കേ​ര​ള​ത്തി​നു​വേ​ണ്ട​ത് സാ​മൂ​ഹി​ക സു​ര​ക്ഷി​ത​ത്വം -എ​ൻ.​പി. ഹാ​ഫി​സ് മു​ഹ​മ്മ​ദ്

റി​യാ​ദ്‌: കേ​ര​ളം അ​സാ​ധാ​ര​ണ​മാ​യൊ​രു ദേ​ശ​മാ​ണെ​ന്നും ഇ​ന്ത്യ​യി​ൽ മ​റ്റു സം​സ്ഥാ​ന​ങ്ങ​ളി​ലോ ലോ​ക​ത്ത് അ​ധി​കം പ്ര​ദേ​ശ​ങ്ങ​ളി​ലോ ഇ​ല്ലാ​ത്ത വ്യ​ത്യ​സ്ത​ത​ക​ളാ​ണ് കേ​ര​ള​ത്തി​ലെ​ന്നും പ്ര​മു​ഖ എ​ഴു​ത്തു​കാ​ര​ൻ എ​ൻ.​പി. ഹാ​ഫി​സ് മു​ഹ​മ്മ​ദ്. വി​ദ്യാ​ഭ്യാ​സ​പ​ര​മാ​യ നേ​ട്ട​ങ്ങ​ൾ, ലോ​ക​ത്തെ​വി​ടെ​യും ജോ​ലി​ചെ​യ്യാ​ൻ പ്രാ​പ്ത​മാ​യ തൊ​ഴി​ൽ​പ​ര​മാ​യ വ​ള​ർ​ച്ച, ആ​രോ​ഗ്യ​രം​ഗ​ത്തെ സ​മാ​ന​ത​ക​ളി​ല്ലാ​ത്ത ഉ​യ​ർ​ന്ന നി​ല​വാ​രം, രാ​ഷ്ട്രീ​യ അ​വ​ബോ​ധ​ത്തി​ലു​ള്ള ശേ​ഷി​യു​മെ​ല്ലാം മ​ല​യാ​ളി​യെ ലോ​ക​ത​ല​ത്തി​ൽ മു​ന്നി​ട്ടു​നി​ർ​ത്തു​ന്ന ഘ​ട​ക​ങ്ങ​ളാ​ണ്. റി​യാ​ദ്‌ പു​സ്ത​കോ​ത്സ​വ​ത്തി​ൽ അ​തി​ഥി​യാ​യെ​ത്തി​യ അ​ദ്ദേ​ഹം 'ഗ​ൾ​ഫ്​ മാ​ധ്യ​മ'​ത്തി​ന്​ അ​നു​വ​ദി​ച്ച അ​ഭി​മു​ഖ​ത്തി​ൽ സ​മൂ​ഹം, സ്ത്രീ, ​എ​ഴു​ത്ത് എ​ന്നീ വി​ഷ​യ​ങ്ങ​ളി​ൽ സം​സാ​രി​ക്കു​ക​യാ​യി​രു​ന്നു.

