ഖാംനഈയുടെ നിര്യാണം: ഇറാൻ പ്രസിഡൻറിനെ നേരിട്ട് അനുശോചനം അറിയിച്ച് സൗദി ഭരണകൂടം

തെഹ്റാൻ: അന്തരിച്ച ഇറാൻറ മുൻ പരമോന്നത നേതാവ് ആയത്തുല്ല അലി ഖാംനഈയുടെ നിര്യാണത്തിൽ സൗദി അറേബ്യൻ ഭരണകൂടത്തി​െൻറ അഗാധമായ ദുഃഖവും അനുശോചനവും സൗദി വിദേശകാര്യ ഉപമന്ത്രി എൻജി. വലീദ് അൽ ഖുറൈജി ഇറാൻ പ്രസിഡൻറിനെ നേരിട്ട്​ അറിയിച്ചു. സൽമാൻ രാജാവ്, കിരീടാവകാശിയും പ്രധാനമന്ത്രിയുമായ അമീർ മുഹമ്മദ് ബിൻ സൽമാൻ എന്നിവരുടെ ഔദ്യോഗിക അനുശോചന സന്ദേശമാണ് അദ്ദേഹം ഇറാൻ പ്രസിഡൻറ്​ ഡോ. മസൂദ് പെസഷ്കിയാന് കൈമാറിയത്.

വെള്ളിയാഴ്ച ഇറാൻ തലസ്ഥാനമായ തെഹ്റാനിൽ സംഘടിപ്പിച്ച ഔദ്യോഗിക അനുസ്മരണ ചടങ്ങിൽ സൗദി അറേബ്യയെ പ്രതിനിധീകരിച്ച് പങ്കെടുത്തു സംസാരിക്കവേയാണ് വിദേശകാര്യ ഉപമന്ത്രി സൗദി നേതൃത്വത്തി​െൻറ അനുശോചനം നേരിട്ടറിയിച്ചത്.