മലയാളി സാമൂഹിക പ്രവർത്തകൻ ജുബൈലിൽ ഉറക്കത്തിൽ മരിച്ചു
text_fieldsജുബൈൽ: വ്യവസായിയും സാമൂഹിക പ്രവർത്തകനുമായ ആലപ്പുഴ സ്വദേശി ജുബൈലിൽ ഉറക്കത്തിൽ മരിച്ചു. ജുബൈലിലെ ഐ.ടി.എച്ച് കമ്പനി മാനേജർ ആര്യാട് മണ്ണഞ്ചേരി സ്വദേശി അബ്ദുൽ കലാം (55) ആണ് മരിച്ചത്. വെള്ളിയാഴ്ച ഉച്ചക്ക് ഭക്ഷണം കഴിച്ച് ഉറങ്ങാൻ കിടന്നതാണ്. വൈകീട്ട് കുടുംബം ഉണർത്താൻ ശ്രമിക്കുമ്പോൾ ചലനം നഷ്ടപ്പെട്ടിരുന്നു. ജുബൈൽ ജനറൽ ആശുപത്രിയിൽ മരണം സ്ഥിരീകരിച്ചു.
ഹൃദയാഘാതം ആണ് മരണകാരണം എന്നാണ് പ്രാഥമിക നിഗമനം. മൃതദേഹം ജുബൈൽ ജനറൽ ആശുപത്രി മോർച്ചറിയിൽ. ഭാര്യ: ജാസ്മിൻ. മകൻ: മാഹീൻ. 18 വർഷമായി ജുബൈലിൽ ഉള്ള അബ്ദുൽകലാം പ്രവാസി സമൂഹത്തിന് സുപരിചിതനായിരുന്നു.
സൗദി ആലപ്പുഴ വെൽഫെയർ അസോസിയേഷൻ രക്ഷാധികാരിയും സൗദിയിലും നാട്ടിലും സാമൂഹിക പ്രവർത്തന രംഗത്ത് സജീവമായിരുന്നു. വലിയൊരു സുഹൃദ് വലയത്തിനുടമയും മനുഷ്യസ്നേഹിയുമായ അബ്ദുൽ കലാമിെൻറ നിര്യാണത്തിൽ ജുബൈലിലെ സാമൂഹിക സംകാരിക രാഷ്ട്രീയ നേതാക്കൾ അനുശോചിച്ചു.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.