സാ​മൂ​ഹി​കാ​രോ​ഗ്യം ഭ​ദ്ര​മ​ല്ല

ഈ ​പ​റ​ഞ്ഞ സ​വി​ശേ​ഷ​ത​ക​ളൊ​ക്കെ കേ​ര​ളീ​യ​ർ​ക്കു​ണ്ടെ​ങ്കി​ലും ന​മ്മു​ടെ സാ​മൂ​ഹി​ക​മാ​യ ആ​രോ​ഗ്യം അ​ത്ര ന​ല്ല​ത​ല്ല. ഏ​റ്റ​വു​മ​ധി​കം ആ​ൽ​ക്ക​ഹോ​ളി​സ്റ്റു​ക​ൾ കേ​ര​ള​ത്തി​ലാ​ണ്. മ​ദ്യ​പാ​ന​ത്തി​ന്റെ​യും മ​യ​ക്കു​മ​രു​ന്നി​ന്റെ​യും ഉ​പ​ഭോ​ഗം ഉ​ണ്ടാ​ക്കു​ന്ന പ്ര​ശ്‌​ന​ങ്ങ​ൾ രൂ​ക്ഷ​മാ​ണ്. വൈ​വാ​ഹി​ക ബ​ന്ധ​ങ്ങ​ളി​ലെ പ്ര​ശ്ന​ങ്ങ​ൾ, ആ​ത്മ​ഹ​ത്യ, കു​ടും​ബ​ത്ത​ക​ർ​ച്ച, റോ​ഡ​പ​ക​ട​ങ്ങ​ൾ എ​ല്ലാം ചെ​ന്നെ​ത്തി​നി​ൽ​ക്കു​ന്ന​ത് മ​ദ്യ​ത്തി​ലും മ​യ​ക്കു​മ​രു​ന്നി​ലു​മാ​ണ്. സാ​മൂ​ഹി​ക ജീ​വി​ത​ത്തി​ന് ഭീ​ഷ​ണി​യാ​കു​ന്ന ക്വ​ട്ടേ​ഷ​ൻ സം​ഘ​ങ്ങ​ൾ, സ്‌​ത്രീ പീ​ഡ​ക​ർ, കു​ട്ടി​ക​ൾ​ക്കും വൃ​ദ്ധ​ർ​ക്കു​മെ​തി​രെ​യു​ള്ള അ​തി​ക്ര​മ​ങ്ങ​ൾ എ​ല്ലാം അ​നു​ദി​നം വ​ർ​ധി​ക്കു​ക​യാ​ണ്. ഇ​ത് 'രേ​ഖ​പ്പെ​ടു​ത്തു​ന്ന​താ​ണ് കാ​ര​ണ'​മെ​ന്ന വാ​ദ​ത്തോ​ട് യോ​ജി​ക്കാ​നാ​വി​ല്ല. ത​മി​ഴ്നാ​ട്ടി​ലെ ഒ​രു ഗ്രാ​മ​ത്തി​ൽ ല​ഭി​ക്കു​ന്ന സ്വ​സ്ഥ​ത ന​മ്മു​ടെ പ്ര​ദേ​ശ​ത്തി​ല്ലെ​ന്ന് ന​മു​ക്ക് യാ​ത്ര​ചെ​യ്യു​മ്പോ​ൾ ബോ​ധ്യ​പ്പെ​ടും.

കേ​ര​ള​ത്തി​ന്റെ സാ​മൂ​ഹി​കാ​രോ​ഗ്യ​ത്തെ കു​റി​ച്ച് നാം ​ജാ​ഗ്ര​ത പാ​ലി​ക്ക​ണം. പ്ര​വാ​സി​ക​ൾ തി​രി​ച്ചു​വ​ന്നു​കൊ​ണ്ടി​രി​ക്കു​ന്നു. ഇ​ത് മു​ൻ​കൂ​ട്ടി​ക്ക​ണ്ട് ന​മ്മു​ടെ രാ​ഷ്ട്രീ​യ സാം​സ്കാ​രി​ക സ​മൂ​ഹ ശാ​സ്ത്ര​ജ്ഞ​ന്മാ​ർ ഒ​രു ചു​ക്കും ചെ​യ്തി​ട്ടി​ല്ല. കേ​ര​ള​ത്തി​ന്റെ ന​ട്ടെ​ല്ലാ​യ ഒ​രു വി​ഭാ​ഗം പെ​ട്ടെ​ന്ന് തൊ​ഴി​ലി​ല്ലാ​താ​യി തി​രി​ച്ചു​വ​രു​മ്പോ​ൾ സ്വാ​ഭാ​വി​ക​മാ​യും കു​ടും​ബ​ത്തി​ലു​ണ്ടാ​ക്കു​ന്ന പ്ര​യാ​സം വ​ലു​താ​യി​രി​ക്കും. ഇ​ത്ത​രം പ്ര​ശ്‌​ന​ങ്ങ​ൾ​ക്കു​നേ​രെ ക​ണ്ണും പൂ​ട്ടി​യി​രി​ക്കു​ന്ന സ​മൂ​ഹം കൂ​ടി​യാ​ണ് കേ​ര​ളീ​യ​ർ. ന​മു​ക്ക് സാ​മൂ​ഹി​ക സു​ര​ക്ഷ​ക്കു​വേ​ണ്ടി ഒ​രു വ​കു​പ്പും മ​ന്ത്രാ​ല​യ​വും ഉ​ട​ന​ടി വേ​ണ​മെ​ന്നും ഹാ​ഫി​സ് മു​ഹ​മ്മ​ദ് ചൂ​ണ്ടി​ക്കാ​ട്ടി.

