ഡിഷ് ഘടിപ്പിക്കുന്നതിനിടെ കെട്ടിടത്തിൽ നിന്ന് വീണ്​ മലയാളി മരിച്ചു

അൽഅഹ്സ: ഡിഷ്​ ആൻറിന ഘടിപ്പിക്കുന്നതിനിടെ കെട്ടിടത്തി​​െൻറ മുകളിൽ നിന്ന്​ ത​ാഴെ വീണ്​ മലയാളി മരിച്ചു. അൽഅഹ്‌സയിലെ ജിഷയിൽ സ്വദേശിയുടെ വീട്ടിൽ ഡിഷ്  ആൻറിന ഘടിപ്പിക്കുന്ന ജോലിയിൽ ഏർപ്പെട്ടിരിക്കു​േമ്പാഴാണ്​ കാലുതെന്നി ടെറസിൽ നിന്ന് താഴേക്ക് വീണ് എറണാകുളം ആലുവ സ്വദേശി ഗാന്ധിപുരം അമ്പാട്ടിൽ സിയാസ് ഹമീദ് എന്ന കുഞ്ഞുമോൻ (33) മരിച്ചത്. 

ടെറസി​​െൻറ ഭാഗമായി ഒരു മീറ്ററോളം റോഡിലേക്ക് തള്ളി നിർമിച്ച മേൽക്കൂരയിലെ ഷീറ്റിൽ ചവിട്ടിയപ്പോൾ  ഷീറ്റ്  വളയുകയും കാൽ വഴുതി താഴെ റോഡിലേക്ക് വീഴുകയുമായിരുന്നു. സംഭവസ്ഥലത്തു വെച്ചുതന്നെ അന്ത്യം സംഭവിച്ചു. 

മൃതദേഹം അൽജാഫർ ആശുപത്രി  മോർച്ചറിയിൽ സൂക്ഷിച്ചിരിക്കുകയാണ്. അൽഅഹ്സയിലെ ജിഷ ഫുട്​ബാൾ ക്ലബ്ബിലെ അംഗമായ സിയാസ് എട്ട്​ വർഷമായി സൗദിയിലെത്തിയിട്ട്. സഹോദരൻ ഷിജാസ്  അൽഅഹ്സയിലുണ്ട്. പിതാവ്: ഹമീദ്, മാതാവ്: സൈനബ, ഭാര്യ: ഫെബിന, മകൾ: ഫർഹ (4).