ഖത്തീഫിൽ വീണ്ടും സംഘർഷം: ആർ.പി.ജി ആക്രമണത്തിൽ സൈനികൻ കൊല്ലപ്പെട്ടു

ദമ്മാം: ഏതാനും ദിവസങ്ങളായി സംഘർഷം തുടരുന്ന കിഴക്കൻ പ്രവിശ്യയിലെ ഖത്തീഫിൽ വീണ്ടും തീവ്രവാദി ആക്രമണം. തിങ്കളാഴ്​ച രാത്രി വൈകി സുരക്ഷാസേനക്ക്​ നേരെയുണ്ടായ ആക്രമണത്തിൽ സൈനികൻ കൊല്ലപ്പെട്ടു. അഞ്ചുപേർക്ക്​ പരിക്കേൽക്കുകയും ചെയ്​തു. സുരക്ഷാസേനയുടെ വാഹനത്തിന്​ നേരെ റോക്കറ്റ്​ ​പ്രൊപ്പൽഡ്​ ഗ്രനേഡ്​ (ആർ.പി.ജി) ആണ്​ തീവ്രവാദികൾ പ്രയോഗിച്ചതെന്ന്​ ആഭ്യന്തര വകുപ്പ്​ വൃത്തങ്ങൾ സൂചിപ്പിച്ചു. വലീദ്​ ഗസിയൻ അൽ ശൈബാനി എന്ന ഉദ്യോഗസ്​ഥനാണ്​ മരിച്ചത്​. 

ഖത്തീഫിൽ വൻ വികസന, നിർമാണ പ്രവർത്തനങ്ങൾ നടക്കുന്ന അൽ മസൂറയിലാണ്​ സംഭവം. നിർമാണ മേഖലയിൽ ദിവസങ്ങൾ മുമ്പുണ്ടായ വെടിവെപ്പിൽ പിഞ്ചുകുഞ്ഞ്​ ഉൾപ്പെടെ രണ്ടുപേർ കൊല്ലപ്പെട്ടിരുന്നു. പത്തു​േപർക്ക്​ പരിക്കേൽക്ക​ുകയു​ം ചെയ്​തു. ഖത്തീഫിലെ പഴക്കമേറിയ താമസ മേഖലയാണ്​ അൽ മസൂറ. 100 വർഷത്തിലേറെ പഴക്കമുള്ളതാണ്​ ഇവി​ടത്തെ പല കെട്ടിടങ്ങളും. ഇത്തരത്തിലുള്ള 488 റെസിഡൻഷ്യൽ യൂനിറ്റ​ുകൾ പൊളിച്ചുമാറ്റി പുതിയ കെട്ടിടങ്ങളും സംവിധാനങ്ങളും ഒരുക്കുകയാണ്​ ലക്ഷ്യം. ​ഇവിടെത്ത നിർമാണ പ്രവർത്തനങ്ങൾക്കും സംരക്ഷണം നൽകുന്ന സുരക്ഷാവിഭാഗത്തിന​ും എതിരെയാണ്​ ആക്രമണങ്ങൾ നടക്കുന്നത്​.