സ്​​ത്രീ മു​ന്നേ​റ്റം തു​ട​രു​ന്നു

സ്‌​ത്രീ​സ​മൂ​ഹം എ​ല്ലാ മേ​ഖ​ല​ക​ളി​ലും ഉ​യ​ർ​ന്നു​വ​രു​ന്ന കാ​ഴ്ച​യാ​ണ് നാം ​കാ​ണു​ന്ന​ത്. കാ​ലി​ക്ക​റ്റ് യൂ​നി​വേ​ഴ്‌​സി​റ്റി​യി​ൽ 75 ശ​ത​മാ​നം പെ​ൺ​കു​ട്ടി​ക​ളാ​ണ്. റി​സ​ർ​ച്ചി​ൽ 60 ശ​ത​മാ​ന​ത്തി​ല​ധി​കം പെ​ൺ​കു​ട്ടി​ക​ളാ​ണ്. ഫാ​റൂ​ഖ് കോ​ള​ജി​ൽ ഒ​രു വ​ർ​ഷം 76 ശ​ത​മാ​നം​വ​രെ മു​സ്​​ലിം പെ​ൺ​കു​ട്ടി​ക​ൾ ഉ​ണ്ടാ​യി​രു​ന്നു. അ​വ​ർ പ​ഠി​ക്കു​ക​യും മു​ന്നേ​റു​ക​യും ചെ​യ്യു​ന്നു. എ​ന്നാ​ൽ മു​സ്​​ലിം സ​മൂ​ഹ​ത്തി​ലെ ആ​ൺ​കു​ട്ടി​ക​ൾ വേ​ണ്ട​ത്ര പ​ഠി​ക്കാ​തെ​പോ​കു​ന്ന​ത് സ്വാ​ഭാ​വി​ക​മാ​യും ആ​ഘാ​ത​മു​ണ്ടാ​ക്കും. ഇ​ന്ന് പെ​ൺ​കു​ട്ടി​ക​ൾ തീ​രു​മാ​ന​ങ്ങ​ളെ​ടു​ക്കു​ന്ന ഒ​രു കാ​ല​ത്താ​ണ് നാം. ​ഈ മാ​റ്റം പു​രോ​ഗ​മ​ന ന​വോ​ത്ഥാ​ന ച​ല​ന​ങ്ങ​ളു​ടെ ഭാ​ഗ​മാ​ണ്. പു​രു​ഷ​മേ​ധാ​വി​ത്വ​ത്തെ ചോ​ദ്യം​ചെ​യ്യു​ക എ​ന്ന​ത് ആ​ധു​നി​ക കാ​ല​ത്തി​ന്റെ നേ​ട്ട​മാ​ണ്. ഇ​ത് ഫെ​മി​നി​സ​മ​ല്ല, മ​നു​ഷ്യാ​വ​കാ​ശ പ്ര​ശ്ന​മാ​ണ്. സ്‌​ത്രീ​ക്കും പു​രു​ഷ​നും തു​ല്യ​നീ​തി എ​ന്ന​ത് നി​യ​മ​പ​ര​മാ​യ പ​രി​ര​ക്ഷ​യു​ടെ​യും സാ​മൂ​ഹി​ക​മാ​യ അ​നു​ഭ​വ​ങ്ങ​ളു​ടെ​യും അ​ടി​ത്ത​റ​യി​ലു​ണ്ടാ​വേ​ണ്ട​താ​ണെ​ന്നും അ​ദ്ദേ​ഹം വ്യ​ക്ത​മാ​ക്കി.

'എ​സ്​​പ​തി​നാ​യി​രം'

സം​ഗീ​ത​ജ്ഞ​നാ​യ ബാ​ബു​രാ​ജി​നെ കു​റി​ച്ചു​ള​ള ഒ​രു നോ​വ​ൽ പ​ത്ത് അ​ധ്യാ​യം പൂ​ർ​ത്തി​യാ​യെ​ങ്കി​ലും മു​ന്നോ​ട്ടു​ള്ള പ്ര​യാ​ണ​ത്തി​ൽ ത​ട​സ്സം നേ​രി​ട്ട​പ്പോ​ൾ ഇ​ട​ക്കാ​ല​ത്ത് എ​ഴു​തി​യ നോ​വ​ലാ​ണ് 'എ​സ്‌​പ​തി​നാ​യി​രം'. എ​ന്റെ ബാ​ല്യ, കൗ​മാ​ര കാ​ല​ത്തെ അ​നു​ഭ​വ​ങ്ങ​ളാ​ണ് പ്ര​തി​പാ​ദ​നം. ഞാ​ൻ ജ​നി​ച്ചു​വ​ള​ർ​ന്ന കോ​ഴി​ക്കോ​ട്ടെ തീ​ര​ദേ​ശ ഭാ​ഗ​മാ​യ തെ​ക്കേ​പ്പു​റം ഏ​റെ സ​വി​ശേ​ഷ​ത നി​റ​ഞ്ഞ ഒ​രു പ്ര​ദേ​ശ​മാ​ണ്. മു​സ്​​ലിം​ക​ളാ​ണ് നൂ​റു ശ​ത​മാ​ന​വും. മ​രു​മ​ക്ക​ത്താ​യ​വും പു​യ്യാ​പ്ല സം​സ്കാ​ര​വും നി​ല​നി​ൽ​ക്കു​ന്ന ഈ ​സ്ഥ​ലം സാ​മൂ​ഹി​ക​ശാ​സ്ത്ര​പ​ര​മാ​യ ഒ​ര​ത്ഭു​ത​മാ​ണ്.

