നൂതന സാ​ങ്കേതികവിദ്യയുമായി കിങ്​ അബ്​ദുല്ല യൂനിവേഴ്​സിറ്റി

യാം​ബു: നൂ​ത​ന സാ​​ങ്കേ​തി​ക​വി​ദ്യ ഉ​പ​യോ​ഗി​ച്ചു​ള്ള മാ​ലി​ന്യ സം​സ്‌​ക​ര​ണം ന​ട​ത്തു​ന്ന​ ജൈ​വ കേ​ന്ദ്ര​വു​മാ​യി കി​ങ് അ​ബ്ദു​ല്ല യൂ​നി​വേ​ഴ്സി​റ്റി ഓ​ഫ് സ​യ​ൻ​സ് ആ​ൻ​ഡ്​ ടെ​ക്‌​നോ​ള​ജി (കൗ​സ്റ്റ്). ജി​ദ്ദ​ക്ക്​ സ​മീ​പം തൂ​വ​ലി​ലെ ആ​സ്ഥാ​ന​ത്താ​ണ്​ നൂ​ത​ന ജൈ​വ മാ​ലി​ന്യ സം​സ്‌​ക​ര​ണ കേ​ന്ദ്രം തു​റ​ന്ന​ത്. സൗ​ദി​യി​ൽ​ത​ന്നെ ആ​ദ്യ​ത്തെ ജൈ​വ​മാ​ലി​ന്യ സം​സ്‌​ക​ര​ണ സ്റ്റാ​ർ​ട്ട​പ്പാ​യ 'എ​ഡാ​മ ഓ​ർ​ഗാ​നി​ക് സൊ​ല്യൂ​ഷ​ൻ​സി'​​ന്റെ റീ​സൈ​ക്ലി​ങ് സാ​​ങ്കേ​തി​ക സം​വി​ധാ​നം ഉ​പ​യോ​ഗി​ച്ചാ​ണ്​ കേ​ന്ദ്രം പ്ര​വ​ർ​ത്തി​പ്പി​ക്കു​ന്ന​ത്. മ​രു​ഭൂ​മി​യി​ൽ കാ​ർ​ഷി​ക സാ​ധ്യ​ത​ക​ൾ കൂ​ടു​ത​ൽ ഫ​ല​പ്ര​ദ​മാ​യി ന​ട​ത്താ​നും പാ​രി​സ്ഥി​തി​ക പ്ര​തി​സ​ന്ധി​ക​ൾ​ക്ക് പ​രി​ഹാ​രം കാ​ണാ​നും ഈ ​സം​വി​ധാ​നം കൂ​ടു​ത​ൽ ഫ​ല​പ്ര​ദ​മാ​കും.

രാ​ജ്യ​ത്ത് ഉ​ൽ​പാ​ദി​പ്പി​ക്കു​ന്ന വ​സ്‌​തു​ക്ക​ളു​ടെ മാ​ലി​ന്യ​ങ്ങ​ൾ ശാ​സ്ത്രീ​യ​മാ​യി സം​സ്​​ക​രി​ക്കാ​ത്ത സാ​ഹ​ച​ര്യ​ത്തി​ൽ അ​ത് പ​രി​സ്ഥി​തി​ക്കും പൊ​തു​ജ​നാ​രോ​ഗ്യ​ത്തി​നും ഏ​റെ ഭീ​ഷ​ണി​യാ​യി മാ​റു​ന്നു. ത​ദ്ദേ​ശ ഭ​ര​ണ​സ്ഥാ​പ​ന​ങ്ങ​ൾ​ക്കും വാ​ണി​ജ്യ​മേ​ഖ​ല​ക്കും മ​റ്റും വ​മ്പി​ച്ച സാ​മ്പ​ത്തി​ക ബാ​ധ്യ​ത വ​രു​ത്തു​ന്ന​തു​കൂ​ടി​യാ​ണ്​ ഇ​ത്. രാ​ജ്യ​ത്ത് അ​ടി​ഞ്ഞു​കൂ​ടു​ന്ന​തി​ൽ 65 ശ​ത​മാ​ന​വും ജൈ​വ​മാ​ലി​ന്യ​മാ​ണ്. ഇ​ത്​ വാ​യു​വി​നെ മ​ലി​ന​മാ​ക്കു​ക​യും മീ​ഥേ​ൻ പോ​ലു​ള്ള അ​പ​ക​ട​ക​ര​മാ​യ വാ​ത​ക​ങ്ങ​ൾ ഉ​ൽ​പാ​ദി​പ്പി​ക്കു​ക​യും ചെ​യ്യു​ന്നു.

