​റേ​ബ്യ അ​നു​ശോ​ചി​ച്ചു. രാ​ജ്യ​ത്തെ ബാ​ധി​ച്ച വി​നാ​ശ​ക​ര​മാ​യ ദു​ര​ന്ത​ത്തി​ൽ മൊ​റോ​ക്കോ ഗ​വ​ൺ​മെ​ന്റി​നോ​ടും ജ​ന​ങ്ങ​ളോ​ടും ആ​ത്മാ​ർ​ഥ​മാ​യ അ​നു​ശോ​ച​നം രേ​ഖ​പ്പെ​ടു​ത്തു​ക​യാ​ണെ​ന്ന്​​ സൗ​ദി വി​ദേ​ശ​കാ​ര്യ മ​ന്ത്രാ​ല​യം പ്ര​സ്​​താ​വ​ന​യി​ൽ വ്യ​ക്ത​മാ​ക്കി. ഈ ​വ​ലി​യ ദു​രി​ത​ത്തി​ൽ മൊ​റോ​ക്കോ​യോ​ടും അ​വി​ടെ​യു​ള്ള സ​ഹോ​ദ​ര​ങ്ങ​ളോ​ടും സൗ​ദി അ​റേ​ബ്യ ഐ​ക്യ​ദാ​ർ​ഢ്യം പ്ര​ഖ്യാ​പി​ക്കു​ന്നു.

മ​രി​ച്ച​വ​രു​ടെ കു​ടും​ബ​ങ്ങ​ളോ​ട് അ​നു​ശോ​ച​നം രേ​ഖ​പ്പെ​ടു​ത്തു​ന്നു. പ​രി​ക്കേ​റ്റ​വ​ർ വേ​ഗ​ത്തി​ൽ സു​ഖം പ്രാ​പി​ക്ക​​ട്ടെ​യെ​ന്നും മൊ​റോ​ക്കോ​ക്കും അ​വി​ടെ​യു​ള്ള സ​ഹോ​ദ​ര​ങ്ങ​ൾ​ക്കും സു​ര​ക്ഷ​യും സ​മാ​ധാ​ന​വു​മു​ണ്ടാ​ക​​ട്ടെ​യെ​ന്ന്​ പ്രാ​ർ​ഥി​ക്കു​ന്നു​വെ​ന്നും സൗ​ദി വി​ദേ​ശ​കാ​ര്യ മ​ന്ത്രാ​ല​യം വ്യ​ക്ത​മാ​ക്കി.

വെ​ള്ളി​യാ​ഴ്​​ച വൈ​കീ​ട്ടാ​ണ്​ മൊ​റോ​ക്കോ​യി​ലെ അ​ൽ​ഹൗ​സ് പ്ര​വി​ശ്യ​യി​ൽ റി​ക്ട​ർ സ്കെ​യി​ലി​ൽ ഏ​ഴു​ ഡി​ഗ്രി രേ​ഖ​പ്പെ​ടു​ത്തി​യ ഭൂ​ച​ല​ന​മു​ണ്ടാ​യ​ത്. 800ലേ​റെ ആ​ളു​ക​ളാ​ണ്​ മ​രി​ച്ച​ത്. 600ല​ധി​കം ആ​ളു​ക​ൾ​ക്ക്​ പ​രി​ക്കേ​റ്റു. വ​ൻ​തോ​തി​ൽ സ്വ​ത്തു​നാ​ശ​വു​മു​ണ്ടാ​യി.

ഭൂ​ക​മ്പ​ത്തി​ൽ നി​ര​വ​ധി പേ​ർ മ​രി​ക്കു​ക​യും ധാ​രാ​ളം പേ​ർ​ക്ക്​ പ​രി​ക്കേ​ൽ​ക്കു​ക​യും ചെ​യ്​​ത​തി​ൽ സ​ൽ​മാ​ൻ രാ​ജാ​വും കി​രീ​ടാ​വ​കാ​ശി അ​മീ​ർ മു​ഹ​മ്മ​ദ്​ ബി​ൻ സ​ൽ​മാ​നും മൊ​റോ​ക്കോ രാ​ജാ​വ്​ മു​ഹ​മ്മ​ദ്​ ആ​റാ​മ​ന്​ അ​നു​ശോ​ച​ന സ​ന്ദേ​ശം അ​യ​ച്ചു. ചി​ല മൊ​റോ​ക്ക​ൻ ന​ഗ​ര​ങ്ങ​ളി​ൽ ഭൂ​ക​മ്പം ഉ​ണ്ടാ​യെ​ന്നും അ​തു​മൂ​ലം മ​ര​ണ​ങ്ങ​ളും പ​രി​ക്കു​ക​ളു​മു​ണ്ടാ​യെ​ന്നും വി​വ​രം ല​ഭി​ച്ചു.

താ​ങ്ക​ളോ​ടും മ​രി​ച്ച എ​ല്ലാ​വ​രു​ടെ കു​ടും​ബാം​ഗ​ങ്ങ​ളോ​ടും എ​​ന്റെ അ​ഗാ​ധ​മാ​യ അ​നു​ശോ​ച​ന​വും ആ​ത്മാ​ർ​ഥ​മാ​യ ദുഃ​ഖ​വും അ​റി​യി​ക്കു​ന്ന​താ​യും മ​രി​ച്ച​വ​ർ​ക്ക്​​ ദൈ​വ​കാ​രു​ണ്യ​ത്തി​നും പ​രി​ക്കേ​റ്റ​വ​ർ വേ​ഗം സു​ഖം പ്രാ​പി​ക്കാ​നും പ്രാ​ർ​ഥി​ക്കു​​ന്നു​വെ​ന്നും സ​ൽ​മാ​ൻ രാ​ജാ​വ്​​ അ​നു​ശോ​ച​ന സ​ന്ദേ​ശ​ത്തി​ൽ പ​റ​ഞ്ഞു.