അ​വ​രു​ടെ വി​വാ​ഹം, കാ​തു​കു​ത്ത്, സു​ന്ന​ത്ത് ക​ല്യാ​ണം, ഭ​ക്ഷ​ണം, സ​ൽ​ക്കാ​രം എ​ല്ലാം​ത​ന്നെ സ​വി​ശേ​ഷ​മാ​യ ജീ​വി​ത​രീ​തി​യാ​ണ്. എ​സ്‌​പ​തി​നാ​യി​രം ക​ഥ​ക​ളു​റ​ങ്ങു​ന്ന തെ​ക്കേ​പ്പു​റ​ത്ത് കൂ​ടി കൗ​മാ​ര​ക്കാ​ര​നാ​യ ഹാ​ഫി​സ് എ​ന്ന കൗ​മാ​ര​ക്കാ​ര​ൻ ന​ട​ത്തു​ന്ന പ്ര​യാ​ണ​മാ​ണ് ഈ ​നോ​വ​ൽ. പി​താ​വ് എ​ൻ.​പി. മു​ഹ​മ്മ​ദി​ന്റെ വി​ഖ്യാ​ത​മാ​യ 'എ​ണ്ണ​പ്പാ​ടം'​നോ​വ​ൽ തെ​ക്കേ​പ്പാ​ട​ത്തി​ന്റെ കീ​ഴാ​ള​പ​ക്ഷ മു​ഖ​മാ​ണ് അ​നാ​വ​ര​ണം ചെ​യ്​​ത​തെ​ന്നും അ​ദ്ദേ​ഹം പ​റ​ഞ്ഞു.

പു​തി​യ എ​ഴു​ത്തു​കാ​ർ

ഇ​ന്ന​ത്തെ എ​ഴു​ത്തു​കാ​ർ ഒ​രു ട്രെ​ൻ​ഡി​നെ​യോ പാ​റ്റേ​ണി​നെ​യോ പി​ന്തു​ട​രു​ന്ന​വ​ര​ല്ലെ​ന്നും അ​വ​ർ വ്യ​ത്യ​സ്ത പാ​ത​ക​ൾ വെ​ട്ടി​ത്തെ​ളി​ക്കു​ന്ന​വ​രാ​ണെ​ന്നും അ​ദ്ദേ​ഹം അ​ഭി​പ്രാ​യ​പ്പെ​ട്ടു. ഇ​ന്ദു​ഗോ​പ​നെ​ഴു​തു​ന്ന​പോ​ലെ​യ​ല്ല വി​നോ​യ് തോ​മ​സ് എ​ഴു​തു​ന്ന​ത്. അ​ദ്ദേ​ഹം എ​ഴു​തു​ന്ന​പോ​ലെ​യ​ല്ല ദേ​വ​ദാ​സ് എ​ഴു​തു​ന്ന​ത്. അ​വ​ർ​ക്ക് ശേ​ഷ​മു​ള്ള എ​ഴു​ത്തു​കാ​രും പു​തി​യ ട്രെ​ൻ​ഡു​ക​ൾ സ്വ​യം സൃ​ഷ്ടി​ക്കു​ന്ന​വ​രാ​ണ്. ഇ​ത് സാ​ഹി​ത്യ​ത്തെ സം​ബ​ന്ധി​ച്ചി​ട​ത്തോ​ളം അ​ഭി​ല​ഷ​ണീ​യ​മാ​യ പ്ര​വ​ണ​ത​യാ​ണെ​ന്നും എ​ൻ.​പി. ഹാ​ഫി​സ് മു​ഹ​മ്മ​ദ് ചൂ​ണ്ടി​ക്കാ​ട്ടി.