ഖദീർ യമാനിയും കു​േട്ട്യാളും

വായിച്ചാൽ വളരും വായിച്ചില്ലെങ്കിൽ വളയും എന്ന്​ പറഞ്ഞത്​ കുഞ്ഞുണ്ണിമാഷ്​. ഭാഷ ചിന്തയുടെ താക്കോലാണെന്ന്​ പറഞ്ഞത്​ ആഷാമേനോൻ. ഇവിടെയിതാ  വായനാശീലരും ഭാഷാസമ്പന്നരും ചിന്താശീലരുമാക്കാൻ കുട്ടികളെ ചേർത്തിരുത്തി ​ സൗദി അറേബ്യയിലെ ഖദീർ യമാനി എന്ന യുവതി കഥകളുടെ മുത്തശ്ശിയാവുന്നു. നാട്ടിലെ കുഞ്ഞുങ്ങൾക്ക്​ പറഞ്ഞു കൊടുക്കാൻ അവരുടെ മനസ്സ്​ നിറയെ കഥകളാണ്​. കുട്ടികളെ  വട്ടത്തിലിരുത്തി യമാനി കഥകൾ പറയാൻ തുടങ്ങുന്നതോടെ കുഞ്ഞുകാതുകൾ അച്ചടക്കത്തോടെ കൂർപ്പിച്ച്​ വെക്കും. ഇൗ കഥ തീരരുതേ എന്ന ഭാവത്തിലാണ് കുട്ടികളുടെ ഇരിപ്പ്​.  ഗുണപാഠങ്ങൾ നിറഞ്ഞ, ചിന്തകളുണർത്തുന്ന, ഭാവനകൾ പീലി വിടർത്തുന്ന, ദാർശനിക കഥകളുടെ രാജകുമാരിയാവും അപ്പോൾ കുട്ടികളുടെ മുന്നിൽ ഖദീർ യമാനി.  രക്ഷിതാക്കൾ  മക്കളുടെ കൈകൾ പിടിച്ച്​ യമാനിയെ തേടി വരികയാണ്, കഥകൾ കേട്ട്​ വളരാൻ. 

ആറ്​ വർഷമായി ‘ഗ്രാൻഡ്​മ സ്​റ്റോറീസ്’ എന്നൊരു പ്രസ്​ഥാനം തന്നെ തുടങ്ങിയിരിക്കയാണ്​ ഇൗ വനിത. സൗദിയിലെയും മറ്റ്​ അറബ്​ രാജ്യങ്ങളിലെയും ആറായിരത്തിലേറെ കൂട്ടികൾക്ക്​ ഇതിനകം കഥകളുടെ മഹാപ്രപഞ്ചം തുറന്നുകൊടുത്തു. കുട്ടികൾക്ക്​​ പറഞ്ഞുകൊടുക്കാനായി ഇംഗ്ലീഷിലും അറബിയിലുമുള്ള കഥകൾ വായിച്ചുകൊണ്ടേയിരിക്കുകയാണ്​ യമാനി.

കഥകൾ കേട്ട്​ രസിക്കുന്ന കുട്ടികൾ വായനയുടെ ലോകത്തേക്കാണ്​ ചേക്കേറുന്നത്​. കുട്ടികളെ വായനാപ്രേമികളാക്കുക എന്നത്​ യമാനിയുടെ സ്വപ്​നമാണ്​. ഭർത്താവിനൊപ്പം വിദേശ രാജ്യങ്ങളിൽ ജീവിക്കുന്നതിനിടയിലാണ്​  യമാനി അവിടുത്തെ കുട്ടികളെ ശ്രദ്ധിച്ചത്​. ലൈബ്രറികളിൽ മാത്രമല്ല, ബസ്​​ സ്​റ്റോപ്പുകളിലും,   വഴിയരികുകളിലും ആശുപത്രി തിണ്ണകളിലുമെല്ലാം കുട്ടികൾ വായനയിൽ ലയിച്ചിരിക്കുന്ന കാഴ്​ച ​ യമാനിയെ ചിന്തിപ്പിച്ചു. ത​​​െൻറ നാട്ടിലെ കുട്ടികളെയും ഇതുപോലെ വായനാശീലമുള്ളവരാക്കണമെന്ന്​ മോഹമുദിച്ചതങ്ങനെയാണ്​. 

വായനാമത്​സരവും വായനാ ക്ലബും മറ്റ്​ ബോധവത്​കരണപരിപാടികളും ‘ഗ്രാൻഡ്​മ സ്​റ്റോറീസ്​’ പ്രസ്​ഥാനത്തി​​​െൻറ ഭാഗമാണ്​. കുഞ്ഞുനാളിലെ സ്വന്തം അനുഭവങ്ങളാണ്​  യമാനിക്ക്​ കഥപറയൽ ആശയം സമ്മാനിച്ചത്​. മദീനയിലെ ത​​​െൻറ വല്യുമ്മയുടെ മുന്നിലിരുന്ന്​ ധാരാളം കഥകൾ കേട്ട്​ പാകം വന്ന മനസ്സാണ്​ യമാനിയു​േടത്​. വിസ്​മയ കഥകളായിരുന്നു വല്യുമ്മ കുഞ്ഞുയമാനിക്കും കുട്ടുകാർക്കും പറഞ്ഞുകൊടുത്തിരുന്നത്​. അസാധാരണമായിരുന്നു ആ കഥകൾ. ആ വല്യുമ്മയുടെ പിൻമുറക്കാരി ഇന്ന്​ ഒരു രാജ്യത്തെ പ്രസ്​ഥാനമായി വളരുകയാണ്​. വായനയുടെ, കഥകളുടെ പുതിയ ലോകം കുട്ടികൾക്ക്​ തുറന്നുകൊടുത്ത്​ അവരുടെ ചിന്തകൾക്ക്​ തീ പകരുകയാണ്,  ചോദ്യങ്ങൾ ചോദിക്കാൻ  പഠിപ്പിക്കുകയാണ്​. കഥകൾ കേട്ടാസ്വദിച്ച്​ മടിയൻമാരായിരിക്കാൻ യമാനി കുട്ടികളെ അനുവദിക്കില്ല.  കഥാപാത്രങ്ങളെ ചോദ്യം ചെയ്യാൻ, ഗുണദോഷങ്ങളെ വിലയിരുത്താൻ, വിമർശിക്കാൻ യമാനി കുട്ടികളെ പ്രചോദിപ്പിക്കുന്നു. യമാനിയുടെ കഥകൾ കേൾക്കാൻ തുടങ്ങിയതോടെ തങ്ങളുടെ കുട്ടികൾ നാണം കുണുങ്ങികളല്ലാതായി, ആരുടെ മുമ്പിലും നന്നായി സംസാരിക്കുന്നവരായി, വാക്കുകളാൽ സമ്പന്നരായി എന്നെല്ലാമാണ്​ രക്ഷിതാക്കൾ സാക്ഷ്യപ്പെടുത്തുന്നത്​.