ജൈ​വ മാ​ലി​ന്യ​ങ്ങ​ളെ മ​രു​ഭൂ​മി​യി​ലെ കൃ​ഷി, വൃ​ക്ഷ​ത്തൈ ന​ടീ​ൽ, ഭൂ​മി പു​ന​രു​ദ്ധാ​ര​ണ പ​ദ്ധ​തി​ക​ൾ എ​ന്നി​വ​ക്കാ​യി ഉ​പ​യോ​ഗ​പ്ര​ദ​മാ​യ ഉ​ൽ​പ​ന്ന​ങ്ങ​ളാ​ക്കി മാ​റ്റാ​ൻ ഈ ​പ​ദ്ധ​തി സ​ഹാ​യി​ക്കും. കൗ​സ്റ്റ് കാ​മ്പ​സി​ലെ ഭ​ക്ഷ​ണ​ത്തി​ന്റെ​യും മ​റ്റും അ​വ​ശി​ഷ്ട​ങ്ങ​ൾ നൂ​റു​ശ​ത​മാ​ന​വും പു​ന​രു​പ​യോ​ഗ​പ്ര​ദ​മാ​ക്കും. പ്ര​ദേ​ശ​ത്തെ മ​ണ​ലും മ​ണ്ണും കാ​ർ​ഷി​ക​വൃ​ത്തി​ക്കാ​യി ഉ​പ​യോ​ഗ​പ്പെ​ടു​ത്താ​നും സാ​ധി​ക്കും. 2017ൽ ​ജി​ദ്ദ​ക്ക​ടു​ത്തു​ള്ള തൂ​വ​ലി​ൽ കൗ​സ്റ്റ് ആ​രം​ഭി​ച്ച​ത് മു​ത​ൽ എ​ഡാ​മ ഓ​ർ​ഗാ​നി​ക് സൊ​ല്യൂ​ഷ​ൻ​സി​ന്റെ പ്ര​വ​ർ​ത്ത​ങ്ങ​ൾ​ക്ക് തു​ട​ക്കം കു​റി​ച്ചു​വെ​ങ്കി​ലും റീ​സൈ​ക്ലി​ങ് മേ​ഖ​ല​യി​ൽ വ​മ്പി​ച്ച വി​പ്ല​വം ഉ​ണ്ടാ​ക്കാ​ൻ ഇ​പ്പോ​ൾ സാ​ധി​ച്ച​തി​ൽ ഏ​റെ അ​ഭി​മാ​ന​മു​ണ്ടെ​ന്ന് കൗ​സ്റ്റ് ഇ​ന്നൊ​വേ​ഷ​ൻ വൈ​സ് പ്ര​സി​ഡ​ന്റ് ഡോ. ​കെ​വി​ൻ കു​ള്ള​ൻ പ​റ​ഞ്ഞു.

മ​രു​ഭൂ​മി​യി​ലെ കൃ​ഷി, ലാ​ൻ​ഡ്‌​സ്‌​കേ​പ്പി​ങ്, ഉ​ദ്യാ​ന പ​രി​പാ​ല​നം എ​ന്നി​വ​ക്കാ​വ​ശ്യ​മാ​യ ഉ​ൽ‌​പ​ന്ന​ങ്ങ​ളാ​ക്കി ജൈ​വ​മാ​ലി​ന്യ​ത്തെ മാ​റ്റാ​ൻ ഈ ​സം​സ്‌​ക​ര​ണ കേ​ന്ദ്ര​ത്തി​ലൂ​ടെ സാ​ധി​ക്കും. പ​രി​സ്ഥി​തി മ​ലി​നീ​ക​ര​ണ​വും വ​ര​ണ്ട​പ്ര​ദേ​ശ​ങ്ങ​ളി​ലെ കൃ​ഷി​യും മെ​ച്ച​പ്പെ​ടു​ത്താ​ൻ സ്റ്റാ​ർ​ട്ട​പ് ല​ക്ഷ്യ​മി​ടു​ന്നു. എ​ഡാ​മ പ​ദ്ധ​തി വ​ഴി പാ​രി​സ്ഥി​തി​ക ഭീ​ഷ​ണി​ക​ൾ കു​റ​ക്കാ​നും പൊ​തു​ജ​നാ​രോ​ഗ്യം സം​ര​ക്ഷി​ക്കാ​നും ക​ഴി​യു​മെ​ന്നും അ​ധി​കൃ​ത​ർ അ​റി​യി​ച്ചു. സൗ​ദി അ​റേ​ബ്യ​യി​ലെ വ​ള​രു​ന്ന ന​ഗ​ര​ങ്ങ​ളു​ടെ സു​സ്ഥി​ര വി​ക​സ​നം, മെ​ഗാ പ്രോ​ജ​ക്ടു​ക​ൾ, വി​ഷ​ൻ 2030 റീ​സൈ​ക്ലി​ങ്​ ല​ക്ഷ്യ​ങ്ങ​ൾ എ​ന്നി​വ​ക്ക് നൂ​ത​ന ജൈ​വ​മാ​ലി​ന്യ സം​സ്‌​ക​ര​ണ കേ​ന്ദ്രം സ​ഹാ​യ​ക​മാ​കും. ജൈ​വ​മാ​ലി​ന്യ പു​ന​രു​പ​യോ​ഗ പ​രി​ഹാ​ര​ങ്ങ​ളു​ടെ മി​ക​വു​റ്റ പ​ദ്ധ​തി​യാ​യി രാ​ജ്യ​ത്ത് പ​രി​വ​ർ​ത്തി​പ്പി​ക്കാ​ൻ 'എ​ഡാ​മ' പ​ദ്ധ​തി വ​ഴി ല​ക്ഷ്യ​മാ​ക്കാ​നും ബ​ന്ധ​പ്പെ​ട്ട​വ​ർ ആ​ലോ​ചി​ക്കു​ന്നു​ണ്ട്.